(1) 60:44 כִדנָן אְמַר יוי מַלכֵיה דְיִשׂרָאֵל וֻפָרְקיֵה יוי צְבָאוֹת אְנָא הוּא אְנָא הוּא דְמִלְקַדמִין אַף עָלְמֵי עָלְמַיָא דִילִי אִנוּן וֻבָר מִנִי לֵית אְלָה׃

(1) 70:44 וֻמַן כְוָתִי דִיעָרְעִינַה וִיחַוֵינַה וִיסַדְרִינַה קְֹדָמַי מִשַוָיוּתִי עַמָא דְמִן עָלְמָא וֻדאַתיָן וְדַעְתִידָן לְמֵיתֵי יְחַווֹן לַנָא׃
(1) 80:44 לָא תִדחְלוּן וְלָא תִיתַברוּן הְלָא מִבְכוֹן״מִבְכֵין#2#״ בַסַרתָך וְחַוִיתִי וְאַתוּן סָהְדִין קְֹדָמַי הְאִית אְלָה בָר מִנִי וְלֵית דְתַקִיף אְלָהֵין דְמִן קְֹדָמַי מִתיְהֵיב לֵיה״לְכוֹן#2#״ תְקוֹף׃
(1) 90:44 עָבְדֵי צַלמָא כוּלהֵון לָמָא וֻפָלְחֵיהוֹן דְלָא יַהנוֹן לְהוֹן וְסָהְדִין אִינוּן בְנַפשָתְהוֹן דְלָא חָזַן וְלָא יָדְעִין בְדִיל דְיִבַהתוּן׃
(1) 01:44 מַן עְבַד דַחלָא וְצַלמָא אַתֵיך בְדִיל דְלָא לַהְנָאָה׃
(1) 11:44 הָא כָל פָלְחֵיהוֹן יִבַהתוּן וְאוּמָנִין עְבַדוּנִין מִבְנֵי אְנָשָא יִתכַנשוּן כוּלְהוֹן יְקוּמוּן יִתַברוּן וְיִבַהתוּן כַחדָא׃
(1) 21:44 נַפָחָא מִבַרזְלָא חְצִינָא עָבֵיד וְנָפַח נוּר בְשִיחוֹרִין וֻבמַקוֹביָן מְתַקֵיף לֵיה וְעָבֵיד לֵיה בִתקוֹף חֵילֵיה דְאִם יִכפַן עָבְדֵיה וְלָא יִכוֹל לָא יְהֵי בֵיה חֵיל וְאִם יִצהֵי וְלָא יִשתֵי מַיָא יְהֵי מְשַלהֵי׃
(1) 31:44 נַגָרָא אָעִין נָפֵיץ בְחוּטָא מָסַר לֵיה בְמַשקֻלתָא מְגַזֵי לֵיה בְאוּזמֵילָא וֻבנָצוֹרִין מְאַחֵיד לֵיה וְעָבֵיד לֵיה כִדמוּת גְבַר כְתֻשבְחָת אִתָא״איִתְתָא#2#״ יָתְבַת בֵיתָא׃
(1) 41:44 לְמִקַץ לֵיה אַרזִין וְנָסֵיב תְרַן״תוֹרַז#2#״ וֻבַלוּט וֻמתַקֵיף״וֻמתַקֵין#2#״ לֵיה בְאָעֵי חֻרשָא נְצַב אוּרנָא וֻמִטרָא מְרַבֵי׃
(1) 51:44 וְהָוֵי לַאְנָשָא לְאַדלָקָא וֻנסֵיב מִנְהוֹן וֻשחֵין אַף אָזָא וַאְפָא לְחֵים אַף עַבדֵיה דַחלָא וֻסגֵיד אַתְכֵיה צַלמָא וֻבעָא מִנֵיה׃
(1) 61:44 פַלגֵיה אוֹקֵיד בְנוּרָא עַל פַלגֵיה \אְכַל בִסרָא ״בִסרָא אְכַל#2#״ טְוָא טְוָא וֻסבַע אַף שְחֵין וַאְמַר אָח שְחֵינִית חְזֵיתִי נוּר״נוּרָא#2#״׃
(1) 71:44 וֻשאָרֵיה לְדַחלָא עְבַד לְצַלמָא סְגֵיד וְאִשתַעבַד לֵיה וֻבעָא מִנֵיה וַאְמַר שֵיזֵיבנִי אְרֵי דַחלְתִי אַת׃
(1) 81:44 לָא יָדְעִין וְלָא מִסתַכְלִין אְרֵי מִטַמטְמָן מִלְמִחזֵי עֵינֵיהוֹן מִלְאִסתַכָלָא בְלִבְהוֹן׃
(1) 91:44 וְלָא מְתִיב לְלִיבֵיה וְלָא מַדַע וְלָא סוּכלְתָנוּ לְמֵימַר פַלגֵיה אוֹקֵידִית בְנוּרָא וְאַף אְפֵיתִי עַל גֻמרוֹהִי לְחֵים טְוֵית בִסרָא וַאְכַלִית וֻשאָרֵיה לְתוֹעֵיבָא אַעְבֵיד לִבלִי אָעָא״אָע#2#״ אַסגוֹד׃
(1) 02:44 הָא דַחלְתֵיה פַלגַה קִטמָא לִבֵיה שָטיָא אַטעְיֵיה וְלָא יְשֵיזֵיב יָת נַפשֵיה וְלָא יֵימַר הְלָא שִקרָא עְבַדַת יְמִינִי׃
(1) 12:44 אִידְכַר אִלֵין יַעְקֹב וְיִשׂרָאֵל אְרֵי עַבדִי אַת אַתקֵינתָך לְמִהוֵי עַבַד פָלַח קְֹדָמַי אַת יִשׂרָאֵל לָא תִתנְשֵי דַחלְתִי׃
(1) 22:44 מְחֵיתִי כְעֵיבָא חוֹבָך וְכַעְנַן דְעָדֵי״עָדֵי#2#״ כָל חְטַאַך תוּב לְפֻלחָנִי אְרֵי פְרַקתָך׃
(1) 32:44 שַבַחוּ שְמַיָא אְרֵי עְבַד יוי פוּרקַן לְעַמֵיה יַבַעוּ״יבועו#3#״ יְסוֹדֵי אַרעָא בוּעוּ טוּרַיָא תֻשבְחָא חוּרשָא וְכָל אִילָנַיָא דְבֵיה אְרֵי פְרַק יוי יַעְקֹב וֻביִשׂרָאֵל יִשתַבַח׃
(1) 42:44 כִדנָן אְמַר יוי דְפָרְקָך וֻדאַתקְנָך מִמְעַיִין אְנָא יוי עָבֵיד כוֹלָא תְלֵית שְמַיָא בְמֵימְרִי שַכלֵילִית אַרעָא בִגבוּרְתִי׃
(1) 52:44 מְבַטֵיל אָתְוָת בִדִין וְקָסוֹמִין מְשַגֵיש מְתִיב חַכִימַיָא לְאַחרָא וְדַעתְהוֹן מְקַלקֵיל׃
(1) 62:44 מְקִים פִתגָם עַבדוֹהִי צַדִיקַיָא וֻמֵילַך שְלִיחוֹהִי מַשלֵים דַאְמַר לִירוּשלַם תִתיַתַב וֻלקִרוַיָא דְבֵית יְהוּדָה יִתבַניָן וְחָרבָתַהָא אְקָמֵים׃
(1) 72:44 דְאָמַר עַל בָבַל תִחרוּב וְנַהרַהָא אְיַבֵיש׃
(1) 82:44 דַאְמַר עַל כוֹרַש לְמִיתַן לֵיה מַלכוּ וְכָל רְעוּתִי יְקַיֵים וֻלדַאְמַר לִירוּשלַם תִתבְנֵי וְהֵיכְלָא יִשתַכלַל׃