The Comprehensive Aramaic Lexicon

(1) 10:34 וֻכעַן כִדנָן אְמַר יוי \דִי בְרָך ״דִברָך#2#״ יַעְקֹב וֻדאַתקְנָך יִשׂרָאֵל לָא תִדחַל אְרֵי פְרַקתָך רַבִיתָך בִשמָך דִילִי אַת׃
(1) 20:34 בְקַדמֵיתָא כַד עְבַרתוּן בְיַמָא דְסוּף מֵימְרִי הְוָה בְסַעדְכוֹן פַרעֹה וֻמִצרָאֵי דְסַגִיאִין כְמֵי נַהרָא לָא יִכְלוּן לְכוֹן אַף בְתִניֵיתָא כַד תְהָכוּן לְבֵינֵי עַמְמַיָא דְתַקִיפִין כְאִשָתָא לָא יְכִילוּ״יְכְלוּן#3#״ לְכוֹן וֻמַלכְוָן דְחַסִינָן כְשַלהָבִיתָא לָא יְשֵיצוֹן יָתְכוֹן׃
(1) 30:34 אְרֵי אְנָא יוי אְלָהָך קַדִישָא דְיִשׂרָאֵל פָרְקָך יְהַבִית חְלוֹפָך מִצרַיִם כוּש וֻסבָא תְחוֹתָך׃
(1) 40:34 מִדְאַת חַבִיב קְֹדָמַי אִתיַקַרתָא וַאְנָא רְחֵימתָך וֻמסַרִית עַמְמַיָא תְחוֹתָך וֻמַלכְוָתָא חְלָף נַפשָך׃
(1) 50:34 לָא תִדחַל אְרֵי בְסַעְדָך מֵימְרִי מִמַדנְחָא אַיתִי קְֹדָמָך״#2#״ בְנָך וֻמִמַערְבָא אְקָרֵיב גָלְוָתָך׃
(1) 60:34 אֵימַר לְצִפוּנָא אֵיתַא וֻלדָרוֹמָא לָא תְעַכֵיב אֵיתוֹ״אַיתִי#3#״ בְנַי מֵרַחִיק וְגָלְוָת עַמִי מִסְיָפֵי אַרעָא׃
(1) 70:34 כָל דָא בְדִיל אְבָהָתְכוֹן דְאִתקְרִי שְמִי עְלֵיהוֹן וְלִיקָרִי בְרֵיתִינוּן אַתקֵינִית גָלְוָתְהוֹן אַף עְבַדִית לְהוֹן נִסִין׃
(1) 80:34 דְאַפֵיק עַמָא מִמִצרַיִם דְאִנוּן כִסמַן וְעַינִין לְהוֹן וֻכחַרשִין וְאֻדנִין לְהוֹן׃
(1) 90:34 כָל עַמְמַיָא יִתכַנשוּן כַחדָא וְיִתקָרְבוּן מַלכְוָן מַן בְהוֹן יְחַוֵי דָא וְקַדמַיָיתָא יְבַסְרוּנַנָא יִתְנוּן סָהְדֵיהוֹן וְיִזכוֹן וְיִשמְעוּן וְיֵימְרוּן קְשוֹט׃
(1) 01:34 אַתוּן סָהְדִין קְֹדָמַי אְמַר יוי וְעַבדִי מְשִיחָא דְאִתרְעִיתִי בֵיה בְדִיל דְתִדְעוּן וֻתהֵימְנוּן קְֹדָמַי וְתִסתַכְלוּן אְרֵי אְנָא הוּא אְנָא הוּא דְמִלְקַדמִין אַף עָלְמֵי עָלְמַיָא דִילִי אִנוּן וֻבָר מִנִי לֵית אְלָה׃
(1) 11:34 אְנָא אְנָא יוי וְלֵית בָר מִנִי פָרִיק׃
(1) 21:34 אְנָא חַוֵיתִי לְאַברָהָם אְבוּכוֹן מָא דַעְתִיד לְמֵיתֵי אְנָא פְרַקִית יָתְכוֹן מִמִצרַיִם כְמָא דְקַיֵימִית לֵיה בֵין בִתרַיָא אְנָא אַשמַעִית יָתְכוֹן אוּלפַן אוֹרָיתִי מִסִינַי וְעַד דְאַתוּן קַייָמִין וְלֵית בְכוֹן נוּכרַי וְאַתוּן סָהְדִין קְֹדָמַי אְמַר יוי וַאְנָא אְלָהָא׃
(1) 31:34 אַף מֵעָלמָא״מִן עָלְמָא#2#״ אְנָא הוּא וְלֵית דְמִן יְדִי מְשֵיזֵיב אַעבְדִינַה וְלָא אְתִיבִינַה׃
(1) 41:34 כִדנָן אְמַר יוי פָרִיקְכוֹן קַדִישָא דְיִשׂרָאֵל בְדִיל חוֹבֵיכוֹן אִיתגְלִיתוּן לְבָבַל וַאְחֵיתִית בִמשוֹטִין כֻלְהוֹן וְכַסדָאֵי בִספִינֵי תוּשבְחָתְהוֹן׃

(1) 51:34 אְנָא יוי קַדִישְכוֹן דִברָהִי לְיִשׂרָאֵל מַלכְכוֹן׃

(1) 61:34 כִדנָן אְמַר יוי דְאַתקֵין בְיַמָא אוֹרַח וֻבמַיִין תַקִיפִין שְבִילָא׃
(1) 71:34 דְאַפֵיק רְתִיכִין וְסוּסָוָון מַשרְיָן וְעַם סַגִי כַחדָא אִתבְלַעוּ וְלָא קָמוּ דְעִיכוּ כְבוֹצִין עָמֵי טְפוֹ׃
(1) 81:34 לָא תִדכְרוּן קַדמַייָתָא וֻדמִן אַולָא לָא תִסתַכְלוּן׃
(1) 91:34 \הָא אְנָא ״הָאְנָא#2#״ עָבֵיד חְדַתָא וֻכעַן תִתגְלֵי הְלָא תִידְעוּנַה אַף אְשַוֵי בְמַדבְרָא אוֹרַח בְצַדיוּתָא נַהרָווָן׃
(1) 02:34 יֵיקְרוּן קְֹדָמַי כַד אְיַתֵיב מְדִינָן דְצָדיָן אְתַר דַהְוַאָה שָריָן יָרוּרִין וֻבנָת נַעָמיָן אְרֵי יְהַבִית בְמַדבְרָא מַיָא נַהרִין בְצַדיוּתָא לְאַשקָאָה גָלְוָת עַמִי דְאִתרְעִיתִי בֵיה׃
(1) 12:34 עַמָא דֵין אַתקֵינִית לְפֻלחָנִי בְתוּשבַחתִי יְהוֹן מִשתָעַן׃
(1) 22:34 אְמִיר עַל יְדֵי נְבִיַיָא וְלָא בְפֻלחָנִי עָרַעתוּן דְבֵית יַעְקֹב אְרֵי לְאֵיתוֹן בְאֻלפַן אוֹרָיתִי יִשׂרָאֵל׃
(1) 32:34 לָא אֵיתִיתָא קְֹדָמַי אִימְרִין לַעְלָא וְנִכסַת קֻדשָך לָא יַקַרתָא קְֹדָמַי לָא אַסגִיתִי עְלָך בְקוּרבָנִין וְלָא אַתקֵיפִית עלָך בִלבוֹנְתָא׃
(1) 42:34 לָא זַבֵינתָא קְֹדָמַי בִכסַף קְנֵי בְסַם וֻתרַב נִכסַת קֻדשָך לָא דַהֵינתָא עַל מַדבְחִי בְרַם אַסגִיתָא קְֹדָמַי בְחוֹבָך אַתקֵיפתָא קְֹדָמַי בַעְוָיָתָך׃
(1) 52:34 אְנָא אְנָא הוּא שָבֵיק לְחוֹבָך בְדִיל שְמִי וֻחטָאָך לָא יִדַכרוּן׃
(1) 62:34 אֵימַר כְעַן נְדִין כַחדָא אִשתַעִי אַת אִם תִיכוֹל וְתִזכֵי׃
(1) 72:34 אְבוּך קַדמָאָה חְטָא וֻמַלְפָך מְרַדוּ בְמֵימְרִי׃
(1) 82:34 וְאַפֵיס רַברְבֵי קֻדשָא וְאַמסַר לְקַטלָא יַעְקֹב וְיִשׂרָאֵל לְחִיסוּדִין׃