(1) 11:73 הָא אַת שְמַעתָא דַעְבַדוּ מַלכֵי אַתוּר לְכָל מְדִינָתָא לְגַמָרוּתְהוֹן וְאַת מְדַמֵי לְאִשתֵיזָבָא׃

(1) 21:73 הְשֵיזִיבָא יָתְהוֹן דַחלַת עַמְמַיָא דְחַבִילוּ אְבָהָתִי יָת גוֹזָן וְיָת חָרָן וְרַצַף וֻבנֵי עַדַן דְבִתלַסָר׃
(1) 31:73 אָן מַלכָא דַחְמָת וֻמַלכָא דְאַרפָד וֻמַלכָא דִלקַרתָא סְפַרוָיִם הְלָא טַלטִילוּנוּן וְאַגלִיאוּנוּן׃
(1) 41:73 וֻנסֵיב חִזקִיָה יָת אִיגְרָתָא מִיַד אִזגַדַיָא וֻקרָא חְדָא מִנְהוֹן וַסלֵיק לְבֵית מַקדְשָא דַיוי וֻפַרסַה חִזקִיָה קְֹדָם יוי׃
(1) 51:73 וְצַלִי חִזקִיָה קְֹדָם יוי לְמֵימַר׃
(1) 61:73 יוי צְבָאוֹת אְלָהָא דְיִשׂרָאֵל דִשכִינְתָך״דִשכִינְתֵיה#2#״ שָריָא עֵיל מִן כְרוּבַיָא אַת הוּא יוי קְֹדָמָך״#2#״ לֵית בָר מִנָך לְכָל מַלכְווָת אַרעָא אַת עְבַדתָא יָת שְמַיָא וְיָת אַרעָא׃
(1) 71:73 גְלֵי קְֹדָמָך יוי וְדִין וֻשמִיַע קְֹדָמָך יוי וְאִתפְרַע וַעְבֵיד פוֹרעָנוּ עַל כָל פִתגָמֵי סַנחֵרִיב דִשלַח לְחַסָדָא עַמָא דַיוי קַיָימָא׃
(1) 81:73 בְקוּשטָא יוי אַחרִיבוּ מַלכֵי אַתוּר יָת כָל מְדִינָתָא וְיָת אַרעְהוֹן׃
(1) 91:73 וֻמוֹקְדִין יָת טָעְוָתְהוֹן בְנוּרָא אְרֵי לָא טָעְוָן דְאִית בְהֵין צְרוֹך אִנִין אְלָהֵין עוֹבָד יְדֵי אְנָשָא אָעָא וְאַבנָא וְאַבֵידוּנוּן׃
(1) 02:73 וֻכעַן יוי אְלָהַנָא פְרוֹקנָא מִן יְדֵיה וְיִדְעוּן כָל מַלכְוָת אַרעָא אְרֵי אַת יוי לֵית בָר מִנָך׃
(1) 12:73 וֻשלַח יְשַעיָה בַר אָמוֹץ לְוָת חִזקִיָה לְמֵימַר כִדנָן אְמַר יוי אְלָהָא דְיִשׂרָאֵל דִבעֵיתָא מִן קְֹדָמַי עַל סַנחֵרִיב מַלכָא דְאַתוּר׃
(1) 22:73 דֵין פִתגָמָא דִגזַר יוי עְלוֹהִי מְבַסְרָא עְלָך מָעִיקָא עְלָך מַלכוּת כְנִשתָא דְצִיוֹן בָתְרָך רֵישֵיהוֹן״רֵישְהוֹן#2#״ מְנִידִין עַמָא דְבִירוּשלַם׃
(1) 32:73 יָת מַן חַסֵידתָא וְעַל מַן אִתרָרַבתָא וֻקְֹדָם מַן אְרֵימתָא קָלָא וֻזקַפתָא לְרוּמָא עֵינָך וַאְמַרתָא מִלִין דְלָא כָשְרָן קְֹדָם קַדִישָא דְיִשׂרָאֵל׃
(1) 42:73 בְיַד עַבדָך חַסֵידתָא עַמָא דַיוי וַאְמַרתָא בְסַגִיאוּת רְתִכַאי אְנָא סְלֵיקִית לִתקוֹף כַרכֵיהוֹן וְאַף אֵיחוֹד בֵית מַקדְשֵיהוֹן וַאְקַטֵיל שְפַר גִיבָרֵיהוֹן מִבחַר שִלטוֹנֵיהוֹן וַאְכַבֵיש קִריַת תוּקפְהוֹן וַאְשֵיצֵי סְגֵי מַשרְיָתְהוֹן׃
(1) 52:73 אְנַא הְוֵיתִי חָפַר גוּבִין וְשָתֵי מַיִין וֻטפַחִית בְפַרסַת רַגלֵי עַמָא דְעִמִי כָל מֵי נַהרִין עַמִיקִין׃
(1) 62:73 הְלָא שְמַעתָא מִלְקַדמִין מָא דַעְבַדִית לְפַרעֹה מַלכָא דְמִצרַיִם עַל דִשלֵיט בְהוֹן וְאַף עְלָך אִתנַבִיאוּ נְבִייֵ יִשׂרָאֵל וְלָא תַבתָא וְדָא <הְוָה לָך#2#> חָזְיָא קְֹדָמַי מִיוֹמֵי קְדַם לְמַעְבַד לָך וְאַף אַתקֵינתַה כְעַן אֵיתִיתַה וְדָא הְוָת לָך לְתַקלָא עַל דַהְוַאָה קְֹדָמָך כְאִתרְגוֹשַת גַלִין דִשדוֹ״דִשחוֹ#2#״ קִרוִין כְרִיכָן׃
(1) 72:73 וְיָתְבֵיהוֹן אִתקְצַר״אִתקַצַר#2#״ חֵילְהוֹן אִיתְבַרוּ וֻבהִיתוּ הְווֹ כַעְשַב חַקלַיָא וֻכיָרוֹק דִתאָה וֻכעְסַב אִיגָרַיָא דְיִשלוֹק עַד לָא מְטָא לְמִהוֵי שוּבלִין׃
(1) 82:73 וֻמִיתְבָך בְעֵיצָא וֻמִפְקָך לַאְגָחָא קְרָבָא וֻמֵיתָך לְאַרעָא דְיִשׂרָאֵל גְלֵי קְֹדָמָי וְיָת דְאַרגֵיזתָא קְֹדָמַי גְלֵי׃
(1) 92:73 חְלָף דְאַרגֵיזתָא עַל מֵימְרִי וְאִתרְגוֹשתָך סְלֵיקַת לִקדָמָי וַאְשַוֵי שֵירִין בְלִסתָך וֻזמָם בְסִפוָתָך וַאְתֵיבִינָך בְאוֹרחָא דַאְתֵיתָא בַה׃
(1) 03:73 וְדֵין לָך אָתָא אֵיכוֹל בְשַתָא הָדָא כָתִין וֻבשַתָא תִניֵיתָא כָת כָתִין וֻבשַתָא תְלִיתֵיתָא זְרוּעוּ וֻחצוּדוּ וְצוּבוּ כַרמִין״#2#״ וַאְכוּלוּ אִיבְהוֹן׃
(1) 13:73 וְיוֹסְפוּן מְשֵיזְבַיָא דְבֵית יְהוּדָה דְיִשתַאְרוּן״וְיִשתַאְרוּן#2#״ כְאִילָן דִמשַלַח שֻרשוֹהִי לְרַע וֻמרִים נוֹפֵיה לְעֵילָא׃
(1) 23:73 אְרֵי מִירוּשלַם יִפְקוּן שְאָר צַדִיקַיָא וְשֵיזָבַת מְקִימֵי״מְקַייְמֵי#2#״ אוֹרָיתָא מִטוּרָא דְצִיוֹן בְמֵימְרָא דַיוי צְבָאוֹת תִתעְבֵיד דָא׃
(1) 33:73 בְכֵין כִדנָן אְמַר יוי עַל מַלכָא דְאַתוּר לָא ייֵעוֹל לְקַרתָא הָדָא וְלָא יַקשֵית תַמָן גִיר וְלָא יְקַדְמִנַה בִתרִיסִין וְלָא יִצבַר עֲלַה מִלֵיתָא׃
(1) 43:73 בְאוֹרחָא דַאְתָא בַה יְתוּב וֻלקַרתָא הָדָא לָא יֵיעוֹל אְמַר יוי׃
(1) 53:73 וְאַגֵין עַל קַרתָא הָדָא לְמִפרְקַה בְדִיל מֵימְרִי וֻבדִיל דָוִד עַבדִי׃
(1) 63:73 וֻנפַק מַלאְכָא דַיוי וֻקטַל בְמַשרְיָת אַתוּרָאָה מְאָה וֻתמָנַן וְחַמשָה אַלפִין וְאַקדִימוּ בְצַפרָא וְהָא כוּלְהוֹן פַגרִין מָיְתִין׃
(1) 73:73 וֻנטַל וַאְזַל וְתָב סַנחֵרִיב מַלכָא דְאַתוּר וִיתֵיב בְנִינְוֵה׃
(1) 83:73 וַהְוָה הוּא סָגֵיד בֵית נִסרוֹך טָעוּתֵיה וְאַדרַמַלַך וְשַראַצַר בְנוֹהִי קַטלוּהִי בְחַרבָא וְאִנוּן אִשתֵיזַבוּ לַאְרַע קַרדוֹ וֻמלַך אֵסַר חַדֹן בְרֵיה תְחוֹתוֹהִי׃