The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:53 יִחדוֹן דְיָתְבִין בְמַדבְרָא בַאְרַע צָהְיָא וִיבוּעוּן דְשָרַן בְמֵישְרָא וְיַזהְרוּן״וְיִזהְרוּן#2#״ כְשוֹשַנַיָא׃
(1) 20:53 מְדָץ יְדוּצוּן וְיִחדוֹן אַף בְיָע וְחַדוָא יְקָר לִבנָן יִתיְהֵיב לְהוֹן זִיו כַרמְלָא וְשָרוֹנָא בֵית יִשרָאֵל \דִי לְהוֹן ״דִילְהוֹן#2#״ אְמִירָן״אמרין#3#״ אִלֵין אִנוּן יִחזוֹן יְקָרָא דַיוי זִיו תֻשבַחתָא״תֻשבַחתֵיה#2#״ דַאְלָהַנָא׃
(1) 30:53 אְמַר נְבִיָא תַקִיפוּ יְדִין״יְדָן#2#״ דְרָשְלָן וֻרכוּבִין דְרָעְלָן חַסִינוּ׃
(1) 40:53 אֵימַרוּ לִדמוֹחַן בְלִיבְהוֹן לְמַעְבַד אוֹרָיתָא תְקַפוּ לָא תִדחְלוּן הָא אְלָהְכוֹן לְמַעְבַד פוֹרעָנוּת דִין מִתגְלֵי מָרֵי גִמלַיָא יוי הוּא יִתגְלֵי וְיִפרְקִינְכוֹן׃
(1) 50:53 בְכֵין יִתפַתְחָן עֵינֵי בֵית יִשרָאֵל דְאִנוּן כִסמָן מִן אוֹרָיתָא וְאֻדנְהוֹן דִכחַרשִין לְקַבָלָא לְמִלֵי נְבִיַיָא יַצִיתָן׃
(1) 60:53 בְכֵין בְמִחזֵיהוֹן גָלְוָתָא דְיִשרָאֵל דְמִתכַנשָן וְסָלְקָן לַאְרַעהוֹן הָא כְאַילִין קַלִילִין וְלָא לְאִתעַכָבָא וִישַבַח לִישָנְהוֹן דַהוָה כְלֵים״בלים#3#״ אְרֵי אִתבְזַעוּ בְמַדבְרָא מַיָא וְנַחלִין בְמֵישְרָא״בְמֵישְרַיָא#2#״׃
(1) 70:53 וִיהֵי שָרוֹבָא לְאַגמִין דְמַיִין בֵית צַהְוָנָא לְמַבוּעֵי מַיָא אְתַר דַהְוַאָה יָרוּרִין שָריָן תַמָן יִסגֵי קְנֵי וְגוֹמַא׃
(1) 80:53 וִיהֵי תַמָן כֵיבַש אוֹרַח וְתִיקוּן אוֹרחַה דְקוּדשָא יִתקְרֵי לַה לָא יִעדוֹן בַה מְסָאְבִין וְלָא יִפסְקוּן עָדֵי אוֹרחָא״אוֹרחַה#3#״ וֻדלָא אֵילִיפוּ לָא יִטעוֹן׃

(1) 90:53 לָא יְהֵי תַמָן מַלַך מַבאִיש וְשִלטוֹן מָעִיק לָא יְגוּזִינַה לָא יִשתַכחָן תַמָן וִיהָכוּן פְרִיקִין׃

(1) 01:53 וֻפרִיקַיָא דַיוי יִתכַנשוּן מִבֵינֵי גָלְוָתְהוֹן וְיֵיעְלוּן לְצִיוֹן בְתֻשבְחָא וְחַדוַת עָלַם תְהֵי לְהוֹן \דִי לַא ״דְלָא#2#״ פָסְקָא וַעְנַן יְקָר יְהֵי מַטַל עַל רֵישֵיהוֹן״רֵישֵיכוֹן#2#״ בְיָע וְחַדוָא יַשכְחוּן וִיסוּף <מֵנְהוֹן#2#> מִבֵית יִשרָאֵל דָווֹנָא וְתִינַחתָא׃