The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:03 יֵי בְנַיָא מָרוֹדַיָא אְמַר יוי לְמַעְבַד עֵיצָא וְלָא מִמֵימְרִי וֻלאִתמְלָכָא מֵילַך וְלָא שָאְלִין בִנבִיַי בְדִיל לְאוֹסָפָא חוֹבִין עַל חוֹבֵי נַפשְהוֹן׃
(1) 20:03 דְאָזְלִין לְמֵיחַת לְמִצרַיִם וֻבפִתגָמֵי נְבִיַי לָא שְאִילוּ לְאִיתַקָפָא בִתקוֹף פַרעֹה וֻלאִתרְחָצָא בִטלַל מִצרָיִם׃
(1) 30:03 וִיהֵי לְכוֹן תְקוֹף פַרעֹה לְבַהתָא וְאִתרְחָצָא״וֻלאִתרְחָצָא#2#״ בִטלַל מִצרָיִם לְאִתכְנָעוּ׃
(1) 40:03 אְרֵי הְווֹ בְטַאנֵיס רַברְבוֹהִי וְאִזגַדוֹהִי עַד תַחפַנחֵס מְטוֹ׃
(1) 50:03 כוּלְהוֹן אָזְלִין לְמִבְהַת לְוָת עַמָא דְלָא יַהנוֹן לְהוֹן לָא לִסעֵיד וְלָא לַהְנָאָה אְרֵי לְבַהתָא וְאַף לְחִיסוּדִין׃
(1) 60:03 נָטְלִין עַל בְעִירְהוֹן בְאוֹרַח דָרוֹמָא בַאְרַע עָקָא וַעְיָק אְתַר דְאַריֵי בַר אַריָוָן וְחִיוָוָן דְחֻרמָנִין״חֻרמָנִין#2#״ מפרחן״מַפִירתִין#3״ נָטְלִין עַל כְתַף עִלִין נִכסֵיהוֹן וְעַל חְטוֹריָת״חְטוֹרִית#2#״ גַמלִין מָא דִבאוֹצְרֵיהוֹן וֻמוֹבְלִין לְעַם דְלָא יַהנֵי״יַהנוֹן#2#״ לְהוֹן׃
(1) 70:03 וֻמִצרָאֵי לָמָא וְרֵיקָנוּ סְעָדְהוֹן בְכֵין עָרַעִית מִנְהוֹן קְטִילִין זִמנִין אַיתִי עְלֵיהוֹן׃
(1) 80:03 כְעַן עוֹל כְתוֹב עַל לוּחַ בֵינֵיהוֹן וְעַל שִטִין דִספַר רְשוֹם וֻתהֵי לְיוֹם דִין לְסָהְדוּ קְֹדָמַי עַד עָלְמָא׃
(1) 90:03 אְרֵי עַם סָרְבָן אִנוּן בְנַיָא כַדָבַיָא בְנַיָא דְלָא אְבוֹ לְקַבָלָא אוּלפַן אוֹרָיתָא דַיוי׃
(1) 01:03 דְאָמְרִין לִנבִיַיָא לָא תִתנַבוֹן וֻלמַלְפַיָא לָא תַלְפוּן לַנָא אֻלפַן״#2#״ אוֹרָיתָא בְסִימָן מַלִילוּ עִמַנָא אִשתַעוֹ לַנָא שוֹנְיָין׃
(1) 11:03 אַסטוּנָא מֵאוֹרחָא דְתָקְנָא אַבטְלוּנָא מִמָסַרתָא אַרחִיקוּ מִן קְֹדָמַנָא יָת מֵימַר קַדִישָא דְיִשרָאֵל׃
(1) 21:03 בְכֵין כִדנָן אְמַר קַדִישָא דְיִשרָאֵל חְלָף דְקַצתוּן בְפִתגָמָא הָדֵין וְאִתרְחֵיצתוּן בְשִקרָא וֻבאוּנסָא וְאִסתְמַכתוּן עְלוֹהִי׃
(1) 31:03 בְכֵין יְהֵי לְכוֹן חוֹבָא הָדֵין כִכרַך דַחְרוּב וְאִתחַמַר כְשוּר מַקָף״מְתַקַף#2#״ דְבִתכֵיף שָלוּ יֵיתֵי תְבָרַה״תְבָרֵיה#3#״׃
(1) 41:03 וְתַבְרַה״וֻתבָרֵיה#2#״ כְתִיבוּר מָן דַחְסַף דִמדַקַק לָא בַחְיָס וְלָא יִשתְכַח בְדִיקוּקֵיה חְסַף לְמִחתֵי נוּר מִמַבעוֹר וֻלמִזחַל״וֻלמִזלַח#2#״ מַיִין מִפְצִיד׃
(1) 51:03 אְרֵי כִדנָן אְמַר יוי אְלֹהִים קַדִישָא דְיִשרָאֵל אְמַרִית דִתתוּבוּן לְאוֹרָיתָא״לְאוֹרָיתִי#2#״ תְנוּחוּן תִתפַרקוּן תִשקְטוּן תִשרוֹן לְרוּחצָן תְהוֹן גִיבָרִין וְלָא אְבֵיתוֹן׃
(1) 61:03 וַאְמַרתוּן לָא אְלָהֵין עַל סוּסָוָון נִערוֹק עַל כֵין תִערְקוּן וְעַל דְקַלִיל״קַלִילִין#2#״ נִרכוֹב עַל כֵין יְהוֹן קַלִילִין רָדְפֵיכוֹן׃
(1) 71:03 אַלפָא חַד״חְדָא#2#״ מִן קְֹדָם מַזוֹפִית חַד מִן קְֹדָם מַזוֹפִית חַמשָא תִערְקוּן עַד <אִם#2#> דְתִשתַאְרוּן כְבֵיעוּרָא״כְבוֹעְרָא#2#״כְבוֹעֲדָא#3#״ עַל רֵיש טוּרָא וֻכאָתָא עַל רָמְתָא׃
(1) 81:03 וֻבכֵין עְתִיד יוי לִמחָס עְלֵיכוֹן״עְלֵיהוֹן#2#״ וְתַקִיף הוּא דְירַחֵים עְלֵיכוֹן אְרֵי אְלָהָא עָבֵיד דִינָא יוי טוּבֵי צַדִיקַיָא דִמסַבְרִין לְפֻרקָנֵיה׃
(1) 91:03 אְרֵי עַמָא בְצִיוֹן יָתֵיב בִירוּשלַם מִבכָא לָא תִבכֵי רַחָמָא יְרַחֵים עְלָך לְקָל״קָל#2#״ צְלוֹתָך יְקַבֵיל וְיַעְבֵיד בָעוּתָך׃
(1) 02:03 וְיִתֵן \לְכוֹן יוי ״יוי לְכוֹן#2#״ <יָת#2#> נִכסֵי סָנְאָה וֻבִיזַת מָעִיקָא וְלָא יְסַלֵיק עוֹד שְכִינְתֵיה מִבֵית מַקדְשָא וְיִהוְייָן עֵינָך חָזיָן יָת שְכִינְתָא בְבֵית מַקדְשָא׃
(1) 12:03 וְאֻדנָך יִשמְעָן״יִשמְעוּן#2#״ פִתגָמָא מִבָתְרָך לְמֵימַר הָדָא אוֹרחָא דְתָקְנָא הַלִיכוּ בַה לָא תִסטוֹן מִינַה״מִנֵיה#2#״ לְיַמִינָא וְלִסמָלָא׃
(1) 22:03 וֻתסָאְבוּן יָת חִיפוּי צַלמֵי כַספְכוֹן וְיָת תִקוּן מַתְכָת דַהבְכוֹן תְרַחְקוּנוּנוּן כְמָא דִמרַחְקִין יָת טוּמאָתָא כֵין תְרַחְקוּנוּנוּן׃
(1) 32:03 וְיִתֵין מְטַר אַרעָך דְתִזרַע יָת אַרעָא וַעְבוּר וְעַלְלָא יִסגֵי בְאַרעָא וִיהֵי פַרנוּס וְטָב יִתפַרנְסוּן צַדִיקַיָא מִגֵיתֵיהוֹן בְעִדָנָא הַהוּא שְמַן רַכִיכִין וֻפַטִימִין׃
(1) 42:03 וְתוֹרַיָא וֻחמָרַיָא דְמַפלְחִין בְהוֹן יָת אַרעָא בְלִיל מְפֻטַם יֵיכְלוּן דֻדרָא״דְיִידְרָא#2#״ בְרַחתָא״בְרֵיחְתָא#2#״ וֻבִמַדרְיָא׃
(1) 52:03 וִיהֵי עַל כָל טוּר רָם וְעַל כָל רָמָא מְנֻטְלָא פְצִידִין נַגדִין מַייִן תַקלָא לְמַלכִין וֻלמַשרְיָתְהוֹן בְיוֹם קִיטוּל רַב בְמִיפַל רַברְבִין׃
(1) 62:03 וִיהֵי נֵיהוֹר סֵיהְרָא כְנֵיהוֹר שִמשָא וְנֵיהוֹר שִמשָא יְהֵי עְתִיד לְאַזהָרָא עַל חַד תְלָת מְאָה אַרבְעִין וֻתלָתָה כְנֵיהוֹר שִבעַת״שִבעָה#2#״ יוֹמַיָא בְיוֹמָא דְיָתִיב יוי יָת גָלְווָת עַמֵיה וֻמרַע מַחְתֵיה יַסֵי׃
(1) 72:03 הָא שְמָא דַיוי מִתגְלֵי כְמָא דְאִתנַבִיאוּ עְלוֹהִי נְבִיַיָא מִלְקַדמִין״דְמִלְקַדמִין#2#״ תַקִיף רוּגזֵיה וֻקשֵי מִלְסוֹבָרָא מִן קְֹדָמוֹהִי עַל רַשִיעַיָא נָפֵיק לְוָט וֻמֵימְרֵיה כְאִישָא אָכְלָא׃
(1) 82:03 וֻמֵימְרֵיה כִנחַל מְגַבַר עַד צַוָאר תַקִיפִין יְקַטֵיל לַאְרָמָא עַמְמַיָא בְרָמוּת רֵיקָנוּ וֻזמָם דִטעוֹ בְלֵיסַת עַמְמַיָא׃
(1) 92:03 תוּשבְחָא תְהֵי לְכוֹן כְלֵיליָא דְאִתקַדַש בֵיה חַגָא וְחַדוַת לִיבָא כְמָא דְנָגְדִין בְתוֹרְתָא״בְתוֹדְתָא#2#״ וֻבַאְבוּבָא לְמֵיעַל בְטוּר קֻדשָא״מַקדְשָא#2#״ דַיוי לְאִתַחזָאָה קְֹדָם תַקִיפָא דְיִשרָאֵל׃
(1) 03:03 וְיַשמַע יוי יָת זִיו קָל מֵימְרֵיה וֻתקוֹף דְרָע גְבוּרְתֵיה יְגַלֵי״יַגלֵי#2#״ בִתקוֹף רְגַז וְשַלהוֹבִי אִישָא״איִשָתָא#2#״ דִמשֵיצְיָא פְסִילָן וְזָרָמִית וְאַבנִין דִברַד׃
(1) 13:03 אְרֵי מִקָל מֵימְרָא דַיוי מִתְבַר אַתוּרָאָה דִבשֻלטָן מָחֵי׃
(1) 23:03 וִיהֵי כָל מִעבַר רַברְבֵיהוֹן וְתַקִיפֵיהוֹן דִינִיַח יוי פוֹרעָנוּת גְבוּרְתֵיה בֵינֵיהוֹן בְתוּפִין וֻבכִנָרִין יְשַבְחוּן בֵית יִשרָאֵל עַל קְרָבָא תַקִיפָא דְיִתעְבֵיד לְהוֹן בְעַמְמַיָא׃

(1) 33:03 אְרֵי מְסֻדְרָא מִן עָלְמִין לָקְֹבֵיל חוֹבֵיהוֹן גֵיהִנָם אַף הִיא מַלַך עָלְמַיָא אַתקְנַה לְעַמָקָא וֻלאַפתָאָה מְדוֹרַה אִישָתָא דָלְקָא בַה כִיד בְאָעִין סַגִיאִין מֵימְרָא דַיוי כִנחַל מְגַבַר גָפרִית דָלְקָא בַה׃