The Comprehensive Aramaic Lexicon

(1) 10:42 הָא יוי מַבֵיז יָת אַרעָא וֻמָסַר לֵיה״לַה#2#״ לְסָנְאָה וְתִחפֵי בַהתָא אַפֵי רַברְבַהָא עַל דַעְבַרוּ עַל אוֹרָיתָא וִיבַדַר יָת דְיָתְבִין בַה׃
(1) 20:42 וִיהֵי חִילוֹנָאָה כְכָהְנָא עַבדָא כְרִיבוֹנֵיה אַמתָא כְמָרְתַה זָבְנָא כִמזַבְנָא יָזְפָא כְמוֹזְפָא רָשיָא כְמַן דְרָשֵי״דרשן#3#״ בֵיה׃
(1) 30:42 אִתבְזָזָא תִתבְזֵיז אַרעָא וְאִיתְדָשָא תִתְדֵיש אְרֵי יוי מַלֵיל יָת פִתגָמָא הָדֵין׃
(1) 40:42 אִתאַבַלַת חְרוֹבַת אַרעָא צַדִיאַת חְרוֹבַת תֵבֵל סָפוּ תְקוֹף עַמָא דְאַרעָא׃
(1) 50:42 וְאַרעָא חַבַת תְחוֹת יָתְבַהָא אְרֵי עְבַרוּ עַל אוֹרָיתָא אַבטִילוּ מוֹעְדַיָא אַשנִיאוּ קְיָמָא דְמִן עָלְמָא׃
(1) 60:42 עַל כֵין מִן קְֹדָם מוֹמֵי דְשקַר חְרוֹבַת אַרעָא וְצַדִיאוּ דְיָתְבִין בַה עַל כֵין סָפוּ יָתְבֵי אַרעָא וְאִשתְאַר אְנָשָא כִזעֵיר׃
(1) 70:42 אִתאַבַלוּ כָל שָתֵי חְמַר אְרֵי אִתפְרִיכוּ גוּפנַיָא אִתאְנַחוּ כָל חָדֵי לִיבָא׃
(1) 80:42 בְטֵילַת חַדוַת תוּפִין אִתמְנַעַת אִתרְגוֹשַת תַקִיפִין פְסַקַת חַדוַת כִינָרָא׃
(1) 90:42 עַל יְדֵי זְמָר לָא יִשתוֹן חְמַר יִמַר עַתִיקָא לְשָתוֹהִי׃
(1) 01:42 אִיתְבַרַת קַרתְהוֹן צַדִיאַת אִתאְחִידוּ כָל בָתַיָא מִלְמֵיעַל״לְמֵיעַל#2#״׃
(1) 11:42 מַצוְחִין עַל חַמרָא בְשוּקַיָא שְלֵימַת כָל חְדוּתָא גְלָא בְיָע מִן אַרעָא׃
(1) 21:42 אִשתְאַר בְקַרתָא צָדוּ וְאִתרְגוֹשָא בְפִיגוּר תַרעִין׃
(1) 31:42 אְרֵי כְדֵין יִשתַאְרוּן יְחִידָאִין צַדִיקַיָא בְגוֹ עָלְמַא בֵינֵי מַלכְווָתָא כְבֵיעוּר זֵיתָא כְעוֹלְלָן בָתַר קְטַף׃
(1) 41:42 אִנוּן יְרִימוּן קָלְהוֹן יְשַבְחוּן בִשמָא דַיוי יְבוּעוּן כְמָא דְבָעוּ״דְיַבַעוּ#2#״ עַל גְבוּרָן דְאִתעְבִידָא לְהוֹן עַל יַמָא׃
(1) 51:42 עַל כֵין בְמֵיתֵי נְהוֹרָא לְצַדִיקַיָא יְיַקְרוּן קְֹדָם יוי בְנֵיסֵי יַמָא יְהוֹן מוֹדַן וֻמבָרְכִין שְמָא דַיוי אְלָהָא דְיִשרָאֵל׃
(1) 61:42 מִבֵית מַקדְשָא דְמִיתַמָן עְתִיד לְמִיפַק חַדוָא לְכָל יָתְבֵי אַרעָא תוּשבְחָא שְמַענָא לְצַדִיקַיָא אְמַר נְבִיָא רָז אְגַר לְצַדִיקַיָא אִיתַחזִי לִי רָז פוֹרעָנוּ לְרָשִיעַיָא אִתגְלִי לִי וָי לְאָנוֹסַיָא דְמִתאַנסִין וְלִבזוֹז בָזוֹזִין דְהָא מִתבְזֵיז׃
(1) 71:42 דַחלָא וְכוּמָצָא וֻמצָרָא״וֻמצָדָא#2#״ עְלָך יָתֵיב אַרעָא׃
(1) 81:42 וִיהֵי דְיִערוֹק מִן קְֹדָם דַחלָא יִפוֹל לְגוֹ כוּמָצָא וֻדיִסַק מִגוֹ כוּמָצָא יִתאַחַד בִסרִיגְתָא אְרֵי גְבוּרָן בִשמַיָא אִתעְבִידָא וְזָעוּ יְסוֹדֵי אַרעָא׃
(1) 91:42 מְזָע תְזוּעַ אַרעָא מְנָד תְנוּד אַרעָא פֵירוּק תִתפְרֵיק אַרעָא׃
(1) 02:42 אִשתְדַאָה תִשתְדֵי אַרעָא כְרָויָא וֻתהֵי אָזְלָא וְאַתיַא כְעַרזְלָא״כְעַרסְלָא#2#״כארזלא#3#״ וְיִתקְפוּן עְלַה חוֹבַה וְתִיפוֹל וְלָא תוֹסִיף לִמקָם׃

(1) 12:42 וִיהֵי בְעִידָנָא הַהוּא יַסעַר יוי עַל חֵילָוָת תוּקפָא דְיָתְבִין בְתוּקפָא וְעַל מַלכֵי בְנֵי אְנָשָא דְדָיְרִין עַל אַרעָא׃

(1) 22:42 וְיִכנְשוּנוּנוּן מִכנָש לְבֵית אְסִירֵי וִיגוּנוּנוּן״ויעגונונון#3#״ לְבֵית עְגָנָא וֻמִסְגֵי יוֹמִין יֵיעוֹל דֻכרָנְהוֹן״דוּכרָנְכוֹן#2#״׃
(1) 32:42 וְיִבַהתוּן דְפָלְחִין לְסֵיהְרָא וְיִתכַנעוּן דְסָגְדִין לְשִמשָא אְרֵי תִתגְלֵי מַלכוּתָא דַיוי צְבָאוֹת בְטוּרָא דְצִיוֹן וֻבִירוּשלַם וֻקְֹדָם סָבֵי עַמֵיה בִיקָר׃