(1) 51:91 וְלָא יְהֵי לְמִצרָאֵי מַלכָא דְיִמלוֹך \״עלֵיהוֹן#3#״ רֵיש וְהַגמוֹן״והיגמון#3#״ שִלטוֹן וְאִיטְרוֹן׃

(1) 61:91 בְעִידָנָא הַהוּא יְהוֹן מִצרָאֵי חַלָשִין כִנשַיָא וִיזוּעוּן וְיִתַברוּן מִן קְֹדָם אְרָמוּת גְבוּרְתָא דַיוי צְבָאוֹת דְהוּא מְרִים עְלֵיהוֹן׃
(1) 71:91 וֻתהֵי אַרעָא דְבֵית יְהוּדָה לְמִצרָיִם לְדַחלָא כָל דְיַדכַר״דְיִדכַר#3#״ יָתַה לֵיה יְזוּעַ מִן קְֹדָם מִלכָא דַיוי צְבָאוֹת דְהוּא מְלִיך עְלֵיהוֹן׃
(1) 81:91 בְעִידָנָא הַהוּא יִהוְייָן חְמֵיש קִרוִין בְאַרעָא דְמִצרַיִם מְמַלְלָן מַמלַל כְנַעְנָאָה״כְנַעְנָאֵי#3#״ וֻמקַיְימָן בִשמָא דַיוי צְבָאוֹת קַרתָא בֵית שַמַש דְעַתִידָא לְמִחרַב יִתאְמַר הִיא חְדָא מִנְהוֹן׃
(1) 91:91 בְעִידָנָא הַהוּא יְהֵי מַדבְחָא מְתֻקַן קְֹדָם יוי בְגוֹ אַרעָא דַמִצרָיִם וְקָמְתָא בִסטַר תְחוּמַה קְֹדָם יוי׃
(1) 02:91 וִיהֵי לְאָת וֻלסָהִיד קְֹדָם יוי צְבָאוֹת בְאַרעָא דְמִצרָיִם אְרֵי יְצַלוֹן קְֹדָם יוי מִן קְֹדָם דָחְקֵיהוֹן וְיִשלַח לְהוֹן פָרִיק וְדַייָן וִישֵיזֵיבִנוּן׃
(1) 12:91 וְתִתגְלֵי גְבוּרְתָא דַיוי לְאֵיטָבָא לְמִצרָאֵי״לְמִצרָיִם#3#״ וְיִדְעוּן מִצרָאֵי לְמִדחַל מִן קְֹדָם יוי בְעִידָנָא הַהוּא וְיִפלְחוּן בְנִכסַת קֻדשִין וֻבקֻרבָנִין וְינַדרוּן נִדרִין קְֹדָם יוי וִישַלְמוּן׃
(1) 22:91 וְיִמחֵי יוי יָת מִצרָאֵי מַחָא וְיַסֵינוּן וִיתוּבוּן לְפוּלחָנָא דַיוי וִיקַבֵיל צְלוֹתְהוֹן וְיַסֵי יָתְהוֹן׃
(1) 32:91 בְעִידָנָא הַהוּא תְהֵי אוֹרַח כְבִישָא מִמִצרַיִם לְאַתוּר וִיגִיחוּן אַתוּרָאֵי בְמִצרָאֵי וֻמִצרָאֵי בְאַתוּרָאֵי וְיִפלְחוּן מִצרָאֵי יָת אַתוּרָאֵי׃
(1) 42:91 בְעִידָנָא הַהוּא יְהֵי יִשׂרָאֵל תְלִיתַי לְמִצרָאֵי וֻלאַתוּרָאֵי בִרכָא בְגַוַה דְאַרעָא׃
(1) 52:91 דְבָרְכֵיה יוי צְבָאוֹת לְמֵימַר בְרִיך עַמִי דְאַפֵיקִית״דאסיקית#3#״ מִמִצרַיִם דְעַל דְחָבוּ קְֹדָמַי אַגלִיתִי יָתְהוֹן לְאַתוּר וְכַדוּ דְתָבוּ מִתקְרַן עַמִי וְאַחסָנְתִי יִשׂרָאֵל׃