The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:51 מַטַל כָס דִלוָט לְאַשקָאָה יָת מוֹאָב אְרֵי בְלֵיליָא אִתבְזֵיזַת לְחָייַת מוֹאָב וְאִינוּן דְמִיכִין וֻבלֵיליָא אִתכְבֵיש״איתכבישת#3#״ כַרכָא דְמוֹאָב וְאִינוּן רְדִימִין׃
(1) 20:51 סַקוּ״סְלִיקוּ#2#״ לְבָתַיָא דְדִיבוֹן לְבָמָתָא לְמִבכֵי עַל נְבוֹ וְעַל מֵידְבָא מוֹאְבָאֵי מְיַלְלִין בְכָל רֵישֵיהוֹן מְרַט כָל״ובכל#3#״ דְקַן גִילוּח׃
(1) 30:51 בְשוּקֵיהוֹן יֵיסְרוּן שַׂקִין עַל אִיגָרֵיהוֹן וֻבִרחוֹבֵיהוֹן כֻלְהוֹן מְיַלְלִין מַצוְחִין וֻבָכַן׃
(1) 40:51 וֻצוַחוּ יָתְבֵי חַשבוֹן וְאַלעָלה״וְאַלעָלֵא#2#״ עַד יַהַץ אִשתְמַע קָלְהוֹן עַל כֵין מְזָרְזֵי מוֹאָב מַצוְחִין עַל נַפשְהוֹן מְיַלְלִין׃
(1) 50:51 בְלִיבְהוֹן מוֹאְבָאֵי יֵימְרוּן לְמִערַק עַד צֹעַר עַגלַת תַלתוֹם רַבְתָא אְרֵי מַסֵיקִית״מסוקית#3#״ לוּחִית כִיד בָכַן יִסְקוּן בֵיה אְרֵי בְמַחוֹתִית חוֹרוֹנַיִם צִוחַת תְבִירֵי קְרָב יְבַסְרוּן׃
(1) 60:51 אְרֵי מֵי נִמרִים לְצָדוּ יְהוֹן אְרֵי יְבֵיש עִסבָא סָף דִתאָה יָרוֹק לָא הְוָה׃
(1) 70:51 עַל כֵין שְאָר נִכסֵיהוֹן דִקנוֹ יִתבָזְזוּן וֻתחוּמְהוֹן עַל יַמָא מַערְבָאָה יִתנְסֵיב מִינְהוֹן׃
(1) 80:51 אְרֵי אַקֵיפַת צְוַחתָא יָת תְחוּם מוֹאָב עַד אַגלַיִם מְיַלְלִין וֻבאֵר אֵילִים מַצוְחִין׃

(1) 90:51 אְרֵי מֵי דִימוֹן אִתמְלִיאוּ דַם קְטִילִין אְרֵי אְמַנֵי עַל דִימוֹן כִנֵישַת מַשרְייָן לְשֵיזָבַת מוֹאָב מַלַך בְמַשרְיָתֵיה יִסַק לְמִבַז שְאָרָא דַאְרַעהוֹן׃