The Comprehensive Aramaic Lexicon

(1) 10:41 אְרֵי יְרַחֵים יוי עַל בֵית יַעְקֹב וְיִתרְעֵי עוֹד בְיִשׂרָאֵל וְיַשרֵינוּן עַל אְרַעהוֹן וְיִתוֹסְפוּן גִיוֹרִין עְלֵיהוֹן וְיִסתַמכוּן עַל בֵית יַעְקֹב׃
(1) 20:41 וִידַבְרוּנוּנוּן עַמְמִין וְיוֹבְלוּנוּנוּן לַאְתַרהוֹן וְיַחסְנוּנוּנוּן בֵית יִשׂרָאֵל עַל אְרַע שְכִינְתָא דַיוי לְעַבדִין וֻלאַמהָן וִיהוֹן שָבַן לְשָבֵיהוֹן וְיִפלְחוּן בִמשַעבְדֵיהוֹן׃
(1) 30:41 וִיהֵי בְיוֹמָא דִינִיַח יוי לָך מִצַעְרָך וֻמִמַרוְתָך וֻמִן פוּלחָנָא קַשיָא דְאִתפְלַח״דִי אִתפְלַח#2#״ בָך׃
(1) 40:41 וְתִיטוֹל מַתלָא הָדֵין עָל מַלכָא דְבָבַל וְתֵימַר אֵיכְדֵין בְטֵילַת מַרוַת מְשַעבְדַנָא סָף תְקוֹף חַיָיבָא׃
(1) 50:41 תַבַר יוי תְקוֹף רַשִיעִין שֻלטַן חַיָיבִין׃
(1) 60:41 דַהְוָה מָחֵי עַמְמִין בִתקוֹף מַחָן \דִי לַא פָסְקָן מַפלַח בִתקוֹף עַמְמִין מַפלַח וְלָא מָנַע׃
(1) 70:41 נַחַת שְדוֹכַת כָל אַרעָא יַבַעוּ תוּשבְחָא׃
(1) 80:41 אַף שִלטוֹנִין חְדִיאוּ עְלָך עַתִירֵי נִכסַיָא אָמְרִין מֵעִידָן דִשכֵיבתָא״דִי שְכֵיבתָא#2#״ לָא סְלֵיק מְחַבְלָא עְלַנָא׃
(1) 90:41 שְאוֹל מִלְרַע זַעַת לָך לְקַדָמוּת מֵיתָך אַעְרַת לָך גִיבָרִין כֹל עַתִירֵי נִכסַיָא אְקִימוּ מִכֻרסָוָתְהוֹן כָל מַלכֵי עַמְמַיָא׃
(1) 01:41 כוּלְהוֹן יָתִיבוּן״יְתוּבוּן#2#״ וְיֵימְרוּן לָך אַף אַת מְרַעתָא כְוָתַנָא לַנָא דְמֵיתָא׃
(1) 11:41 אִיתַחַת לִשאוֹל יְקָרָך תֻשבְחַת זְמָרָך תְחוֹתָך יְשַווֹן רִימָא וְעֵיל מִינָך רִחשָא׃
(1) 21:41 אֵיכְדֵין אִתרְכֵינתָא מִן רוּמָא דַהְוֵיתָא זֵיוְתָן בְגוֹ בְנֵי אְנָשָא כְכוֹכְבֵי״כְכוֹכָב#2#״ נַגהָא״נֹגהָא#2#״ בֵין כוֹכְבַיָא אִתרְטֵישתָא לְאַרעָא דַהְוֵיתָא קָטֵיל״קְטוֹל#2#״ בְעַמְמַיָא׃
(1) 31:41 וְאַת אְמַרת בְלִיבָך לְרוּמָא אַסַק עֵיל מִן עַמֵיה דַאְלָהָא אְשַוֵי כוּרסֵי מַלכוּתִי וְאַתֵיב בְטוּר זְמַן בִסיָפֵי צִיפוּנָא׃
(1) 41:41 אַסַק עִילָוֵי כָל עַמָא אֵיהֵי עִלַאי מִכוּלְהוֹן׃
(1) 51:41 בְרַם לִשאוֹל תִיתַחַת לִסיָפֵי גוּב בֵית אַבדָנָא׃
(1) 61:41 חָזָך עְלָך יְדִיקוּן בָך יִסתַכְלוּן יֵימְרוּן הְדֵין גוּברָא אְזִיַע אַרעָא אַצדִי מַלכְווָתָא׃
(1) 71:41 שַוִי תֵבֵל כְמַדבְרָא וְקִרווֹהִי פַגַר לַאְסִירוֹהִי לָא פְתַח תַרעָא׃
(1) 81:41 כָל מַלכֵי עַמְמַיָא כוּלְהוֹן שָכְבִין בִיקָר גְבַר בְבֵית עָלְמֵיה׃
(1) 91:41 וְאַת אִתרְכֵינתָא מִקִברָך כְיַחַט טְמִיר חַפִי קְטִילִין מְטָעְנֵי חְרַב נָחְתֵי לְגוּב בֵית אַבדָנָא כְפַגַר מְדַשדַש׃
(1) 02:41 לָא תְהֵי כְחַד מִינְהוֹן בִקבוּרָא אְרֵי אַרעָך חַבֵילתָא עַמָך קַטֵילתָא לָא יִתקַייַם לְעָלַם זַרַע מַבאְשִין׃
(1) 12:41 אַתקִינוּ לִבנֵיהוֹן קְטוֹל בְחוֹבֵי אְבָהָתְהוֹן דִלמָא יְקוּמוּן וְיַחסְנוּן אַרעָא וְיִמלוֹן אַפֵי תֵבֵל בַעְלֵי דְבָב׃
(1) 22:41 וְאַתגְלֵי לְאִתפְרָעָא מִנְהוֹן אְמַר יוי צְבָאוֹת וַאְשֵיצֵי לְבָבַל שוּם״שוֹם#2#״ וֻשאָר וֻבַר וֻבַר בַר אְמַר יוי׃
(1) 32:41 וַאְשַוֵינַה לִירוּתַת קוּפדִין בֵית צָדוּ בִיצִין״בישין#3#״ דְמַיִין וַאְהָמְמִנַה כְמָא דִמהָמְמִין בִמבִינָא וַאְתָבְבִינַה לְשֵיצָאָה אְמַר יוי צְבָאוֹת׃
(1) 42:41 קַיֵים יוי צְבָאוֹת לְמֵימַר אִם לָא כְמָא דְחַשֵיבִית כֵין תְהֵי וֻכמָא דִיעַצִית הִיא תְקוּם׃
(1) 52:41 לְמִתבַר אַתוּרָאָה בְאַרעִי וְעַל טוּרֵי עַמִי אְדוֹשְשִינֵיה וְתִעדֵי מִנְהוֹן מַרוְתֵיה וְנִירֵיה מֵעַל צַורֵיהוֹן יִתפְסֵיק׃
(1) 62:41 דֵין מִלכָא דִמלִיך עַל כָל אַרעָא וְדָא גְבוּרְתָא דִמרָמְמָא״דִי מְרָמְמָא#2#״ דְשַלִיט עַל כָל מַלכְוָתָא׃
(1) 72:41 אַרֵי יוי צְבָאוֹת מְלַך וֻמַן יַעדֵי וֻגבוּרְתֵיה מְרָמְמָא וְלֵית דִיתִיבִינַה׃

(1) 82:41 בְשַתָא דְמִית מַלכָא אָחָז הְוָה מַטַל נְבוּאְתָא הָדָא׃

(1) 92:41 לָא תִחדוֹן פְלִשתָאֵי כוּלְכוֹן אְרֵי אִיתְבַר שִלטוֹן״שולטן#3#״ דַהְוָה מַפלַח בְכוֹן אְרֵי מִבְנֵי בְנוֹהִי דְיִשַי יִפוֹק מְשִיחָא וִיהוֹן עוֹבָדוֹהִי בְכוֹן כְחִיוֵי מַפרִית״מפריח#3#״׃
(1) 03:41 וְיִתפַרנְסוּן חַשִיכֵי עַמָא וְעִנוְתָנַיָא בְיוֹמוֹהִי לְרֻחצָן יִשרוֹן וִימיִת בְכַפנָא בְנַך וֻשאָר עַמִיך יְקַטֵיל׃
(1) 13:41 אֵילִילִי עַל תַרעַך צְוַחִי עַל קִרוַך אִיתְבַרתוּן פְלִשתָאֵי כוּלְכוֹן אְרֵי מִצִיפוּנָא פוֹרעָנָא״פורענותא#3#״ אָתֵי וְלֵית דִמאַחַר בִמזָמְנוֹהִי״בְזִמנוֹהִי#2#״׃
(1) 23:41 וֻמָא יְבַסְרוּן אִזגַדֵי עַמְמַיָא אְרֵי יוי שַכלְלַה״שַכלֵיל#2#״ לְצִיוֹן״צִיוֹן#2#״ וֻבַה יִתרַחְצוּן וְיִחדוֹן חַשִיכֵי עַמָא״עַמֵיה#2#״׃