(1) 10:11 וְיִפוֹק מַלכָא מִבְנוֹהִי דְיִשָי וֻמשִיחָא מִבְנֵי בְנוֹהִי יִתרַבֵי׃

(1) 20:11 וְתִשרֵי עְלוֹהִי רוּחַ״נבואה#3#״ מִן קְֹדָם יוי רוּחַ חָכמָה וְסֻכלְתָנוּ רוּחַ מֵילַך וֻגבוּרָא רוּחַ מַדַע וְדַחלְתָא דַיוי׃
(1) 30:11 וִיקָרְבִיניֵה לְדַחלְתֵיה יוי וְלָא לְחֵיזוּ עֵינוֹהִי יְהֵי דָאֵין״דָאִן#3#״ וְלָא לְמִשמַע אוּדנוֹהִי יְהֵי מוֹכַח׃
(1) 40:11 וִידִין בְקוּשטָא מִסכֵינִין וְיוֹכַח בְהֵימָנוּתָא לְחַשִיכֵי עַמָא <דארעא#3#> וְיִמחֵי חַייָבֵי אַרעָא בְמֵימַר פוּמֵיה וֻבמַמלַל סִפוָתֵיה יְהֵי מָאִית רַשִיעָא׃
(1) 50:11 וִיהוֹן צַדִיקַיָא סְחוֹר סְחוֹר לֵיה וְעָבְדֵי הֵימָנוּתָא מְקָרְבִין לֵיה׃
(1) 60:11 בְיוֹמוֹהִי דִמשִיחָא דְיִשׂרָאֵל יִסגֵי שְלָמָא בְאַרעָא וִידוּר דֵיבָא עִם אִימְרָא וְנִמרָא עִם גַדיָא יִשרֵי וְעֵגַל וְאַריָא וֻפַטִים כַחדָא וְיָניִק זְעיֵר מְדַבַר לְהוֹן׃
(1) 70:11 וְתוֹרְתָא וְדוּבָא יִרעְיָן כַחדָא יִשרוֹן בְנֵיהוֹן וְאַריָא כְתוֹרָא יֵיכוֹל תִבנָא׃
(1) 80:11 וִיחָיֵיך יָנְקָא עַל חוּר חִיוֵי פְתַן וְעַל חֵיזוּ גִלגְלֵי עֵינֵי חִוֵי חֻרמָן חְסִילָא יְדוֹהִי יוֹשִיט׃
(1) 90:11 לָא יַבאְשוּן וְלָא יְחַבְלוּן בְכָל טוּרָא דְקוּדשִי אְרֵי תִתמְלֵי אַרעָא מַדַע יָת דַחלְתָא דַיוי כְמַיָא דִליַמָא חָפַן׃
(1) 01:11 וִיהֵי בְעִידָנָא הַהוּא בַר בְרֵיה דְיִשַי דַעְתִיד דִיקוּם אָת לְעַמְמַיָא לֵיה מַלכְוָן יִשתַמעוּן וִיהֵי אְתַר בֵית מִשרוֹהִי״משריה#3#״ בִיקָר׃
(1) 11:11 וִיהֵי בְעִידָנָא הַהוּא יוֹסֵיף יוי תִניָנוּת גְבוּרְתֵיה לְמִפרַק יָת שְאָרָא דְעַמֵיה דְיִשתְאַר מֵאַתוּר וֻמִמִצרַיִם וֻמִפַתרוֹס וֻמֵהֹדוּ וֻמֵעֵילָם וֻמִבָבַל וֻמֵחְמָת וֻמִנְגָוָת יַמָא׃
(4) 11:11 ויהי ביומא ההוא יוסיף מי דייי תיניינות גבורתיה למיפרק ית שייור מבדרי עמיה דמשתיירין מן אתור ומן מצרים ומן נסיוטאי ומן הינדיא רבא ומן עילם ומן בבל ומן אנטוכיא ומן הפרכי ימא רבא
(1) 21:11 וְיִזקוֹף אָת לְעַמְמַיָא וִיכַנֵיש מְבֻדְרֵי״מְבַדְרֵי#3#״ יִשׂרָאֵל וְגָלְוָת יְהוּדָה יְקָרֵיב מֵאַרבַע רוּחֵי אַרעָא׃
(1) 31:11 וְתִעדֵי קִנאְתָא מִדְבֵית״דבית#3#״ אַפרַיִם וְדִמעִיקִין לִדבֵית יְהוּדָה יִשתֵיצוֹן דְבֵית אַפרַיִם לָא יְקַנוֹן לִדבֵית״בִדבֵית#2#״ יְהוּדָה וֻדבֵית יְהוּדָה לָא יְעִיקוּן״יָעִיקוּן#3#״ בִדבֵית אַפרָיִם׃
(1) 41:11 וְיִתחַבְרוּן כְתַף חַד לְמִמחֵי יָת״#2#״ פְלִשתָאֵי דִבמַערְבָא כַחדָא יִבְזוּן יָת בְנֵי מַדנְחָא בַאְדוֹם וֻמוֹאָב יוֹשְטוּן״יֵישְטוּן#3#״ יַדהוֹן״ידיהון#3#״ וֻבנֵי עַמוֹן יִשתַמעוּן לְהוֹן׃
(1) 51:11 וִייַבֵיש״וְיַיבֵיש#3#״ יוי יָת לִישָן יַמָא דְמִצרָאֵי״דְמִצרַיִם#2#״ וִירִים מַחַת גְבוּרְתֵיה עַל פְרָת בְמֵימַר נְבִיוֹהִי וְיִמחֵינֵיה לְשִבעָה נַחלִין וִיהָכוּן בֵיה בְסַנדְלִין׃
(1) 61:11 וֻתהֵי אוֹרַח כְבִישָא לִשאָרָא דְעַמֵיה דְיִשתְאַר מֵאַתוּרָאָה כְמָא דַהְוָת לְיִשׂרָאֵל בְיוֹם מִיסַקהוֹן מֵאַרעָא דְמִצרָיִם׃