(1) 11:52 וְיָת שְאָר עַמָא דְאִשתְאַרוּ בְקַרתָא וְיָת שְמִעַיָא דְאִשתְמַעוּ עַל מַלכָא דְבָבַל וְיָת שְאָר הְמוֹנָא אַגלִי נְבוּזַראְדָן רַב קָטוֹלַיָא׃

(1) 21:52 וֻמֵחַשִיכֵי עַמָא דְאַרעָא אַשאַר <נבוזראדן#3#> רַב קָטוֹלַיָא לְמִהוֵי מַפלְחִין \בְחַקלִין וֻבכַרמִין ״בכרמין וחקלין#3#״׃
(1) 31:52 וְיָת עַמוּדֵי נְחָשָא דִבבֵית מַקדְשָא דַיוי וְיָת בְסִיסַיָא וְיָת יַמָא דִנחָשָא דִבבֵית מַקדְשָא דַיוי תַבַרוּ״תרעו#3#״ כַסדָאֵי וְאוֹבִילוּ יָת נְחָשְהוֹן לְבָבַל׃
(1) 41:52 וְיָת דוּדַיָא וְיָת מַגרוֹפיָתָא וְיָת מְזַמְרַיָא וְיָת <כל#3#> בָזִכַיָא וְיָת כָל מָנֵי נְחָשָא דַהְווֹ מְשַמְשִין בְהוֹן נְסִיבוּ׃
(1) 51:52 וְיָת מַחתְיָתָא וְיָת מִזרְקַיָא דְדַהבָא דַהבָא וֻדכַספָא כַספָא נְסֵיב רַב קָטוֹלַיָא׃
(1) 61:52 עַמוּדַיָא תְרֵין יַמָא חַד וֻבסִיסַיָא״ובסיסא#3#״ דַעְבַד שְלֹמֹה לְבֵית מַקדְשָא דַיוי לָא הְוָה מַתקַל לִנחָשְהוֹן״לנחשתהון#3#״ דְכָל״כל#3#״ מַנַיָא הָאִלֵין׃
(1) 71:52 תְמָנַא עַסרֵי אַמִין רוּמֵיה דְעַמוּדָא חַד וֻקרוּנתְהוֹן״וקרונתוון#3#״ עְלוֹהִי דִנחָשָא וְרוּמַה דִקרֻנתְהוֹן״דקרונתוון#3#״ תְלָת אַמִין וֻסרִיגְתָא״וסריקתא#3#״ וְרִמוֹנַיָא עַל קְרוּנתָוָן״קְרוּנתְהוֹן#3#״ סְחוֹר סְחוֹר כוֹלָא נְחָשָא וֻכאִלֵין לְעַמוּדָא״על עמודא#3#״ תִניָנָא עַל סְרִיגְתָא׃
(1) 81:52 וֻדבַר רַב קָטוֹלַיָא יָת שְרָיָה כָהְנָא רַבָא וְיָת צְפַניָה סְגַן כָהְנַיָא וְיָת תְלָתָה \אַמַרכְלַיָא ״דממנן על בית מקדשא#3#״׃
(1) 91:52 וְמִן קַרתָא דְבַר גָוָאָה חַד דְהוּא״דהוה#3#״ מְמֻנַא עַל גֻברֵי עָבְדֵי קְרָבָא וְחַמשָה״חמשין#3#״ גֻברִין דְחָזַן אַפֵי מַלכָא דְאִשתְכַחוּ בְקַרתָא וְיָת סָפְרָא רַב חֵילָא דְכָנֵיש יָת עַמָא דְאַרעָא וְשִתִין גֻברָא מֵעַמָא דְאַרעָא דְאִשתְכַחוּ בְקַרתָא׃
(1) 02:52 וֻדבַר יָתְהוֹן נְבוּזַראְדָן רַב קָטוֹלַיָא וְאוֹבֵיל יָתְהוֹן לְוָת מַלכָא דְבָבַל לְרִבלָת׃
(1) 12:52 וֻמחָא יָתְהוֹן מַלכָא דְבָבַל וֻקטַלִנוּן בְרִבלָה בְאַרעָא״מארעא#3#״ דַחְמָת וֻגלוֹ דְבֵית יְהוּדָה מֵעַל אְרַעהוֹן׃
(1) 22:52 וְעַמָא דְאִשתְאַר בְאַרעָא דְבֵית יְהוּדָה דְאַשאַר נְבוּכַדנַצַר מַלכָא דְבָבַל וְמַנִי עְלֵיהוֹן יָת גְדַליָה בַר אְחִיקַם בַר שָפָן׃
(1) 32:52 וֻשמַעוּ כָל רַבָנֵי חֵילָוָתָא אִנוּן וְגֻברַיָא״וגבריהון#3#״ אְרֵי מַנִי <עליהון#3#> מַלכָא דְבָבַל יָת גְדַליָה וַאְתוֹ לְוָת גְדַליָה לְמִצפְיָא וְיִשמָעֵאל בַר נְתַניָה וְיוֹחָנָן בַר קָרֵחַ וֻשרָיָה בַר תַנחוּמַת דְמִנָטוֹפָא״דמן נטופא#3#״ וְיַאְזַניָה בַר מַעְכָת אִנוּן וְגֻברֵיהוֹן׃
(1) 42:52 וְקַיֵים לְהוֹן גְדַליָה וֻלגֻברֵיהוֹן וַאְמַר לְהוֹן לָא תִדחְלוּן מֵעַבדֵי כַסדָאֵי תִיבוּ בְאַרעָא וֻפלַחוּ יָת מַלכָא דְבָבַל וְיִיטַב לְכוֹן׃
(1) 52:52 וַהְוָה בְיַרחָא שְבִיעָאָה אְתָא יִשמָעֵאל בַר נְתַניָה בַר אְלִישָמָע מִזַרעָא דְמַלכוּתָא וְעַסרָא גֻברִין עִמֵיה וֻמחוֹ יָת גְדַליָה וְמִית וְיָת יְהוּדָאֵי וְיָת כַסדָאֵי דַהְווֹ עִמֵיה בְמִצפְיָא׃
(1) 62:52 וְקָמוּ כַל עַמָא מִזְעֵירָא וְעַד רַבָא וְרַבָנֵי חֵילָוָתָא וַאְתוֹ לְמִצרַיִם אְרֵי דְחִילוּ מִן קְֹדָם כַסדָאֵי׃
(1) 72:52 וַהְוָה בִתלָתִין וֻשבַע״וחמשה#3#״ שְנִין לְגָלוּת יְהוֹיָכִין מַלַך שִבטָא דְבֵית יְהוּדָה בִתרֵי עְסַר יַרחִין בְעַסרִין וֻשִבעָא לְיַרחָא רַבִי אְוִיל מְרֹדַך מַלכָא דְבָבַל בִשנַת מִמלְכֵיה״מַלכוּתֵיה#3#״ יָת רֵיש יְהוֹיָכִין מַלַך שִבטָא דְבֵית יְהוּדָה וְאַפֵיק יָתֵיה מִבֵית אְסִירֵי׃
(1) 82:52 וְמַלֵיל עִמֵיה פִתגָמִין תָקְנִין וִיהַב יָת כֻרסוֹהִי \עֵיל מִן ״מעילוי#3#״ כֻרסֵי מַלכַיָא״מלכוותא#3#״ דְעִמֵיה בְבָבַל׃
(1) 92:52 וְשַנִי יָת לְבוּשֵי אְסָרֵיה וַאְכַל לַחמָא תְדִירָא קְֹדָמוֹהִי כָל יוֹמֵי חַיוֹהִי׃
(1) 03:52 וְשֵירָוָתֵיה שֵירָוָת תְדִירָא מִתיַהבִין״מִתיַהבָא#3#״ לֵיה מִן קְֹדָם מַלכָא פִתגָם יוֹם בְיוֹמֵיה כֹל יוֹמֵי חַיוֹהִי׃