The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:02 וֻבַר הֲדַד מַלכָא דַאֲרָם כְנַש יָת כָל מַשרְיָתֵיה״משירייתיה#3#״ וֻתלָתִין וֻתרֵין מַלכִין עִמֵיה וְסוּסָוָן וֻרתִיכִין וֻסלֵיק וְצָר עַל שוֹמְרוֹן וַאֲגִיַח קְרָבָא בַה׃
(1) 20:02 וֻשלַח אִזגַדִין לְוָת אַחאָב מַלכָא דְיִשרָאֵל לְקַרתָא׃
(1) 30:02 וַאֲמַר לֵיה כִדנָן אֲמַר בַר הֲדַד כַספָך וְדַהבָך דִילִי הוּא וֻנשָך וֻבנָך שַפִירַיָא דִילִי אִנוּן׃
(1) 40:02 וַאֲתֵיב מַלכָא דְיִשרָאֵל וַאֲמַר כְפִתגָמָך רִבוֹנִי מַלכָא דִילָך אֲנָא״נַפשִי#3#״ וְכָל דִילִי׃
(1) 50:02 וְתָבוּ אִזגַדַיָא וַאֲמַרוּ כִדנָן אֲמַר בַר הֲדַד לְמֵימַר אֲרֵי שְלַחִית לְוָתָך״לָך#3#״ לְמֵימַר \כַספָך וְדַהֲבָך וֻנשָך וֻבנָך ״כספא ודהבא ונשא ובנא#3#״ לִי תִתֵין׃
(1) 60:02 אֲלָהֵין כְעִדָנָא״בעידנא#3#״ הָדֵין מְחַר אַשלַח יָת עַבדַי לְוָתָך וִיבַלְשוּן יָת בֵיתָך וְיָת בָתֵי עַבדָך וִיהֵי כָל רִגגָא דְעֵינָך״בְעֵינָך#3#״ יְשַווֹן בְיַדהוֹן״בִידֵיהוֹן#3#״ וְיִסְבוּן׃
(1) 70:02 וֻקרָא מַלכָא דְיִשרָאֵל לְכָל סָבֵי אַרעָא וַאֲמַר דַעוּ כְעַן וַחֲזוֹ אֲרֵי בִשתָא דֵין בָעֵי אֲרֵי שְלַח לִי לִנשַי״וְלִנשַי#3#״ וְלִבנַי וֻלכַספִי וֻלדַהֲבִי וְלָא מְנַעִית מִנֵיה׃
(1) 80:02 וַאֲמַרוּ לֵיה כָל סָבַיָא וְכָל עַמָא לָא תִשמַע וְלָא תֵיבֵי׃
(1) 90:02 וַאֲמַר לְאִזגַדֵי בַר הְדַד אִימַרוּ״כדין תימרון#3#״ לְרִבוֹנִי מַלכָא כָל דִשלַחתָא לְעַבדָך בְקַדמֵיתָא אַעֲבֵיד וֻפִתגָמָא הָדֵין לָא אִכוֹל לְמַעֲבַד וַאֲזַלוּ אִזגַדַיָא וָאֲתִיבוּהִי פִתגָמָא׃
(1) 01:02 וֻשלַח לְוָתֵיה״לֵיה#3#״ בַר הֲדַד וַאֲמַר כְדֵין יַעבְדָן״יַעבְדוּן#3#״ לִי דַחלָתָא״דַחלָתַאי#3#״ וֻכדֵין יוֹסְפָן״יֵיסְפָן#2#״יוסיפון#3#״ אִם יִספוֹק״יסופק#3#״ עַפרָא דְשוֹמְרוֹן לְמִסַב בִשעוּלֵי פַרסַת רַגלֵי עַמָא דְעִמִי׃
(1) 11:02 וַאֲתֵיב מַלכָא דְיִשרָאֵל וַאֲמַר אֲמַרוּ לֵיה לָא יִשתַבַח דְמִזדָרַז״דִמזָרַז#2#״ וְנָחֵית בִקרָבָא כִגבַר דְנָצַח וְסָלֵיק מִנֵיה׃
(1) 21:02 וַהֲוָה כַד שְמַע יָת פִתגָמָא הָדֵין וְהוּא שָתֵי הוּא וֻמַלכַיָא בִמטַלַיָא וַאֲמַר לְעַבדוֹהִי אִזדָרַזוּ וֻכמַנוּ״ואזדריזו#3#״ עַל קַרתָא׃
(1) 31:02 וְהָא נְבִיָיא חַד קְרֵיב לְוָת אַחאָב מַלכָא דְיִשרָאֵל וַאֲמַר כִדנָן אֲמַר יוי הַחֲזֵיתָא יָת כָל הָמוֹנָא״אִתרְגוֹשָא#3#״ סַגִיאָה״רַבָא#3#״ הָדֵין הָאֲנָא מָסַר לֵיה בִידָך יוֹמָא דֵין וְתִדַע אֲרֵי אֲנָא יוי׃
(1) 41:02 וַאֲמַר אַחאָב בְמַן וַאֲמַר כִדנַן אֲמַר יוי בְעוּלֵימֵי רַברְבֵי״רבני#3#״ מְדִינָתָא וַאֲמַר מַן יְטַקֵיס קְרָבָא וַאֲמַר אַת׃
(1) 51:02 וֻמנָא יָת עוּלֵימֵי רַברְבֵי מְדִינָתָא וַהֲווֹ מָתַן תְלָתִין״וֻתְלָתִין#3#״ וֻתרֵין וֻבָתְרֵיהוֹן מְנָא יָת כָל עַמָא כָל בְנֵי יִשרָאֵל שִבעָא אַלפִין <דלא אישתעבדו לבעלא#3#>׃
(1) 61:02 וֻנפַקוּ בְטֵיהֲרָא וֻבַר הֲדַד שָתֵי רָוֵי בִמטַלַיָא הוּא וֻמַלכַיָא תְלָתִין וֻתרֵין מַלכִין״מַלכַיָא#3#״מלכא#3#״ דְסָעֲדִין״מְסָעְדִין#3#״ לֵיה״יתיה#3#״׃
(1) 71:02 וֻנפַקוּ עוּלֵימֵי רַברְבֵי מְדִינָתָא בְקַדמֵיתָא וֻשלַח בַר הֲדַד וְחַוִיאוּ לֵיה לְמֵימַר גֻברִין נְפַקוּ מִשוֹמְרוֹן׃
(1) 81:02 וַאֲמַר אִם לִשלָמָא נְפַקוּ אֲחוּדוּנוּן״אַחְדוּנוּן#3#״ כִד חַיִין וְאִם לִקרָבָא נְפַקוּ כִד חַיִין אֲחוּדוּנוּן׃
(1) 91:02 וְאִלֵין נְפַקוּ מִן קַרתָא עוּלֵימֵי רַברְבֵי מְדִינָתָא וְחֵילָא דְבָתְרֵיהוֹן׃
(1) 02:02 וֻקטַלוּ גְבַר גֻברוֹהִי וַאֲפַכוּ אֲנָש אֲרָם וֻרדַפוּנוּן״ורדפינון#3#״ יִשרָאֵל וְאִשתֵיזַב״וְאִשתֵיזִיב#3#״ בַר הְדַד מַלכָא דַארָם עַל סוּסָוָן״סוּסַיָא#3#״ וְעִמְהוֹן״וְעִמֵיה#3#״ תְרֵין״זוג#3#״ <זוֹג#3#> פָרָשִין״רתיכין#3#״׃
(1) 12:02 וֻנפַק מַלכָא דְיִשרָאֵל וֻמחָא יָת סוּסָוָתָא וְמַגַר״וֻמַגֵיר#3#״וגמר#3#״ יָת רְתִיכַיָא וֻמחָא בַאֲנָש אֲרָם מַחָא סַגִיאָה׃
(1) 22:02 וֻקרֵיב נְבִיָיא לְוָת מַלכָא דְיִשרָאֵל וַאֲמַר לֵיה אִיזֵיל אִתַקַף וְדַע וַחזִי יָת״מָא#3#״ דְתַעֲבֵיד אֲרֵי לִזמַן סוֹפַה דְשַתָא מַלכָא דַאֲרָם סָלֵיק עֲלָך׃
(1) 32:02 וַעֲבדֵי מַלכָא דַאֲרָם אֲמַרוּ לֵיה אֲלָהָא דְשַלִיט \עַל טוּרַיָא ״בטוריא#3#״ אֲלָהֲהוֹן עַל כֵין תְקִיפוּ מִנַנָא וֻברַם נְגִיַח עִמְהוֹן בְמֵישְרָא אִם לָא נִתקַף מִנְהוֹן׃
(1) 42:02 וְיָת פִתגָמָא הָדֵין עֲבֵיד אַעדִי מַלכַיָא גְבַר מֵאַתרֵיה וֻמַנִי שִלטוֹנַיָא חֲלוֹפוֹהוֹן״חִלוּפֵיהוֹן#2#״בתריהון#3#״׃
(1) 52:02 וְאַת תִמנֵי״תְמַנֵי#3#״ לָך מַשרְיָן״משיריין#3#״ כְמַשרְיָן דַעֲטַרָא״דְאִתקְטַלָא#3#״דְאִתקַטלָא#3#״ מִנָך וְסוּסָוָן כְסוּסָוָן וֻרתִכִין כִרתִכִין וֻנגִיַח קְרָבָא עִמְהוֹן בְמֵישְרָא אִם לָא נִתקַף״נִתקוֹף#3#״ מִנְהוֹן וְקַבֵיל לְמֵימַרהוֹן וַעֲבַד כֵין׃
(1) 62:02 וַהֲוָה לִזמַן סוֹפַה דְשַתָא וֻמנָא בַר הֲדַד יָת אֲנָש אֲרָם וֻסלֵיק לַאֲפֵיק לְאָגָחָא קְרָבָא עִם יִשרָאֵל׃
(1) 72:02 וֻבנֵי יִשרָאֵל אִתמְנִיאוּ וְאִזדָרַזוּ״וְאִזדָמַנוּ#3# וַאֲזַלוּ לְקַדָמוּתְהוֹן וֻשרוֹ בְנֵי יִשרָאֵל לְקִבלְהוֹן כִתרֵין גִזרֵי עִזִין וַאֲנָש אֲרָם מְלוֹ״מַליָא#3#״ יָת אַרעָא׃
(1) 82:02 וֻקרֵיב נְבִיָיא דַיוי וַאֲמַר לְמַלכָא״לות מלכא#3#״ דיִשרָאֵל וַאֲמַר <לֵיה#3#> כִדנָן אֲמַר יוי חֲלָף דַאֲמַרוּ אֲנָש אֲרָם אֲלָהָא דְשַלִיט עַל טוּרַיָא יוי וָלָא אֲלָהָא דְשַלִיט עַל מֵישְרַיָא״מֵישְרָא#3#״ הוּא וְאַמסַר יָת כָל הָמוֹנָא סַגִיאָה״רַבָא#3#״ הָדֵין בִידָך וְתִדְעוּן אֲרֵי אֲנָא יוי׃
(1) 92:02 וֻשרוֹ אִלֵין לָקֳבֵיל אִלֵין שִבעָה יוֹמִין וַהֲוָה בְיוֹמָא שְבִיעָאָה וֻקרִיבוּ עָבְדֵי קְרָבָא וֻמחוֹ בְנֵי יִשרָאֵל \יָת אֲנָש ״באינש#3#״ אֲרָם מְאָה אַלפִין גֻברָא רִגלָאָה״רִגלַי#3#״רוּגלַי#3#״ בְיוֹמָא חַד׃
(1) 03:02 וַאֲפַכוּ דְאִשתְאַרוּ לַאֲפֵק לְקַרתָא וֻנפַל שוּרָא עַל עַסרִין וְשִבעָה אַלפִין גֻברָא דְאִשתְאַרוּ וֻבַר הֲדַד אֲפַך״עְרַק#3#״ וְעַל לְקַרתָא תַוָן בְגוֹ תַוָן׃
(1) 13:02 וַאֲמַרוּ לֵיה עַבדוֹהִי הָא כְעַן שְמַענָא אֲרֵי מַלכֵי בֵית יִשרָאֵל אֲרֵי מַלכֵי גָמְלֵי״גברי#3#״ חִסדָא אִנוּן נֵיסַר כְעַן סַקִין בְחַרצַנָא וַאֲטוּנִין בְרֵישַנָא וְנִפוֹק לְוָת מַלכָא דְיִשרָאֵל מָא אִם יְקַיֵים יָת נַפשָך׃
(1) 23:02 וַאֲסַרוּ סַקִין בְחַרצֵיהוֹן וַאֲטוּנִין בְרֵישֵיהוֹן וַאֲתוֹ לְוָת מַלכָא דְיִשרָאֵל וַאֲמַרוּ עַבדָך בַר הֲדַד אֲמַר תִתקַיַים כְעַן נַפשִי וַאֲמַר הֲעַד כְעַן קַיָים אֲחִי הוּא׃
(1) 33:02 וְגֻברַיָא״וְהָא גֻברַיָא#3#״ נַחִישוּ וְאוֹחִיאוּ וְחַטפוּהָא מִנֵיה וַאֲמַרוּ״ואמר#3#״ אֲחוּך בַר הֲדַד וַאֲמַר עוּלוּ דַברוּהִי וֻנפַק לְוָתֵיה בַר הֲדַד וַאסְקֵיה״וְאַסֵיקהִי#3#״ לִרתִכָא׃
(4) 33:02 וגוברייא הוו מטיירין במיליהון וחטפוהא בחוכמתא מיניה׃
(1) 43:02 וַאֲמַר לֵיה קִרוַיָא דִנסֵיב אַבָא מִן אֲבוּך אָתִיב וְשוּקִין תְמַנֵי לָך בְדַמַשַק כְמָא דְמַנִי אַבָא בְשוֹמְרוֹן וַאֲנָא בִקיָם אֲשַלְחִנָך וֻגזַר לֵיה קְיָם וְשַלְחֵיה׃
(1) 53:02 וְגֻברָא חַד מִתַלמִידֵי״מִבנֵי תַלמִידֵי#3#״ נְבִיַיָא אֲמַר לְחַברֵיה בְפִתגָמָא דַיוי מְחֵינִי כְעַן וְלָא אֲבָא גֻברָא לְמִמחָהִי״לְמִמחַיֵיה#3#״׃
(1) 63:02 וַאֲמַר לֵיה חֲלָף״וחלף#3#״ דְלָא קַבֵילתָא לְמֵימְרָא״במימרא#3#״ דַיוי הָא אַת אָזֵיל מִלְוָתִי וְיִקטְלִנָך אַריָא וַאֲזַל מִלְוָתֵיה וְאַשכְחֵיה אַריָא וְקַטלֵיה׃
(1) 73:02 וְאַשכַח גֻברָא אֻחרָנָא וַאֲמַר מְחֵינִי כְעַן וֻמחָהִי גֻברָא מְחָהִי וֻפַדְעֵיה״ופרעיה#3#״׃
(1) 83:02 וַאֲזַל נְבִיָיא וְקָם לְמַלכָא עַל אוֹרחָא וְכָרֵיך״ואכריך#3#״ בְמַעפְרָא״בטאשיי במעפרתא#3#״ עַל עֵינוֹהִי״אפוהי#3#״׃
(1) 93:02 וַהֲוָה מַלכָא עָבַר ״וְהוּא צָוַח״וצוח#3# קֳדָם מַלכָא וַאֲמַר עַבדָך נְפַק בְגוֹ קְרָבָא וְהָא גֻברָא זָר וְאַיתִי לִי גֻברָא וַאֲמַר טַר יָת גֻברָא הָדֵין אִם מִשגָא יִשגֵי״ישגא#3#״ וֻתהֵי נַפשָך חֲלָף נַפשֵיה אוֹ כַכרָא דְכַספָא תִתקוּל׃
(1) 04:02 וַהֲוָה \עַד דְעַבדָך ״עם עבדך#3#״ מִתפְנֵי לְכָא וֻלכָא וְהָא לָיְתוֹהִי וַאֲמַר לֵיה מַלכָא דְיִשרָאֵל אַת דַנתָא דִינָך וֻפסַקתָא׃
(1) 14:02 וְאוֹחִי וְאַעדִי יָת מַעפְרָא מֵעִלָוֵי עֵינוֹהִי וְאִשתְמוֹדַע יָתֵיה מַלכָא דְיִשרָאֵל אֲרֵי מִתַלמִידֵי נְבִיַיָא הוּא׃
(1) 24:02 וַאֲמַר לֵיה כִדנָן אֲמַר יוי חֲלָף דְשֵיזֵיבתָא יָת גְבַר חַיָיב״דְחַיָיב#3#״ קְטוֹל מִיָד״מידי#3#״ וֻתהֵי נַפשָך חֲלָף נַפשֵיה וְעַמָך חֲלָף עַמֵיה׃

(1) 34:02 וַאֲזַל מַלכָא דְיִשרָאֵל לְבֵיתֵיה נְסִיס וְדָוֵי וְאֲתָא לְשוֹמְרוֹן׃