The Comprehensive Aramaic Lexicon

(1) 10:11 וֻמַלכָא שְלֹמֹה רְחֵים״רָחֵים#3#״ נְשִין בְנָת עַמְמִין סַגִיאָן״סַגִיאִין#3#״ וְיָת בַת פַרעֹה מוֹאְבָאָן עַמוֹנָאָן אְדוֹמָאָן צֵידוֹנָאָן חִתָאָן׃
(1) 20:11 מִן עַמְמַיָא דַאְמַר יוי לִבנֵי יִשרָאֵל לָא תִתעָרְבוּן בְהוֹן וְאִנוּן לָא יִתעָרְבוּן בְכוֹן דִלמָא״דלא#3#״ יַטעוֹן יָת לִבְכוֹן בָתַר טָעְוָתְהוֹן בְהוֹן אִתרְעִי שְלֹמֹה לְמִרחַם׃
(1) 30:11 וַהְוַאָה לֵיה נְשִין מַלכָן שְבַע מְאָה וֻלחֵינָן תְלָת מְאָה וְאַטעִיאָה נְשוֹהִי יָת לִבֵיה׃
(1) 40:11 וַהְוָה לְעִדָן דְסִיב שְלֹמֹה נְשוֹהִי אַטעִיאָה יָת לִבֵיה בָתַר טָעְוָת עַמְמַיָא וְלָא הְוָה לִבֵיה שְלִים בְדַחלְתָא דַיוי אְלָהֵיה כְלִבָא דְדָוִיד אְבוּהִי׃
(1) 50:11 וַאְזַל שְלֹמֹה בָתַר עַשתוֹרַת טָעוּת״טָעְוַת#3#״ צִידוֹנָאֵי וֻבָתַר מִלכוֹם שִקוּץ עַמוֹנָאֵי״בני עמון#3#״׃
(1) 60:11 וַעְבַד שְלֹמֹה דְבִיש קֳדָם יוי וְלָא אַשלֵים בָתַר דַחלְתָא דַיוי כְדָוִיד אְבוּהִי׃
(1) 70:11 בְכֵין בְנָא שְלֹמֹה בָמְתָא לִכמוֹש שִקוּץ מוֹאְבָאֵי״מוֹאָב#3#״ בְטוּרָא דְעַל אַפֵי יְרוּשלַם וֻלמוֹלַך שִקוּץ בְנֵי עַמוֹן׃
(1) 80:11 וְכֵין עְבַד לְכָל נְשוֹהִי בְנָת עַמְמַיָא מַסְקָן בוּסמִין וֻמדַבְחִין״וֻמדַבְחָן#3#״ לְטָעְוָתְהוֹן׃
(1) 90:11 וֻתקֵיף רֻגזָא דַיוי בִשלֹמֹה אְרֵי אִתפְנֵי לִבֵיה מִדַחלְתָא דַיוי אְלָהָא דְיִשרָאֵל דְאִתגְלִי לֵיה תַרתֵין זִמנִין׃
(1) 01:11 וְפַקֵיד עְלוֹהִי עַל פִתגָמָא הָדֵין בְדִיל דְלָא לִמהָך בָתַר טָעְוָת עַמְמַיָא וְלָא נְטַר יָת דְפַקֵיד יוי׃
(1) 11:11 וַאְמַר יוי לִשלֹמֹה חְלָף דַהְוָת״דהוה#3#״ דָא עִמָך וְלָא נְטַרתָא פִקוֹדַי וֻקיָמַי דְפַקֵידִית עְלָך אַעדָאָה אַעדֵי יָת מַלכוּתָא״מַלכוּתָך#3#״ מִנָך וְאַתְנִנַה״ואיתנינה#3#״ לְעַבדָך׃
(1) 21:11 בְרַם בְיוֹמָך לָא אַעבְדִנַה בְדִיל דָוִיד אְבוּך מִיַד בְרָך״בנך#3#״ אַעדֵינַה׃
(1) 31:11 לְחוֹד יָת כָל מַלכוּתָא לָא אַעדֵי שִבטָא חַד אַתֵין לִבנָך״לִברָך#3#״ בְדִיל דָוִיד עַבדִי וֻבדִיל יְרוּשלַם <קַרתָא#3#> דְאִתרְעִיתִי׃
(1) 41:11 וַאְקֵים יוי סָטָן לִשלֹמֹה יָת הְדַר אְדוֹמָאָה מִזַרעָא דְמַלכָא״דְמַלכוּתָא#3#״ הוּא בַאְדוֹם׃
(1) 51:11 וַהְוָה כַד הְוָה דָוִיד בַאְדוֹם כַד סְלֵיק יוֹאָב רַב חֵילָא לְחַלָצָא <ית#3#> קְטִילַיָא וֻקטַל כָל דְכוּרָא בַאְדוֹם׃
(1) 61:11 אְרֵי שִתָא יַרחִין יְתֵיב תַמָן יוֹאָב וְכָל יִשרָאֵל עַד דְשֵיצִי״דקטל#3#״דשיציו#3#״ כָל דְכוּרָא בַאְדוֹם׃
(1) 71:11 וַעְרַק הְדַד״אְדַד#3#״ הוּא וְגֻברִין אְדוֹמָאִין מֵעַבדֵי אְבוּהִי עִמֵיה לְמֵיעַל לְמִצרָיִם וַהְדַד יָנִיק זְעֵיר׃
(1) 81:11 וְקָמוּ מִמִדיָן וַאְתוֹ לְפָארָן וֻדבַרוּ \גֻברִין עִמְהוֹן ״עמהון גברין#3#״ מִפָארָן וַאְתוֹ לְמִצרַיִם לְוָת פַרעֹה מַלכָא דְמִצרַיִם וִיהַב לֵיה בֵיתָא וְמָזוֹן אְמַר לְסַפָקָא לֵיה וְאַרעָא יְהַב לֵיה׃
(1) 91:11 וְאַשכַח הְדַד רַחְמִין בְעֵינֵי פַרעֹה לַחדָא וִיהַב לֵיה אִתְתָא יָת אְחָת אִתְתֵיה אְחָתַה דְתַחפְנֵיס מַלכְתָא׃
(1) 02:11 וִילֵידַת לֵיה אְחָתַה דְתַחפְנֵיס יָת גְנֻבַת בְרֵיה וַחֲסַלתֵיה תַחפְנֵיס בְגוֹ בֵית״בני#3#״ פַרעֹה וַהְוָה גְנוּבַת רָבֵי <בגו#3#> בֵית״בְבֵית#3#״ פַרעֹה בְגוֹ בְנֵי״בית#3#״ פַרעֹה׃
(1) 12:11 וַהְדָד שְמַע בְמִצרַיִם אְרֵי שְכֵיב דָוִיד עִם אְבָהָתוֹהִי וַאְרֵי מִית יוֹאָב רַב חֵילָא וַאְמַר הְדַד לְפַרעֹה שַלְחַנִי״שַלַחנִי#3#״ וַאְהָך״ואיהך#3#״ לְאַרעִי׃
(1) 22:11 וַאְמַר לֵיה פַרעֹה אְרֵי מָא אַת חַסִיר עִמִי דְאַת בָעֵי לְמֵיזַל לְאַרעָך וַאְמַר לָא אְרֵי שַלָחָא תְשַלְחִנַנִי׃
(1) 32:11 וַאְקֵים יוי לֵיה סָטָן יָת רְזוֹן בַר אַליָדָע דַעְרַק מִן קֳדָם הַדְדעַזַר מַלכָא דְצוֹבָה רִבוֹנֵיה׃
(1) 42:11 וֻכנַש עְלוֹהִי גֻברִין וַהְוָה רַב מַשרִיתָא כַד קְטַל״קַטֵיל#3#״ דָוִיד יָתְהוֹן וַאְזַלוּ לְדַמַשַק וִיתִיבוּ בַה וֻמלַכוּ בְדַמָשַק׃
(1) 52:11 וַהְוָה סָטָן לְיִשרָאֵל כָל יוֹמֵי שְלֹמֹה וְיָת בִשתָא דַעְבַד הְדַד וֻמרֵיד בְיִשרָאֵל וֻמלַך עַל אְרָם׃
(1) 62:11 וְיָרָבעָם בַר נְבָט אַפרִתַי מִן״דמן#3#״ צְרֵידָה וְשוֹם אִמֵיה צְרוּעָה אִתְתָא אַרמַלתָא עַבדָא לִשלֹמֹה וַאְרֵים יְדֵיה בְמַלכָא׃
(1) 72:11 וְדֵין פִתגָמָא דַאְרֵים יְדָא בְמַלכָא שְלֹמֹה בְנָא יָת מִלֵיתָא אְחַד יָת תִרעְתָא קַרתָא דְדָוִיד אְבוּהִי׃
(1) 82:11 וְגֻברָא יָרָבעָם גִבָר חֵילָא וַחְזָא שְלֹמֹה יָת עוּלֵימָא אְרֵי עָבֵיד עְבִידְתָא הוּא וֻמַנִי יָתֵיה לְכָל מַסְקֵי מִסִין דְבֵית יוֹסֵף׃
(1) 92:11 וַהְוָה בְעִדָנָא הַהוּא״ההיא#3#״ וְיָרָבעָם נְפַק מִירוּשלַם וְאַשכַח יָתֵיה אְחִיָה שִילוֹנָאָה נְבִיָא בְאוֹרְחָא וְהוּא מִתכַסֵי בִכסוּתָא חְדַתָא וְתַרוֵיהוֹן <אִנוּן#3#> בִלחוֹדֵיהוֹן בְחַקלָא׃
(1) 03:11 וַאְחַד אְחִיָה בִכסוּתָא חְדַתָא דַעְלוֹהִי וְסַדקַה״וסדיקא#3#״ לִתרֵי עְסַר סִדקִין׃
(1) 13:11 וַאְמַר לְיָרָבעָם סַב לָך עַסרָא סִדקִין אְרֵי כִדנָן״כדין#3#״ אְמַר יוי אְלָהָא דְיִשרָאֵל הָאְנָא מַעדֵי יָת מַלכוּתָא מִידָא דִשלֹמֹה וְאַתֵין לָך עַסרָה שִבטִין׃
(1) 23:11 וְשִבטָא חַד יְהֵי לֵיה בְדִיל \עַבדִי דָוִיד ״דוד עבדי#3#״ וֻבדִיל יְרוּשלַם קַרתָא דְאִתרְעִיתִי בַה מִכָל שִבטַיָא דְיִשרָאֵל׃
(1) 33:11 חְלָף דִשבַקוּ פֻלחָנִי וֻסגִידוּ לְעַשתָרוֹת״לְעַשתֹרַת#3#״ טָעוּת״טָעְוָת#3#״ צִדוֹנָאֵי לִכמוֹש״וְלִכמוֹש#3#״ טָעוּת״טָעְוָת#3#״ מוֹאְבָאֵי״מוֹאָב#3#״ וֻלמִלכוֹם טָעוּת״טָעְוָת#3#״ בְנֵי עַמוֹן וְלָא הַלִיכוּ בְאוֹרחָן דְתָקְנָן קֳדָמַי לְמַעְבַד דְכָשַר קֳדָמַי וֻקיָמַי וְדִינַי כְדָוִיד אְבוּהִי׃
(1) 43:11 וְלָא אַסַב״איסב#3#״ יָת כָל מַלכוּתָא מִנֵיה אְרֵי מַלכָא אְשַוֵינֵיה כָל יוֹמֵי חַיוֹהִי בְדִיל דָוִיד עַבדִי דְאִתרְעִיתִי בֵיה דִנטַר פִקוֹדַי <ואורייתי#3#״ וֻקיָמַי׃
(1) 53:11 וְאַסַב״ואיסב#3#״ מַלכוּתָא מִיַד בְרֵיה וְאַתנַה״ואתננה#3#״ לָך יָת עַסרָא שִבטִין׃
(1) 63:11 וְלִברֵיה אַתֵין״איתן#3#״ שִבטָא חַד בְדִיל לְקַיָמָא מַלכוּ לְדָוִיד עַבדִי כָל יוֹמַיָא קֳדָמַי בִירוּשלַם קַרתָא דְאִתרְעִיתִי בַה לְאַשְרָאָה שְכִינְתִי תַמָן׃
(1) 73:11 וְיָתָך אְקָרֵיב״איקרב#3#״ וְתִמלוֹך בְכָל״ככל#3#״ דְרָעְיָא״דרעוא#3#״ נַפשָך וֻתהֵי מַלכָא עַל יִשרָאֵל׃
(1) 83:11 וִיהֵי אִם <קַבָלָא#3#> תְקַבֵיל יָת כָל דַאְפַקְדִנָך וֻתהָך בְאוֹרחָן״בְכָל אוֹרחָן#3#״ דְתָקְנָן קֳדָמַי וְתַעְבֵיד דְכָשַר קֳדָמַי״בְעֵינַי#3#״ לְמִטַר קְיָמַי וְפִקוֹדַי כְמָא דַעְבַד דָוִיד עַבדִי וִיהֵי מֵימְרִי בְסַעְדָך וַאְקַיֵים״וַאְקֵים#3#״ לָך מַלכוּ קַיָימָא כְמָא דְקַיֵימִית לְדָוִיד וְאַתֵין לָך יָת יִשרָאֵל׃
(1) 93:11 וַאְעַנֵי״וְעֵיעַנֵי#3#״ יָת זַרעָא דְדָוִיד בְדִל דָא בְרַם לָא כָל יוֹמַיָא׃

(1) 04:11 וֻבעָא שְלֹמֹה לְמִקטַל יָת יָרָבעַם וְקָם יָרָבעָם וָעְרַק לְמִצרַיִם לְוָת שִישַק מַלכָא דְמִצרַיִם וַהְוָה בְמִצרַיִם עַד דְמִית שְלֹמֹה׃

(1) 14:11 וֻשאָר פִתגָמֵי שְלֹמֹה וְכָל דַעְבַד וְחָכמְתֵיה הְלָא אִנוּן כְתִיבִין עַל סְפַר פִתגָמֵי שְלֹמֹה׃
(1) 24:11 וְיוֹמַיָא דִמלַך שְלֹמֹה בִירוּשלַם עַל כָל יִשרָאֵל אַרבְעִין שְנִין׃
(1) 34:11 וֻשכֵיב שְלֹמֹה עִם אְבָהָתוֹהִי וְאִתקְבַר בְקַרתָא דְדָוִיד אְבוּהִי וֻמלַך רְחַבעָם בְרֵיה תְחוֹתוֹהִי׃