The Comprehensive Aramaic Lexicon

(1) 10:02 וְתַמָן אִתעָרַע גְבַר רַשִיעַ וֻשמֵיה שַבַע בַר בִכרִי גֻברָא מִשִבטָא דְבֵית בִניָמִין וֻתקַע בְשוֹפָרָא וַאְמַר לֵית לַנָא חוּלָק בְדָוִיד וְלָא אַחסָנָא לַנָא בְבַר יִשַי גְבַר לְקִרווֹהִי יִשׂרָאֵל׃
(1) 20:02 וְאִסתַלַק כָל אְנָש <דבית#3#> יִשׂרָאֵל מִבָתַר דָוִיד לְמֵיזַל בָתַר שַבַע בַר בִכרִי וַאְנָש יְהוּדָה לַווֹ עִם״ית#3#״על#3#״ מַלכְהוֹן מִן יַרדְנָא וְעַד יְרוּשלַם׃
(1) 30:02 וַאְתָא דָוִיד לְבֵיתֵיה לִירוּשלַם וֻדבַר מַלכָא יָת עְסַר נְשִין לְחֵינָן״פילגשן#3#״ דִשבַק לְמִטַר בֵיתָא וֻמַנִינִין בֵית מַטְרָא וֻמסוֹבַר לְהוֹן וֻלוָתְהוֹן לָא עָל וַהוַאָה נְטִירָן וֻמִתקַריְיָן עַד יוֹם מוֹתְהוֹן אַרמְלָן דְבַעלְהוֹן קַיָים׃
(1) 40:02 וַאְמַר מַלכָא לַעְמָשָא כְנוֹש קְֹדָמַי יָת אְנָש יְהוּדָה תְלָתָא יוֹמִין וְאַת הָכָא קוּם׃
(1) 50:02 וַאְֹזַל עְמָשָא לְמִכנַש יָת דְבֵית יְהוּדָה וְאוֹחַר מִן זִמנָא דַאְמַר לֵיה׃
(1) 60:02 וַאְמַר דָוִיד לַאְבִישַי כְעַן דִלמָא יַבאַש לַנָא שַבַע בַר בִכרִי מִן אַבשָלוֹם אַת דְבַר <כען#3#> יָת עַבדֵי רִבוֹנָך וֻרדוֹף בָתְרוֹהִי דִלמָא יַשכַח לֵיה קִרוִין כְרִיכָן וִיעִיק לַנָא׃
(1) 70:02 וֻנפַקוּ בָתְרוֹהִי גֻברֵי״אינשי#3#״ יוֹאָב וְקַשָתַיָא וְקַלָעַיָא וְכָל גִבָרַיָא וֻנפַקוּ מִירוּשלַם לְמִרדַף בָתַר שַבַע בַר בִכרִי׃
(1) 80:02 אִנוּן עִם אַבנָא רַבְתָא דִבגִבעוֹן וַעְמָשָא אָתֵי לְאַפֵיהוֹן וְיוֹאָב אְסִיר מְזָרַז לְבוּשוֹהִי וַעְלוֹהִי״וַעְלֵיה#3#״ אִספָנִיקֵי חְרַב מְזָרְזָא עַל חַרצֵיה בְלִדנַה וְהוּא אָזֵיל וֻפָסַע׃
(1) 90:02 וַאְמַר יוֹאָב לַעְמָשָא הַשְלָם אַת אְחִי וַאְחַדַת יַד יְמִין יוֹאָב בְדִקנָא דַעְמָשָא לְמִנשַק לֵיה׃
(1) 01:02 וַעְמָשָא לָא אִסתְמַר בְחַרבָא דִביַד יוֹאָב וֻמחָהִי בַה בִסטַר יִרכֵיה וֻשפַך מְעוֹהִי לְאַרעָא וְלָא תְנָא לֵיה וֻמִית וְיוֹאָב וַאְבִישַי אְחוּהִי רְדַפוּ בָתַר שַבַע בַר בִכרִי׃
(1) 11:02 וְגֻברָא קָאֵים עִלָווֹהִי מֵיעוּלֵימֵי יוֹאָב וַאְמַר מַן דְרָעֵי בְיוֹאָב וֻמַן דִלדָוִיד יֵיזֵיל בָתַר יוֹאָב׃
(1) 21:02 וַעְמָשָא מִטָרַף בִדמָא בְגוֹ כִבשָא וַחְזָא גֻברָא אְרֵי קָם כָל עַמָא וְאַסחַר יָת עְמָשָא מִן כִבשָא לְחַקלָא וֻרמָא עְלוֹהִי לְבוּשָא כַד חְזָא כָל דְאָתֵי עְלוֹהִי וְקָאֵים׃
(1) 31:02 כַד אַפנְיֵיה״אפכיה#3#״ מִן כִבשָא עְבַר כָל גֻברָא בָתַר יוֹאָב לְמִרדַף בָתַר שַבַע בַר בִכרִי׃
(1) 41:02 וַעְבַר בְכָל שִבטַיָא דְיִשׂרָאֵל לְאָבֵל וֻבֵית מַעְכָה וְכָל בֵרִין וְאִתכְנִישוּ וַאְתוֹ אַף אִנוּן בָתְרוֹהִי׃
(1) 51:02 וַאְתוֹ וְצָרוּ עְלוֹהִי בְאָבֵל וֻבֵית מַעְכָה וֻצבַרוּ מִלֵיתָא עַל קַרתָא וְאַקְפַה מַשרְיָן וְכָל עַמָא דְעִם יוֹאָב מִתעַשְתִין לְחַבָלָא שוּרָא׃
(1) 61:02 וֻקרָת אִתְתָא חַכִימְתָא מִן קַרתָא שְמַעוּ שְמַעוּ אְמַרוּ כְעַן לְיוֹאָב קְרַב עַד הָכָא״הלכא#3#״ וַאְמַלֵיל עִמָך׃
(1) 71:02 וֻקרֵיב לְוָתַה <יואב#3#> וַאְמַרַת אִתְתָא הְאַת יוֹאָב וַאְמַר אְנָא וַאְמַרַת לֵיה שְמַע <יָת#3#> פִתגָמֵי אַמתָך וַאְמַר שָמַע אְנָא׃
(1) 81:02 וַאְמַרַת לְמֵימַר אִדְכַר כְעַן מָא דִכתִיב בִספַר אוֹרָיתָא <דמשה#3#> לְמִשאַל בְקַרתָא בְקַדמִין לְמֵימַר הַכְדֵין הְוָה לָך לְמִשאַל <בשלמא#3#> בְאָבֵל אִם מַשלְמִין׃
(1) 91:02 אְנַחנָא״אנא#3#״ מַשלְמִין בְהֵימָנוּתָא עִם יִשׂרָאֵל דְאַת בָעֵי לְחַבָלָא קַרתָא״כרך#3#״ דְהִיא כְרָך רַב וְאִמָא בְיִשׂרָאֵל לְמָא תְקַלקֵיל אַחסָנַת עַמָא דַיְיָ׃
(1) 02:02 וַאְתֵיב יוֹאָב וַאְמַר חָס חָס לִי אִם אְקַלקֵיל וְאִם אְחַבֵיל׃
(1) 12:02 לָא כֵין פִתגָמָא אְרֵי גֻברָא מִטוּרָא דְבֵית אַפרָיִם שַבַע בַר בִכרִי שְמֵיה אְרֵים יְדֵיה בְמַלכָא בְדָוִיד הַבוּ יָתֵיה בִלחוֹדוֹהִי וַאְהָך מֵעַל״מן#3#״ קַרתָא וַאְמַרַת אִתְתָא לְיוֹאָב הָא רֵישֵיה מִתרְמֵי לִך מִן שוּרָא׃

(1) 22:02 וַאְתָת אִתְתָא לְוָת כָל עַמָא בְחֻכמְתַה וֻפסַקוּ יָת רֵיש שַבַע בַר בִכרִי וֻרמוֹ לְיוֹאָב״לְוָת יוֹאָב#3#״ וֻתקַע בְשוֹפָרָא וְאִתבַדַרוּ מֵעַל קַרתָא גְבַר לְקִרוֹהִי וְיוֹאָב תָב לִירוּשלַם לְוָת מַלכָא׃

(1) 32:02 וְיוֹאָב מְמֻנַא עַל כָל חֵילָא דְיִשׂרָאֵל וֻבנָיָה בַר יְהוֹיָדָע מְמֻנַא עַל קַשָתַיָא וְעַל קַלָעַיָא׃
(1) 42:02 וַאְדוֹרָם מְמֻנַא עַל מַסְקֵי מִסִין וִיהוֹשָפָט בַר אְחִילוּד מְמֻנַא עַל דֻכרָנַיָא׃
(1) 52:02 וֻשוָא״ושישא#3#״ סָפְרָא וְצָדוֹק וְאַביָתָר כָהְנַיָא׃
(1) 62:02 וְאַף עִירָא <הַיָאִירִי#3#> דְמִתְקוֹעַ הְוָה רָב לְדָוִיד׃