The Comprehensive Aramaic Lexicon

(1) 10:91 וֻרגֵיז מַלכָא וֻסלֵיק עַל עְלִיָת תַרעָא וֻבכָא וֻכדֵין״וכדנן#3#״ אְמַר בְמֵיזְלֵיה בְרִי אַבשָלוֹם בְרִי בְרִי אַבשָלוֹם לְוֵי״צבית#3#״לְוֵית#3#״ דְמֵיתִית אְנָא חֲלוֹפָך וְאַת קַיָים יוֹמָא דֵין אַבשָלוֹם בְרִי בְרִי׃
(1) 20:91 וְאִתחַוַה לְיוֹאָב הָא מַלכָא בָכֵי וֻמִתאַבַל עַל אַבשָלוֹם׃
(1) 30:91 וַהְוָת תְשוּעְתָא בְיוֹמָא הַהוּא לְאַבלָא לְכָל עַמָא אְרֵי שְמַע עַמָא בְיוֹמָא הַהוּא לְמֵימַר אִתנְסֵיס מַלכָא עַל בְרֵיה׃
(1) 40:91 וֻמִתגַנְבִין עַמָא בְיוֹמָא הַהוּא לְמֵיעַל לְקַרתָא כְמָא דְמִתגַנְבִין עַמָא וֻמִתכַלמִין בְמֵיפַכהוֹן בִקרָבָא׃
(1) 50:91 וֻמַלכָא כָרֵיך יָת אַפוֹהִי וֻצוַח מַלכָא בְקָל רַב בְרִי אַבשָלוֹם אַבשָלוֹם בְרִי בְרִי׃
(1) 60:91 וַאְתָא יוֹאָב לְוָת מַלכָא לְבֵיתָא וַאְמַר אַבהֵיתתָא יוֹמָא דֵין יָת אַפֵי כָל עַבדָך דְשֵיזִיבוּ יָת נַפשָך יוֹמָא דֵין וְיָת נְפַש בְנָך״בְרָך#3#״ וֻבנָתָך וֻנפַש נְשָך וֻנפַש לְחֵינָתָך׃
(1) 70:91 לְמִרחַם יָת סָנְאָך וֻלמִסנֵי יָת רָחְמָך אְרֵי חַוִיתָא יוֹמָא דֵין אְרֵי לֵית לָך רַברְבִין וְעַבדִין אְרֵי <אְנָא#3#> יָדַענָא יוֹמָא דֵין אְרֵי אִלוּ אַבשָלוֹם קַיָים וְכֻלַנָא יוֹמָא דֵין מִתקַטלִין אְרֵי בְכֵין כָשַר בְעֵינָך׃
(1) 80:91 וֻכעַן קוּם פוֹק וֻמַלֵיל עַל״עם#3#״ לִבָא דְעַבדָך אְרֵי בְמֵימְרָא דַיְיָ קַיֵימִית אְרֵי <אם#3#> לָיְתָך נָפֵיק אִם יְבִית גְבַר עִמָך בְלֵיליָא וֻתהֵי בִישָא לָך דָא מִכָל בִשתָא דַאְתָת עְלָך מִזְעוּרָך״מנעורך#3#״ עַד כְעַן״יומא הדין#3#״׃
(1) 90:91 וְקָם מַלכָא וִיתֵיב בְתַרעָא וְלכָל עַמָא חַוִיאוּ לְמֵימַר הָא מַלכָא יָתֵיב בְתַרעָא וַאְתָא כָל עַמָא לִקדָם מַלכָא וְיִשׂרָאֵל אְפַך גְבַר״איש#3#״ לְקִרוֹהִי׃
(1) 01:91 וַהְווֹ כָל עַמָא מִתוֹכְחִין״מִתוַכְחִין#3#״ בְכָל שִבטַיָא דְיִשׂרָאֵל לְמֵימַר מַלכָא שֵיזְבַנָא מִיַד בַעְלֵי דְבָבַנָא וְהוּא פַרקַנָא מִיְדָא דִפלִשתָאֵי וֻכעַן עְרַק מִן אַרעָא מִלְוָת אַבשָלוֹם׃
(1) 11:91 וְאַבשָלוֹם דִמשַחנָא עְלַנָא מִית בִקרָבָא וֻכעַן לְמָא אַתוּן״אְנַחנָא#3#״ שָתְקִין לְאָתָבָא יָת מַלכָא׃
(1) 21:91 וֻמַלכָא דָוִיד שְלַח לְצָדוֹק״לות צדוק#3#״ וֻלאַביָתָר כָהְנַיָא לְמֵימַר מַלִילוּ \עִם סָבֵי ״לְסָבֵי#3#״ יְהוּדָה לְמֵימַר לְמָא תְהוֹן בָתְרָאִין לְאָתָבָא יָת מַלכָא לְבֵיתֵיה וֻפִתגָם כָל יִשׂרָאֵל אְתָא לְוָת מַלכָא לְבֵיתֵיה׃
(1) 31:91 אַחַי אַתוּן קָרִיבַי וֻבִסרִי אַתוּן וֻלמָא תְהוֹן בָתְרָאִין לְאָתָבָא \יָת מַלכָא ״למלכא#3#״׃
(1) 41:91 וְלַעְמָשָא תֵימְרוֹן הְלָא קָרִיבִי וֻבִסרִי אַת כְדֵין יַעְבֵיד לִי יְיָ וֻכדֵין יוֹסֵיף אִם לָא רַב חֵילָא תְהֵי״אימנינך#3#״ קְֹדָמַי כָל יוֹמַיָא חְלָף יוֹאָב׃
(1) 51:91 וְאִתפְנִי <ית#3#> לִבָא דְכָל אְנָש יְהוּדָה כְגֻברָא חַד וֻשלַחוּ לְמַלכָא״לות מלכא#3#״ תוּב אַת וְכָל עַבדָך׃
(1) 61:91 וְתָב מַלכָא וַאְתָא עַד יַרדְנָא וֻדבֵית יְהוּדָה אְתוֹ לְגִלגָלָא לְמֵיזַל לְקַדָמוּת מַלכָא לְאַעבָרָא יָת מַלכָא יָת יַרדְנָא׃
(1) 71:91 וְאוֹחִי שִמעִי בַר גֵרָא בַר שֵיבַט בִניָמִין דְמֵיעָלְמַת וֻנחַת עִם אְנָש יְהוּדָה לְקַדָמוּת מַלכָא דָוִיד׃
(1) 81:91 וְאַלַף גֻברָא עִמֵיה מִשִבטָא דְבֵית בִניָמִין וְצִיבָא עוּלֵימָא דְבֵית שָאוּל וַחְמֵישַת עְסַר בְנוֹהִי וְעַסרִין עַבדוֹהִי עִמֵיה וְגַזוּ יַרדְנָא קְֹדָם מַלכָא׃
(1) 91:91 וְאַעבַרוּ מְגָזָתָא לְאַעבָרָא יָת בֵית מַלכָא וֻלמַעְבַד דְתָקֵין בְעֵינוֹהִי וְשִמעִי בַר גֵרָא נְפַל קְֹדָם מַלכָא בְמִעבְרֵיה בְיַרדְנָא׃
(1) 02:91 וַאְמַר לְמַלכָא לָא יְחַשֵיב עְלַי דִילִי רִבוֹנִי חוֹבָא וְלָא תִדכַר יָת דִסרַח עַבדָך בְיוֹמָא דִגלָא רִבוֹנִי מַלכָא מִירוּשלַם לְשַוָאָה מַלכָא עַל לִבֵיה׃
(1) 12:91 אְרֵי יְדַע עַבדָך אְרֵי אְנָא חַבִית וְהָא אְתֵית יוֹמָא דֵין קַדמַי לְכָל בֵית יוֹסֵף לְמֵיחַת לְקַדָמוּת רִבוֹנִי מַלכָא׃
(1) 22:91 וַאְתֵיב אְבִישַי בַר צְרוּיָה וַאְמַר הַחְלָף דָא״דֵין#3#״ לָא יִתקְטִיל שִמעִי אְרֵי לָט יָת מְשִיחָא דַיְיָ׃
(1) 32:91 וַאְמַר דָוִיד מָא לִי וֻלכוֹן בְנֵי צְרוּיָה אְרֵי תְהוֹן לִי יוֹמָא דֵין לְסָטָן יוֹמָא דֵין יִתקְטִיל גֻברָא בְיִשׂרָאֵל אְרֵי הְלָא יָדַענָא אְרֵי יוֹמָא דֵין אְנָא מַלכָא עַל יִשׂרָאֵל׃
(1) 42:91 וַאְמַר מַלכָא לְשִמעִי לָא תְמוּת וְקַיֵים לֵיה מַלכָא׃
(1) 52:91 וֻמפִיבוֹשַת בַר שָאוּל נְחַת לְקַדָמוּת מַלכָא וְלָא שְטַף רַגלוֹהִי וְלָא סַפַר סְפָמֵיה״שׂפוותיה#3#״ וְיָת לְבוּשוֹהִי לָא חַוַר״שטף#3#״ לְמִן יוֹמָא דִגלָא מַלכָא עַד יוֹמָא דַאְתָא בִשלָמָא׃
(1) 62:91 וַהְוָה כַד אְתָא לִירוּשלַם לְקַדָמוּת מַלכָא וַאְמַר לֵיה מַלכָא לְמָא לָא אְזַלתָא עִמִי מְפִיבוֹשַת׃
(1) 72:91 וַאְמַר רִבוֹנִי מַלכָא עַבדִי שַקַר בִי אְרֵי אְמַר עַבדָך אַחשוֹק לִי חְמָרָא וְאַרכוֹב עְלַה וְאִיזֵיל״ואיהך#3#״ואֵיהֵי#3#״ עִם מַלכָא״ריבוני#3#״ אְרֵי מְחַגַר עַבדָך׃
(1) 82:91 וַאְמַר עַל עַבדָך מִלִין דְלָא כָשְרָן קְֹדָם רִבוֹנִי מַלכָא וְרִבוֹנִי מַלכָא חַכִים כְמַלאְכָא דַיְיָ וַעְבֵיד דְתָקֵין בְעֵינָך׃
(1) 92:91 אְרֵי לָא הְווֹ כָל בֵית אַבָא אְלָהֵין גֻברֵי חַיָיבֵי קְטוֹל לְרִבוֹנִי מַלכָא וְשַוִיתָא יָת עַבדָך בְאָכְלֵי פָתוּרָך וֻמָא אִית לִי עוֹד זָכוּ וֻלמִקבַל עוֹד קְֹדָם מַלכָא׃
(1) 03:91 וַאְמַר לֵיה מַלכָא לְמָא תְמַלֵיל עוֹד פִתגָמָך אְמַרִית אַת וְצִיבָא תִפלְגוּן יָת אַחסָנְתָא <ובההיא שעתא נפקת קלא ואמר׳ רחבעם וירבעם יפלגון מלכותא#3#>׃
(1) 13:91 וַאְמַר מְפִיבֹשַת לְמַלכָא אַף יָת כוֹלָא יִסַב בָתַר דַאְתָא רִבוֹנִי מַלכָא בִשלָמָא לְבֵיתֵיה׃
(1) 23:91 וֻבַרזִלַי גִלעְדָאָה נְחַת מֵרֹגְלִים וַעְבַר עִם״יָת#3#״ מַלכָא <יָת#3#> יַרדְנָא לְאַלוָיוּתֵיה״לְלַוָיוּתֵיה#3#״ יָת יַרדְנָא׃
(1) 33:91 וֻבַרזִלַי סִיב לַחדָא בַר תְמָנַן שְנִין וְהוּא סוֹבַר יָת מַלכָא בְמִתְבֵיה בְמַחְנַיִם אְרֵי גְבַר רָב הוּא לַחדָא׃
(1) 43:91 וַאְמַר מַלכָא לְבַרזִלַי אַת עְבַר עִמִי וַאְסוֹבַר יָתָך עִמִי בִירוּשלַם׃
(1) 53:91 וַאְמַר בַרזִלַי לְמַלכָא כַמָא יוֹמֵי שְנֵי חַיַי אְרֵי אַסַק עִם מַלכָא לִירוּשלַם׃
(1) 63:91 בַר תְמָנַן שְנִין אְנָא יוֹמָא דֵין הְאִדַע בֵין טָב לְבִיש אִם יִטעָם עַבדָך יָת מָא דְאֵיכוֹל וְיָת מָא דְאַשתֵי אִם אַשמַע עוֹד בְקָל \כִנָרִין וְתֻשבְחָן ״משבחין בכינרין ובתושבחן#3#״ וֻלמָא יְהֵי עַבדָך עוֹד לְמַטוּל עַל רִבוֹנִי מַלכָא׃
(1) 73:91 כִזעֵיר יִעבַר עַבדָך יָת יַרדְנָא עִם״קדם#3#״ מַלכָא וֻלמָא יְשַלְמִנַנִי מַלכָא <ית#3#> תַשלוּמְתָא הָדָא׃
(1) 83:91 יִתֵיב כְעַן עַבדָך וַאְמוּת בְקַרתִי וְאַתקְבַר בְקַברָא דְאַבָא וֻדאִמָא וְהָא עַבדָך כִמהָם יִעבַר עִם רִבוֹנִי מַלכָא וַעְבֵיד לֵיה יָת״כְמָא#3#״ דְתָקֵין בְעֵינָך׃
(1) 93:91 וַאְמַר מַלכָא עִמִי יִעבַר כִמהָם וַאְנָא אַעְבֵיד לֵיה יָת דְתָקֵין בְעֵינָך וְכָל \דְתִבעֵי מִנִי ״דתיתרעי מני#3#״דְתִירמֵי עְלַי#3#״ אַעְבֵיד לָך׃
(1) 04:91 וַעְבַר כָל עַמָא יָת יַרדְנָא וֻמַלכָא עְבַר וְנַשֵיק מַלכָא לְבַרזִלַי וֻבָרְכֵיה וְתָב לְאַתרֵיה׃
(1) 14:91 וַעְבַר מַלכָא לְגִלגָלָא וְכִמהָן עְבַר עִמֵיה וְכָל עַמָא דְבֵית יְהוּדָה אַעבַרוּ יָת מַלכָא וְאַף פַלגוּת עַמָא יִשׂרָאֵל׃
(1) 24:91 וְהָא כָל אְנָש יִשׂרָאֵל אָתַן לְוָת מַלכָא וַאְמַרוּ לְמַלכָא מָדֵין כַסְיוּך מִנַנָא אַחַנָא אְנָש יְהוּדָה וְאַעבַרוּ יָת מַלכָא וְיָת אְנָש בֵיתֵיה יָת יַרדְנָא וְכָל גֻברֵי דָוִיד עִמֵיה׃

(1) 34:91 וַאְתֵיב כָל אְנָש יְהוּדָה \עַל אְנָש ״עם אנש#3#״לַאְנָש#3#״ יִשׂרָאֵל אְרֵי קָרִיב לִי מַלכָא מִן דִילָך וֻלמָא דְנָן״דין#3#״ תְקֵיף לָך עַל פִתגָמָא הָדֵין הְמֵיכָל אְכָלנָא מִנִכסֵי מַלכָא אִם מַתְנָא מַנִי לַנָא׃

(1) 44:91 וַאְתֵיב אְנָש יִשׂרָאֵל יָת אְנָש יְהוּדָה וַאְמַר עַסרָא חוּלָקִין אִית לִי בְמַלכָא וְאַף בְדָוִיד אְנָא רְעֵינָא מִנָך וֻמָדֵין אְשֵיטתַנִי וְלָא הְוָה פִתגָמִי קַדמוּתָא לִי לְאָתָבָא יָת מַלכִי וֻתקֵיף פִתגָם אְנָש יְהוּדָה מִפִתגָם אְנָש יִשׂרָאֵל׃