The Comprehensive Aramaic Lexicon

(1) 10:81 וֻמנָא דָוִיד יָת עַמָא דְעִמֵיה וְמַנִי עְלֵיהוֹן רַבָנֵי אַלפֵי וְרַבָנֵי מָאְוָתָא׃
(1) 20:81 וְשַלַח דָוִיד יָת עַמָא תַלתָא בְיַד יוֹאָב וְתַלתָא בְיַד אְבִישִי בַר צְרוּיָה אְחוּהִי דְיוֹאָב וְתַלתָא בְיַד אִיתַי גִתָאָה וַאְמַר מַלכָא לְעַמָא מִפָק אַפוֹק אַף אְנָא עִמְכוֹן׃
(1) 30:81 וַאְמַר עַמָא לָא תִפוֹק אְרֵי אִם מִערָק נִערוֹק לָא יְשַווֹן עְלַנָא לֵב וְאִם יִתקַטלוּן פַלגַנָא לָא יְשַווֹן עְלַנָא לֵב אְרֵי כְעַן אַת יָכֵיל לְמִסעַד כְוָתַנָא עַסרָא״כעשרא#3#״ אַלפִין וֻכעַן טָב אְרֵי תְצַלֵי עְלַנָא מִקַרתָא לְמִסעַד׃
(1) 40:81 וַאְמַר לְהוֹן מַלכָא דְתָקֵין בְעֵינֵיכוֹן אַעְבֵיד וְקָם מַלכָא עַל כֵיבַש אוֹרַח תַרעָא וְכָל עַמָא נְפַקוּ לְמָאוָן וֻלאַלפִין׃
(1) 50:81 וֻפַקֵיד מַלכָא יָת יוֹאָב וְיָת אְבִישַי וְיָת אִיתַי לְמֵימַר אִסתְמַרוּ לִי בְעוּלֵימָא בְאַבשָלוֹם וְכָל עַמָא שְמַעוּ כַד פַקֵיד מַלכָא יָת כָל רַברְבַיָא עַל עֵיסַק אַבשָלוֹם׃
(1) 60:81 וֻנפַק עַמָא לְחַקלָא לְקַדָמוּת יִשׂרָאֵל וַהְוָה קְרָבָא בְחוֹרשָא דְבֵית אַפרָיִם׃
(1) 70:81 וְאִתְבַרוּ תַמָן עַמָא יִשׂרָאֵל קְֹדָם עַבדֵי דָוִיד וַהְוָת תַמָן מַחְתָא רַבְתָא בְיוֹמָא הַהוּא עַסרִין אַלפִין׃
(1) 80:81 וַהְווֹ תַמָן עָבְדֵי קְרָבָא מִתבַדְרִין עַל אַפֵי כָל אַרעָא וְאַסגִיאַת חַיַת חוּרשָא לְקַטָלָא בְעַמָא מִדְקַטֵילַת חַרבָא בְיוֹמָא הַהוּא׃
(1) 90:81 וְאִתעָרַע אַבשָלוֹם קְֹדָם עַבדֵי דָוִיד וְאַבשָלוֹם רָכֵיב עַל כוֹדַנתָא וְעַלַת כוֹדַנתָא תְחוֹת״לִתחוֹת#3#״ סוֹכָא דְבוּטמָא רַבְתָא וְאִתאְחַד רֵישֵיה בְבוּטמָא וְאִתְלִי בֵין שְמַיָא וֻבֵין אַרעָא וְכוֹדַנתָא דִתחוֹתוֹהִי עְבַרַת׃
(1) 01:81 וַחְזָא גֻברָא חַד וְחַוִי לְיוֹאָב וַאְמַר הָא חְזֵיתִי יָת אַבשָלוֹם תְלִי״תלוי#3#״ בְבוּטמָא׃
(1) 11:81 וַאְמַר יוֹאָב לְגֻברָא דִמחַוֵי לֵיה וְהָא חְזֵיתָא וֻמָדֵין לָא מְחֵיתָהִי תַמָן וֻרמֵיתָהִי לְאַרעָא וַעְלַי פוֹן לְמִתַן לָך עְסַר סִלעִין דִכסַף וְאִספָנִיקֵי חְדָא׃
(1) 21:81 וַאְמַר גֻברָא לְיוֹאָב וְאִלוּ״וְלוּ#3#״וְלָא#3#״ אְנָא תָקֵיל עַל יְדַי״כַפַי#3#״ אַלַף סִלעִין דִכסַף לָא אוֹשֵיט יְדִי בְבַר מַלכָא אְרֵי קְֹדָמַנָא פַקֵיד מַלכָא יָתָך וְיָת אְבִישִי וְיָת אִיתַי לְמֵימַר אִסתְמַרוּ לִי בְעוּלֵימָא בְאַבשָלוֹם׃
(1) 31:81 אוֹ <פוֹן#3#> עְבַדִית <פוֹן#3#> בְנַפשִי שִקרָא וְכָל מִדָעַם לָא יִתכַסַא מִן מַלכָא וְאַת תִתעַתַד מִקְֹבֵיל׃
(1) 41:81 וַאְמַר יוֹאָב הְלָא מִבְכֵין אְנָא אְשָרֵי קְֹדָמָך וֻנסֵיב תְלָתָא גִססִין״לונכיין#3#״ בִידֵיה וֻקבַעִנוּן בְלִבָא דְאַבשָלוֹם עַד כְעַן קַיָים בְגוֹ בוּטמָא׃
(1) 51:81 ואִסתְחַרוּ עַסרָא עוֹלֵימִין נָטְלֵי זֵינֵיה דְיוֹאָב וֻמחוֹ יָת אַבשָלוֹם וְקַטלוּהִי׃
(1) 61:81 וֻתקַע יוֹאָב בְשוֹפָרָא וְתָב עַמָא מִלְמִרדַף בָתַר יִשׂרָאֵל אְרֵי זְעַר״מְנַע#3#״ יוֹאָב יָת עַמָא׃
(1) 71:81 וֻנסִיבוּ יָת אַבשָלוֹם וֻרמוֹ יָתֵיה בְחוּרשָא לְגוֹ כוּמצָא רַבָא וַאְקִימוּ עְלוֹהִי דְגוֹר אַבנִין רַב לַחדָא וְכָל יִשׂרָאֵל אְפַכוּ גְבַר לְקִרווֹהִי׃
(1) 81:81 וְאַבשָלוֹם נְסֵיב וַאְקֵים לֵיה בְחַיוֹהִי יָת קָמְתָא דִבמֵישַר מַלכָא אְרֵי אְמַר לֵית לִי בַר קַיָים בְדִיל לְאַדכָרָא <ית#3#> שְמִי וֻקרָא לְקָמְתָא עַל שְמֵיה וְאִתקְרִי לַה אַתרָא דְאַבשָלוֹם עַד יוֹמָא הָדֵין׃
(1) 91:81 וַאְחִימַעַץ בַר צָדוֹק אְמַר אַרהוֹט כְעַן וַאְבַסַר יָת מַלכָא אְרֵי אִתפְרַע לֵיה יְיָ מִיַד <כל#3#> בַעְלֵי דְבָבוֹהִי׃
(1) 02:81 וַאְמַר לֵיה יוֹאָב לָא גְבַר כָשַר <את#3#> לְבַסָרָא אַת״ית#3#״ יוֹמָא״ביומא#3#״ הָדֵין וֻתבַסַר בְיוֹם אָחְֹרָן וְיוֹמָא הָדֵין לָא תְבַסַר אְלָהֵין דְבַר מַלכָא מִית׃
(1) 12:81 וַאְמַר יוֹאָב לְכוּשִי אִיזֵיל חַוִי לְמַלכָא <מָא#3#> דַחְזֵיתָא וֻסגֵיד כוּשִי לְיוֹאָב וֻרהַט׃
(1) 22:81 וְאוֹסֵיף עוֹד אְחִימַעַץ בַר צָדוֹק וַאְמַר לְיוֹאָב וִיהֵי מָא״נא#3#״ אַרהוֹט כְעַן אַף אְנָא בָתַר כוּשִי וַאְמַר יוֹאָב לְמָא דְנָן אַת רָהֵיט בְרִי וְלָך לֵית בְסוֹרָא מִתיַהבָא׃
(1) 32:81 וִיהֵי מָא בִכדֵין״#2#״ אַרהוֹט וַאְמַר לֵיה רְהוֹט וֻרהַט אְחִימַעַץ בְאוֹרַח״מאורח#3#״ מֵישְרָא וֻקדֵים יָת כוּשִי׃
(1) 42:81 וְדָוִיד יָתֵיב בֵין תְרֵין תַרעַיָא וְהַלֵיך סָכוֹאָה עַל אִיגָר תַרעָא עַל שוּרָא וֻזקַף יָת עֵינוֹהִי וַחְזָא וְהָא גֻברָא רָהֵיט בִלחוֹדוֹהִי׃
(1) 52:81 וֻקרָא סָכוֹאָה וְחַוִי לְמַלכָא וַאְמַר מַלכָא אִם בִלחוֹדוֹהִי הוּא בְסוֹרְתָא בְפוּמֵיה וַאְזַל מֵיזָל וְקָרֵיב׃

(1) 62:81 וַחְזָא סָכוֹאָה גֻברָא אֻחרָנָא רָהֵיט וֻקרָא סָכוּאָה לְנָטַר תַרעָא״קרתא#3#״ וַאְמַר הָא גֻברָא <אוחרן#3#> רָהֵיט בִלחוֹדוֹהִי וַאְמַר מַלכָא אַף דֵין מְבַסַר׃

(1) 72:81 וַאְמַר סָכוֹאָה אְנָא חָזֵי יָת רַהטָא דְקַדמָאָה כְרַהטָא דַאְחִימַעַץ בַר צָדוֹק וַאְמַר מַלכָא גְבַר טָב דֵין וְאַף בְסוֹרָא טָבָא יַיתֵי׃
(1) 82:81 וֻקרָא אְחִימַעַץ וַאְמַר לְמַלכָא שְלָם וֻסגֵיד לְמַלכָא עַל אַפוֹהִי עַל אַרעָא וַאְמַר בְרִיך יְיָ אְלָהָך דִמסַר יָת גֻברַיָא דַאְרִימוּ יָת יַדהוֹן בְרִבוֹנִי מַלכָא׃
(1) 92:81 וַאְמַר מַלכָא שְלָם לְעוּלֵימָא לְאַבשָלוֹם וַאְמַר אְחִימַעַץ חְזֵיתִי הָמוֹנָא סַגִיאָה בָתַר דִשלַח <יָת#3#> עַבדָא דְמַלכָא יוֹאָב יָת עַבדָך וְלָא יְדַעִית מָא׃
(1) 03:81 וַאְמַר מַלכָא אִסתְחַר אִתעַתַד כְדֵין״הָכָא#3#״בדין#3#״ וְאִסתְחַר וְקָם׃
(1) 13:81 וְהָא כוּשִי אְתָא וַאְמַר כוּשִי יִתבַסַר רִבוֹנִי מַלכָא אְרֵי אִתפְרַע לָך יְיָ יוֹמָא דֵין מִיַד כָל דְקָמוּ עְלָך׃
(1) 23:81 וַאְמַר מַלכָא לְכוּשִי הַשְלָם לְעוּלֵימָא לְאַבשָלוֹם וַאְמַר כוּשִי יְהוֹן כְעוּלֵימָא סָנְאֵי רִבוֹנִי מַלכָא וְכָל דְקָמוּ עְלָך לְבִישָא׃