The Comprehensive Aramaic Lexicon

(1) 10:61 וְדָוִיד עְבַר זְעֵיר מֵרֵיש טוּרָא וְהָא צִיבָא עוּלֵימָא דִמפִיבוֹשַת לְקַדָמוּתֵיה וְזוֹג חְמָרִין חַשִיקִין וַעְלֵיהוֹן מָאתַן גְרִיצָן דִלחֵים וֻמאָה אַתכָלִין דְעִנבִין יַבִישִין וֻמְאָה מָנָן דְבֵילְתָא וֻגרָב דַחְמַר׃
(1) 20:61 וַאְמַר מַלכָא לְצִיבָא מָא״מן#3#״ אִלֵין לָך וַאְמַר צִיבָא חְמָרַיָא לְבֵית מַלכָא לְמִרכַב וְלַחמָא וֻדבֵילְתָא לְמֵיכַל עוּלֵימַיָא וְחַמרָא לְמִשתֵי דִמשַלהֵי בְמַדבְרָא׃
(1) 30:61 וַאְמַר מַלכָא וְאָן בַר רִבוֹנָך וַאְמַר צִיבָא לְמַלכָא הָא יָתֵיב בִירוּשלַם אְרֵי אְמַר יוֹמָא דֵין יָתִיבוּן לִי בֵית יִשׂרָאֵל יָת מַלכוּתָא דְאַבָא׃
(1) 40:61 וַאְמַר מַלכָא לְצִיבָא הָא לָך כָל דְלִמפִיבוֹשַת וַאְמַר צִיבָא מוֹדִינָא אַשכַח רַחְמִין בְעֵינָך רִבוֹנִי מַלכָא׃
(1) 50:61 וְאְתָא מַלכָא דָוִיד עַד עָלְמַת וְהָא מִתַמָן גֻברָא נָפֵיק מִזַרעִית \בֵית שָאוּל ״בנימן#3#״ וֻשמֵיה שִמעִי בַר גֵרָא \אָזֵיל מֵיזָל ״נָפֵק מִפָק#3#״ וֻמלָטֵיט׃
(1) 60:61 וֻמרַגֵים בְאַבנַיָא יָת דָוִיד וְיָת כָל עַבדֵי מַלכָא דָוִיד וְכָל עַמָא וְכָל גִבָרַיָא מִיַמִינֵיה וֻמִסְמָלֵיה׃
(1) 70:61 וֻכדֵין אְמַר שִמעִי בְלָטָטוּתֵיה פוֹק פוֹק גְבַר חַיָיב קְטוֹל וֻגבַר רַשִיעַ׃
(1) 80:61 אַתֵיב עְלָך יְיָ כָל <דמי#3#> חוֹבֵי בֵית שָאוּל דִמלַכתָא תְחוֹתוֹהִי וְאַצלַח״וִיהַב#3#״ יְיָ יָת מַלכוּתָא בִידָא דְאַבשָלוֹם בְרָך וְהָא אַת בְבִשתָך אְרֵי גְבַר חַיָיב קְטוֹל אַת׃
(1) 90:61 וַאְמַר אְבִישַי בַר צְרוּיָה לְמַלכָא לְמָא יְלָטֵיט כַלבָא מִיתָא הָדֵין יָת רִבוֹנִי מַלכָא אַעבַר כְעַן וְאַעדֵי יָת רֵישֵיה׃
(1) 01:61 וַאְמַר מַלכָא מָא״מן#3#״ לִי וֻלכוֹן בְנֵי צְרוּיָה כְדֵין יְלָטֵיט אְרֵי יְיָ אְמַר לֵיה לָטֵיט יָת דָוִיד וֻמַן יֵימַר מָדֵין עְבַדתָא כֵין׃
(1) 11:61 וַאְמַר דָוִיד לְאַבִישַי וֻלכָל עַבדוֹהִי הָא בְרִי דְאוֹלֵידִית בָעֵי לְמִקטְלִי וְאַף אְרֵי כְעַן בַר שֵיבַט בִניָמִין שְבוּקוּ מִנֵיה״לֵיה#3#״ וִילָטֵיט אְרֵי אְמַר לֵיה יְיָ׃
(1) 21:61 מָא אִם גַליָא קְֹדָם יְיָ דִמעַת עֵינִי וְיָתֵיב יְיָ לִי טָבְתָא חְלָף לוֹטְתֵיה יוֹמָא הָדֵין׃
(1) 31:61 וַאְזַל דָוִיד וְגֻברוֹהִי בְאוֹרחָא וְשִמעִי אָזֵיל בִסטַר טוּרָא לְקִבלֵיה אָזֵיל וֻמלָטֵיט וֻמרַגֵים בְאַבנַיָא לְקִבלֵיה וֻמַשדֵי עַפרָא״בעפרא#3#״׃

(1) 41:61 וַאְתָא מַלכָא וְכָל עַמָא דְעִמֵיה כַד מְשַלהַן וְנָח״וֻבָת#3#״ תַמָן׃

(1) 51:61 וְאַבשָלוֹם וְכָל עַמָא אְנָש יִשׂרָאֵל אַתוֹ לִירוּשלַם וַאְחִיתוֹפַל עִמֵיה׃
(1) 61:61 וַהְוָה כַד אְתָא חוּשַי אַרכָאָה שוֹשְבִינָא דְדָוִיד לְוָת אַבשָלוֹם וַאְמַר חוּשַי לְאַבשָלוֹם יַצלַח מַלכָא יַצלַח מַלכָא׃
(1) 71:61 וַאְמַר אַבשָלוֹם לְחוּשַי דָא טֵיבוּתָך דְעִם חַברָך לְמָא לָא אְזַלתָא עִם חַברָך׃
(1) 81:61 וַאְמַר חוּשַי לְאַבשָלוֹם לָא אְלָהֵין דְאִתרְעִי יְיָ וְעַמָא הָדֵין וְכָל אְנָש יִשׂרָאֵל דִילֵיה אְהֵי וְעִמֵיה אַתֵיב׃
(1) 91:61 וְתִניָנוּת קְֹדָם מַן אְנָא אַפלַח הְלָא קְֹדָם בְרֵיה כְמָא דִפלַחִית קְֹדָם אְבוּך כֵין אֵיהֵי פָלַח קְֹדָמָך׃
(1) 02:61 וַאְמַר אַבשָלוֹם לַאְחִיתוֹפַל הַבוּ לְכוֹן מִלכָא מָא נַעְבֵיד׃
(1) 12:61 וַאְמַר אְחִיתוֹפַל לְאַבשָלוֹם עוֹל לְוָת לְחֵינְתָא דַאְבוּך״דִלאְבוּך#3#״ דִשבַק לְמִטַר בֵיתָא וְיִשמְעוּן כָל יִשׂרָאֵל אְרֵי אִתגָרִיתָא בַאְבוּך וְיִתקְפוּן יְדֵי כָל דְעִמָך׃
(1) 22:61 וֻנגַדוּ״ויטו#3#״ לְאַבשָלוֹם קָנוֹפִין״קִטפִין#3#״ עַל אִגָרָא וְעָל אַבשָלוֹם <ית#3#> לְוָת לְחֵינָתָא דַאְבוּהִי לְעֵינֵי כָל יִשׂרָאֵל׃
(1) 32:61 וֻמִלכָא דַאְחִיתוֹפַל דְמָלֵיך \בְיוֹמַיָא הָאִנוּן ״בעידנא ההיא#3#״ כְמָא דְשָאֵיל גֻברָא בְפִתגָמָא״במימרא#3#״ דַיְיָ כֵין כָל מִלכָא דַאְחִיתוֹפַל אַף לְדָוִיד אַף לְאַבשָלוֹם׃