The Comprehensive Aramaic Lexicon

(1) 10:11 וַהְוָה לִזמַן סוֹפַה דְשַתָא לְעִדָן מִפָק מַלכַיָא וֻשלַח דָוִיד יָת יוֹאָב וְיָת עַבדוֹהִי עִמֵיה וְיָת כָל יִשׂרָאֵל וְחַבִילוּ יָת בְנֵי עַמוֹן וְצָרוּ עַל רַבָה וְדָוִיד יָתֵיב בִירוּשלָם׃
(1) 20:11 וַהְוָה לְעִדָן רַמשָא וְקָם דָוִיד מֵיעַל שִיוָיֵיה וְהַלֵיך עַל אִגַר בֵית מַלכָא וַחזָא אִתְתָא מִשתַטְפָא מֵעַל״מעילווי#3#״ אִגָרָא וְאִתְתָא שַפִירַת חֵיזוּ לַחדָא׃
(1) 30:11 וֻשלַח דָוִיד וֻשאֵיל בְאִתְתָא״לְאִתְתָא#3#״ וַאְמַר הְלָא דָא בַת שַבַע בַת אְלִיעָם אִתַת אוּרִיָה חִתָאָה׃
(1) 40:11 וֻשלַח דָוִיד אִזגַדִין וְדַברַה וַאְתָת לְוָתֵיה וֻשכֵיב עִמַה וְהִיא מִתדַכְיָא מִסְאוֹבְתַה וְתַבַת לְבֵיתַה׃
(1) 50:11 וְעַדִיאַת אִתְתָא וֻשלַחַת וְחַוִיאַת לְדָוִיד וַאְמַרַת מְעַדְיָא אְנָא׃
(1) 60:11 וֻשלַח דָוִיד \לְוָת יוֹאָב ״ליואב#3#״ שַדַר״שלח#3#״ לִי״לְוָתִי#3#״ יָת אוּרִיָה חִתָאָה וְשַדַר יוֹאָב יָת אוּרִיָה \לְוָת דָוִיד ״לדוד#3#״׃
(1) 70:11 וַאְתָא אוּרִיָה לְוָתֵיה וֻשאֵיל <ליה#3#> דָוִיד לִשלָם יוֹאָב וֻלִשלָם עַמָא וֻלִשלָם עָבְדֵי קְרָבָא׃
(1) 80:11 וַאְמַר דָוִיד לְאוּרִיָה חוֹת לְבֵיתָך וֻשטוֹף רַגלָך וֻנפַק אוּרִיָה מִבֵית מַלכָא וֻנפַקַת בָתְרוֹהִי סְעוֹדְתָא דְמַלכָא׃
(1) 90:11 וֻשכֵיב אוּרִיָה בִתרַע בֵית מַלכָא עִם כָל עַבדֵי רִבוֹנֵיה וְלָא נְחַת לְבֵיתֵיה׃
(1) 01:11 וְחַויִאוּ לְדָוִיד לְמֵימַר לָא נְחַת אוּרִיָה לְבֵיתֵיה וַאְמַר דָוִיד לְאוּרִיָה הְלָא מֵאוֹרחָא אַת אָתֵי מָדֵין לָא נְחַתתָא לְבֵיתָך׃
(1) 11:11 וַאְמַר אוּרִיָה לְדָוִיד אְרוֹנָא <דייי#3#> וְיִשׂרָאֵל וִיְהוּדָה יָתְבִין בִמטַלַיָא וִרִבוֹנִי יוֹאָב וְעַבדֵי רִבוֹנִי עַל אַפֵי בָרָא״חַקלָא#3#״ שָרַן וַאְנָא אֵיעוֹל לְבֵיתִי לְמֵיכַל וֻלמִשתֵי וֻלמִשכַב עִם אִתְתִי חַיָיך וְחַיֵי נַפשָך אִם אַעְבֵיד יָת פִתגָמָא הָדֵין׃
(1) 21:11 וַאְמַר דָוִיד לְאוּרִיָה תִיב הָכָא אַף יוֹמָא דֵין וֻמחַר אְשַלְחִנָך וִיתֵיב אוּרִיָה בִירוּשלַם בְיוֹמָא הַהוּא וֻביוֹמָא״ומיומא#3#״ דְבָתְרוֹהִי׃
(1) 31:11 וֻקרָא לֵיה דָוִיד וַאְכַל קְֹדָמוהִי וֻשתִי וְרַוְיֵיה וֻנפַק בְרַמשָא לְמִשכַב בְשִיוָיֵיה״בְמִשכְבֵיה#3#״ עִם עַבדֵי רִבוֹנֵיה וֻלבֵיתֵיה לָא נְחַת׃
(1) 41:11 וַהְוָה בְצַפרָא וֻכתַב דָוִיד אִגַרתָא \לְוָת יוֹאָב ״ליואב#3#״ וְשַדַר בְיַד אוּרִיָה׃
(1) 51:11 וֻכתַב בְאִגַרתָא״בספרא#3#״ לְמֵימַר הַבוּ יָת אוּרִיָה לָקְֹבֵיל אַפֵי קְרָבָא תַקִיפָא וֻתתוּבוּן מִבָתְרוֹהִי וְיִתמְחֵי וִימוּת׃
(1) 61:11 וַהְוָה כַד צָר יוֹאָב עַל קַרתָא וִיהַב יָת אוּרִיָה לְאַתרָא דִידַע אְרֵי גֻברִין גִבָרִין תַמָן׃
(1) 71:11 וֻנפַקוּ אְנָשֵי קַרתָא וַאְגִיחוּ קְרָבָא עִם יוֹאָב וְאִתְקטִיל״ונפל#3#״ מִן עַמָא מֵעַבדֵי דָוִיד וֻמִית אַף אוּרִיָה חִתָאָה׃
(1) 81:11 וֻשלַח יוֹאָב וְחַוִי לְדָוִיד יָת כָל עִסקֵי קְרָבָא׃
(1) 91:11 וֻפַקֵיד יָת אִזגַדָא לְמֵימַר כְשֵיצָיוּתָך יָת כָל עִסקֵי קְרָבָא לְמַלָלָא עִם מַלכָא׃
(1) 02:11 וִיהֵי אִם יִדלַק רוגזָא דְמַלכָא וְיֵימַר לָך מָדֵין אִתקָרַבתוּן לְקַרתָא לְאָגָחָא הְלָא יְדַעתוּן יָת דְיִרמוֹן עְלֵיכוֹן מִן שוּרָא׃
(1) 12:11 מַן קְטַל יָת אְבִימַלַך בַר יְרֻבַשַת הְלָא אִתְתָא רְמָת עְלוֹהִי פַלגוּת רְכַב רְחֵי מִן״מעילוי#3#״ שוּרָא וֻמִית בְתֵבֵץ לְמָא״למה#3#״ אִתקָרַבתוּן לְשוּרָא וְתֵימַר אַף עַבדָך אוּרִיָה חִתָאָה מִית׃
(1) 22:11 וַאְזַל אִזגַדָא וַאְתָא וְחַוִי לְדָוִיד יָת כָל דְשַלחֵיה יוֹאָב׃
(1) 32:11 וַאְמַר אִזגַדָא לְדָוִיד אְרֵי תְקִיפוּ עְלַנָא״לְוָתַנָא#3#״ גֻברַיָא וֻנפַקוּ עְלַנָא לְחַקלָא״בחקלא#3#״ וַהְוֵינָא טָרְדִין לְהוֹן״לְדָוִד#3#״ עַד מַעְלַנָא דְתַרעָא׃

(1) 42:11 וֻשדוֹ קַשָתַיָא בְעַבדָך״לעבדך#3#״ מֵעַל שוּרָא וְאִתקְטַלוּ״ומיתו#3#״ מֵעַבדֵי מַלכָא וְאַף עַבדָך אוּרִיָה חִתָאָה מִית׃

(1) 52:11 וַאְמַר דָוִיד לְאִזגַדָא כְדֵין״כדנן#3#״ תֵימַר לְיוֹאָב לָא יִבאַש בְעֵינָך יָת פִתגָמָא הָדֵין אְרֵי כְדֵין וֻכדֵין תִקטוֹל חַרבָא אַתקֵיף קְרָבָך עַל קַרתָא וֻפַגְרַה וְתַקֵיפהִי׃
(1) 62:11 וֻשמַעַת אִתַת אוּרִיָה אְרֵי מִית אוּרִיָה בַעלַה וֻספַדַת עַל בַעלַה׃
(1) 72:11 וַעְבַר אַבלָא וֻשלַח דָוִיד וְכַנשַה לְבֵיתֵיה וַהְוָת לֵיה לְאִתוּ וִילֵידַת לֵיה בַר וֻבאֵיש פִתגָמָא דַעְבַד דָוִיד קְֹדָם״בעיני#3#״ יְיָ׃