The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:60 וְאוֹסֵיף עוֹד דָוִיד לְמִכנַש יָת כָל בְחִירֵי יִשׂרָאֵל תְלָתִין אַלפִין׃
(1) 20:60 וְקָם וַאְזַל דָוִיד וְכָל עַמָא דְעִמֵיה מִקִרוַיָא דְבֵית יְהוּדָה לְאַסָקָא מִתָמַן יָת אְרוֹנָא דַיְיָ דְאִתקְרִי שְמָא שְמָא דַיְיָ צְבָאוֹת דִשכְינְתֵיה שָריָא עֵיל מִן כְרוּבַיָא עְלוֹהִי׃
(1) 30:60 וַאְחִיתוּ יָת אְרוֹנָא דַיְיָ בַעְגַלתָא חְדַתָא וְנַטלוּהִי מִבֵית אְבִינָדָב דִבגִבעְתָא וְעֻזָא וְאַחיוֹ בְנֵי אְבִינָדָב מְדַבְרִין יָת עְגַלתָא חְדַתָא׃
(1) 40:60 וְנַטלוּהִי מִבֵית אְבִינָדָב דִבגִבעְתָא אָתַן עִם אְרוֹנָא דַיְיָ וְאַחיוֹ אָזֵיל קְֹדָם אְרוֹנָא׃
(1) 50:60 וְדָוִיד וְכָל בֵית יִשׂרָאֵל מְשַבְחִין קְֹדָם יְיָ בְכָל אָעֵי בִירָוָון וֻבכִנָרִין וֻבנִבלִין וֻבתֻפִין ובִרבִיעִין וֻבצַלצְלִין׃
(1) 60:60 וַאְתוֹ עַד אְתַר מְתֻקַן וְאוֹשֵיט״ושלח#3#״ עֻזָא <יָת#3#> יְדֵיה בַאְרוֹנָא דַיְיָ וַאְחַד בֵיה אְרֵי מַרגוּהִי תוֹרַיָא׃
(1) 70:60 וֻתקֵיף רֻגזָא דַיְיָ בְעֻזָא וֻמחָהִי תַמָן מֵימְרָא דַיְיָ עַל דְאִשתְלִי וֻמִית תַמָן עִם אְרוֹנָא דַיְיָ׃
(1) 80:60 וֻתקֵיף לְדָוִיד עַל דִתרַע יְיָ תִרעְתָא בְעֻזָא וֻקרָא לְאַתרָא״באתרא#3#״ הַהוּא אַתרָא דְמִית בֵיה עֻזָא עַד יוֹמָא הָדֵין׃
(1) 90:60 וֻדחֵיל דָוִיד מִן קְֹדָם״ית#3#״ יְיָ בְיוֹמָא הַהוּא וַאְמַר אֵיכְדֵין יֵיעוֹל לְוָתִי אְרוֹנָא דַיְיָ׃
(1) 01:60 וְלָא אְבָא דָוִד לְאַפנָאָה לְוָתֵיה יָת אְרוֹנָא דַיְיָ לְקַרתָא דְדָוִיד וְאַפנְיֵיה דָוִיד לְבֵית עֹבֵד אְדוֹם״אדומאה#3#״ גִתָאָה׃
(1) 11:60 וֻשרָא אְרוֹנָא דַיְיָ בֵית״בבית#3#״ עֹבֵד אְדוֹם״אדומאה#3#״ גִתָאָה תְלָתָה יַרחִין וֻבָרֵיך יְיָ יָת <בֵית#3#> עֹבֵד אְדוֹם״אדומאה#3#״ וְיָת כָל בֵיתֵיה׃
(1) 21:60 וְאִתחַוַה לְמַלכָא דָוִיד לְמֵימַר בָרֵיך יְיָ יָת בֵית עֹבֵד אְדוֹם״אדומאה#3#״ וְיָת כָל דְלֵיה בְדִיל אְרוֹנָא דַיְיָ וַאְזַל דָוִיד וְאַסֵיק יָת אְרוֹנָא דַיְיָ מִבֵית עֹבֵד אְדוֹם״אדומאה#3#״ לְקַרתָא דְדָוִיד בְחַדוָא׃
(1) 31:60 וַהְוָה כַד נְטַלוּ נָטְלֵי אְרוֹנָא דַיְיָ שִתָא זוֹגִין״דרגין#3#״ וֻנכַס תוֹר וֻפַטִים׃
(1) 41:60 וְדָוִיד מְשַבַח בְכָל תְקוֹף קְֹדָם יְיָ וְדָוִיד אְסִיר כַרדוֹט דְבוּץ׃
(1) 51:60 וְדָוִיד וְכָל בֵית יִשׂרָאֵל מַסְקִין יָת אְרוֹנָא דַיְיָ בְיַבָבָא וֻבקָל שוּפָרָא׃
(1) 61:60 וַהְוָה אְרוֹנָא דַיְיָ אְתָא לְקַרתָא דְדָוִיד וֻמִיכַל בַת שָאוּל אִסתַכִיְיָאַת מִן חְרַכָא וַחְזָת יָת מַלכָא דָוִיד מְרַקֵיד וֻמשַבַח קְֹדָם יְיָ וֻבַסַרַת עְלוֹהִי״ליה#3#״ בְלִבַה׃
(1) 71:60 וַאְעִילוּ״וְאֵיתִיאוּ#3#״ יָת אְרוֹנָא דַיְיָ וַאְקִימוּ יָתֵיה בְאַתרֵיה בְגוֹ מַשכְנָא דִפרַס לֵיה דָוִיד וְאַסֵיק דָוִיד עְלָוָן קְֹדָם יְיָ וְנִכסַת קוּדשִין׃
(1) 81:60 וְשֵיצִי דָוִיד מִלאַסָקָא עְלָתָא וְנִכסַת קֻדשַיָא וֻבָרֵך יָת עַמָא בִשמָא דַיְיָ צְבָאוֹת׃
(1) 91:60 וֻפַלֵיג לְכָל עַמָא לְכָל הְמוֹנָא דְיִשׂרָאֵל לְמִגְבַר וְעַד אִתָא לִגבַר גְרִיצְתָא דִלחֵים חְדָא \וֻפלוֹג חַד ״חד מן שיתא בתורא וחד מן שיתא בהינא דחמרא#3#״ וֻמָנְתָא חְדָא וַאְזַל כָל עַמָא גְבַר לְבֵיתֵיה׃
(1) 02:60 וְתָב דָוִיד לְבָרָכָא יָת אְנָש בֵיתֵיה וֻנפַקַת מִיכַל בַת שָאוּל לְקַדָמוּת דָוִיד וַאְמַרַת מָא אִתיַקַר יוֹמָא דֵין מַלכָא דְיִשׂרָאֵל דְאִתגְלִי יוֹמָא דֵין לְעֵינֵי אַמהָת עַבדוֹהִי כְמָא דְחָלֵיץ וֻמִתגְלֵי חַד מִן סְרִיקַיָא׃

(1) 12:60 וַאְמַר דָוִיד לְמִיכַל קְֹדָם יְיָ דְאִתרְעִי בִי מֵאְבוּך וֻמִכָל בֵיתֵיה לְפַקָדָא״למנאה#3#״ יָתִי לְמִהוֵי מַלכָא עַל עַמָא דַיְיָ עַל יִשׂרָאֵל וְשַבַחִית קְֹדָם יְיָ׃

(1) 22:60 וֻזעֵירנָא עוֹד מִדָא״מיכא#3#״ וְאֵיהֵי מַכִיך בְעֵינֵי נַפשִי מִבְכֵין וְעִם אַמהָתָא דְאַת אָמְרָא בְעֵינֵיהוֹן אֵהֵי יַקִיר׃
(1) 32:60 וֻלמִיכַל בַת שָאוּל לָא הְוָה לַה וְלַד עַד יוֹם מוֹתַה <ברם ביום מותה הוה לה בר ושמיה יתרעם#3#>׃