The Comprehensive Aramaic Lexicon

(1) 10:30 וַהְוָה קְרָבָא תַקִיף״אריכא#3#״ בֵין בֵית שָאוּל וֻבֵין בֵית דָוִד וֻבֵית דָוִד אָזְלִין וְתָקְפִין וֻבֵית שָאוּל אָזְלִין וֻמָאְכִין׃
(1) 20:30 וְאִתיְלִידוּ לְדָוִיד בְנִין בְחַברוֹן וַהְוָה בוּכרֵיה אַמנוֹן לַאְחִינֹעַם דְמִיִזרְעַאל׃
(1) 30:30 וְתִניָנֵיה כִלאָב <בר#3#> לַאְבִיגַיִל אִתַת נָבָל דְמִכַרמְלָא וֻתלִיתָאָה אַבשָלוֹם״לאבשלום#3#״שלום#3#״ בַר מַעְכָה בַת תַלמַי מַלכָא דִגשוּר׃
(1) 40:30 וֻרבִיעָאָה אְדֹנִיָה בַר חַגִית וַחְמִישָאָה שְפַטיָה בַר אְבִיטָל׃
(1) 50:30 וֻשתִיתָאָה יִתרְעָם לעַגלָה״למיכל איתת דוד#3#״ אִתַת דָוִיד אִלֵין אִתיְלִידוּ לְדָוִיד בְחַברוֹן׃
(1) 60:30 וַהְוָה כַד הְוָה קְרָבָא בֵין בֵית שָאוּל וֻבֵין בֵית דָוִיד וְאַבנֵר הְוָה מִתַקַף בְבֵית שָאוּל׃
(1) 70:30 וֻלשָאוּל לְחֵינְתָא וֻשמַה רִצפָה בַת אַיָה וַאְמַר <איש בשת#3#> לְאַבנֵר מָדֵין עַלתָא לְוָת לְחֵינְתָא דְאַבָא׃
(1) 80:30 וֻתקֵיף לְאַבנֵר לַחדָא עַל פִתגָמֵי אִיש בֹשַת וַאְמַר הְלָא רֵישָא <דְכַלבָא#3#> אְנָא מִכְעַן הְוֵיתִי גְבַר הִדיוֹט לִשאָרָא דְבֵית יְהוּדָה יוֹמָא דֵין אַעְבֵיד טֵיבוּ עִם בֵית שָאוּל אְבוּך עִם״עַל#3#״ אְחוֹהִי וְעִם״וְעַל#3#״ רָחְמוֹהִי וְלָא מְסַרתָך בִידָא דְדָוִיד וֻמִכְעַן אַת מַסעַר עְלַי חוֹב אִתְתָא יוֹמָא דֵין׃
(1) 90:30 כְדֵין יַעְבֵיד יְיָ לְאַבנֵר וֻכדֵין יוֹסִיף לֵיה אְרֵי כְמָא דְקַיֵים יְיָ לְדָוִיד אְרֵי כֵין״כְדֵין#3#״ אַעְבֵיד לֵיה׃
(1) 01:30 לְאַעבָרָא מַלכוּתָא מִבֵית שָאוּל וֻלאְקָמָא יַת כוּרסֵי דָוִיד״מַלכוּתָא דְדָוִד#3#״ עַל יִשׂרָאֵל וְעַל <דְבֵית#3#> יְהוּדָה מִדָן וְעַד בְאֵר שָבַע׃
(1) 11:30 וְלָא יְכִיל עוֹד לְאָתָבָא יָת אַבנֵר פִתגָמָא מִדְדָחֵיל מִנֵיה״יָתֵיה#3#״׃
(1) 21:30 וֻשלַח אַבנֵר אִזגַדִין לְוָת דָוִיד מֵאַתרֵיה לְמֵימַר מְקַיֵימנָא בְמַן״דְמַן#3#״למן#3#״ דַעְבַד אַרעָא לְמֵימַר גְזַר קְיָמָך עִמִי וְהָא יְדִי עִמָך לְאַסחָרָא לְוָתָך יָת כָל יִשׂרָאֵל׃
(1) 31:30 וַאְמַר טָב אְנָא אַגזַר עִמָך קְיָם בְרַם פִתגָמָא חַד אְנָא שָאֵיל מִנָך״מֵעִמָך#3#״ לְמֵימַר לָא תִחזֵי יָת אַפַי אְלָהֵין קְֹדָם מֵיתָיוּתָך יָת מִיכַל בַת שָאוּל בְמֵיתָך לְאִתַחזָאָה קְֹדָמַי׃
(1) 41:30 וֻשלַח דָוִיד אִזגַדִין לְוָת אִיש בוֹשַת בַר שָאוּל לְמֵימַר הַב יָת אִתְתִי יָת מִיכַל דַאְרַסִית״דקדשית#3#״ לִי בִמאָה עָרלָת פְלִשתָאֵי׃
(1) 51:30 וֻשלַח אִישבֹשַת וְדַברַה מִלְוָת בַעלַה מִלְוָת פַלטִיאֵל בַר לָיִש׃
(1) 61:30 וַאְזָל עִמַה בַעלַה אָזֵיל וֻבָכֵי בָתְרַהָא עַד עָלְמַת וַאְמַר לֵיה אַבנֵר אִיזֵיל תוּב וְתָב׃
(1) 71:30 וֻפִתגָם אַבנֵר הְוָה עִם סָבֵי יִשׂרָאֵל לְמֵימַר אַף תְמָלִי אַף דְקַמוֹהִי״מִדְקַמוֹהִי#3#״מידקדמוהי#3#״ הְוֵיתוֹן בָעַן יָת דָוִיד לְמִהוֵי מַלכָא עְלֵיכוֹן׃
(1) 81:30 וֻכעַן עְבִידוּ אְרֵי יְיָ אְמַר לְדָוִיד לְמֵימַר בְיַד דָוִיד עַבדִי אַפרוֹק יָת עַמִי <ית#3#> יִשׂרָאֵל מִיַד פְלִשתָאֵי וֻמִיַד כָל בַעְלֵי דְבָבֵיהוֹן׃
(1) 91:30 וֻמַלֵיל אַף אַבנֵר קְֹדָם דְבֵית״בְנֵי#3#״ בִניָמִין וַאְזַל אַף אַבנֵר לְמַלָלָא קְֹדָם דָוִיד בְחַברוֹן יָת כָל דְתָקֵין בְעֵינֵי יִשׂרָאֵל וֻבעֵינֵי כָל דְבֵית״בני#3#״ בִניָמִין׃
(1) 02:30 וַאְתָא <אף#3#> אַבנֵר לְוָת דָוִיד לְחַברוֹן וְעִמֵיה עַסרִין גֻברִין וַעְבַד דָוִיד לְאַבנֵר וֻלגֻברַיָא דְעִמֵיה מִשתְיָא׃
(1) 12:30 וַאְמַר אַבנֵר לְדָוִיד אְקוּם וְאִיזֵיל״ואיתוב#3#״ וְאַכנוֹש \לְוָת רִבוֹנִי ״לריבוני#3#״ מַלכָא יָת כָל יִשׂרָאֵל וְיִגזְרוּן עִמָך״לָך#3#״ קְיָם וְתִמלוֹך בְכֹל דְרָעְיָא נַפשָך וְשַלַח דָוִיד יָת אַבנֵר וַאְזַל בִשלָם׃
(1) 22:30 וְהָא עַבדֵי דָוִיד וְיוֹאָב אְתוֹ מִמַשרִיתָא וַעְדָאָה סַגִיאָה עִמְהוֹן אֵתִיאוּ וְאַבנֵר לָיְתוֹהִי עִם דָוִיד בְחַברוֹן אְרֵי שַלְחֵיה וַאְזַל בִשלָם׃
(1) 32:30 וְיוֹאָב וְכָל חֵילָא דְעִמֵיה אְתוֹ וְחַוִיאוּ לְיוֹאָב לְמֵימַר אְתָא אַבנֵר בַר נֵר לְוָת מַלכָא וְשַלְחֵיה וַאְזַל בִשלָם׃
(1) 42:30 וַאְתָא יוֹאָב לְוָת מַלכָא וַאְמַר מָא עְבַדתָא הָא אְתָא אַבנֵר לְוָתָך לְמָא דְנָן שְלַחתָהִי וַאְזַל מֵיזָל׃
(1) 52:30 יָדַעת יָת אַבנֵר בַר נֵר אְרֵי <בדיל#3#> לְאַטעָיוּתָך אְתָא וֻלמִדַע יָת מִפְקָך וְיָת מֵיעְלָך וֻלמִדַע יָת כָל דְאַת עָבֵיד׃
(1) 62:30 וֻנפַק יוֹאָב מִלְוָת״מִן קֹדָם#3#״ דָוִיד וֻשלַח אִזגַדִין בָתַר אַבנֵר וַאְתִיבוּ יָתֵיה מִגוּבָא דְסִירְתָא וְדָוִיד לָא יְדַע׃
(1) 72:30 וְתָב אַבנֵר לְחַברוֹן וְאַפנְיֵיה יוֹאָב לְגוֹ תַרעָא לְמַלָלָא עִמֵיה בְשִליָא״ברז על מה דאישתלי#3#״ וֻמחָהִי תַמָן בִסטַר יִרכֵיה וֻמִית בִדמָא״חלף דקטל עשאל אחוהי#3#״ דַעְשָהאֵל אְחוּהִי׃
(1) 82:30 וֻשמַע דָוִיד מִבָתַר כֵין וַאְמַר זַכַי אְנָא וֻמַלכוּתִי מִן קְֹדָם יְיָ עַד עָלְמָא מִדְמָא דְאַבנֵר בַר נֵר׃
(1) 92:30 יְחוּלוּן עַל רֵישָא דְיוֹאָב וְעַל״ואל#3#״ כָל בֵית אְבוּהִי וְלָא יִפסוֹק מִבֵית״מדבית#3#״ יוֹאָב דָאִיב״זאיב#3#״ וֻסגִיר וֻמַתקֵיף בַאְגַ{ר}<ד> וֻמִתקְטִיל בְחַרבָא וֻחַסִיר מָזוֹן׃
(1) 03:30 וְיוֹאָב וַאְבִישַי אְחוּהִי קְטַלוּ לְאַבנֵר עַל דִקטַל יָת עְשָהאֵל אְחוּהוֹן בְגִבעוֹן בִקרָבָא׃
(1) 13:30 וַאְמַר דָוִיד לְיוֹאָב וֻלכָל עַמָא דְעִמֵיה בַזַעוּ לְבוּשֵיכוֹן וַאְסַרוּ סַקִין וֻספַדוּ קְֹדָם אַבנֵר וֻמַלכָא דָוִיד אָזֵיל בָתַר עַרסָא׃
(1) 23:30 וֻקבַרוּ יָת אַבנֵר בְחַברוֹן וַאְרֵים מַלכָא יָת קָלֵיה וֻבכָא״וֻבכוֹ#3#״ עַל קַברָא דְאַבנֵר וֻבכוֹ כָל עַמָא׃
(1) 33:30 וַאְלָא מַלכָא עַל אַבנֵר וַאְמַר הְכִימְמָת רַשִיעִין״גבר הדיוט#3#״ יְמוּת אַבנֵר׃
(1) 43:30 יְדָך לָא אְסִירָן וְרַגלָך לָא לְזִקִין דִנחָש אִתקָרַבָא כְמִפַל קְֹדָם גֻברִין רַשִיעִין נְפַלתָא וְאוֹסִיפוּ כָל עַמָא לְמִבכֵי עְלוֹהִי׃
(1) 53:30 וַאְתָא כָל עַמָא לְאוֹכָלָא״לְאוֹבָרָא#3#״ יָת דָוִיד לַחמָא עַד דְיוֹמָא קַיָים וְקַיֵים דָוִיד לְמֵימַר כְדֵין יַעְבֵיד לִי יְיָ וֻכדֵין יוֹסֵיף אְלָהֵין קְֹדָם מֵיעַל שִמשָא אַטעוֹם לַחמָא אוֹ כָל מִדָעַם׃
(1) 63:30 וְכָל עַמָא אִשתְמוֹדַעוּ וֻשפַר בְעֵינֵיהוֹן כְכֹל״בְכֹל#3#״ דַעְבַד מַלכָא בְעֵינֵי כָל עַמָא טָב׃

(1) 73:30 וִידַעוּ כָל עַמָא וְכָל יִשׂרָאֵל בְיוֹמָא הַהוּא אְרֵי לָא הְוָה בְעֵיצַת מַלכָא לְמִקטַל יָת אַבנֵר בַר נֵר׃

(1) 83:30 וַאְמַר מַלכָא לְעַבדוֹהִי הְלָא תִדְעוּן אְרֵי רָב וְשַלִיט נְפַל יוֹמָא דֵין בְיִשׂרָאֵל׃
(1) 93:30 וַאְנָא יוֹמָא דֵין הִדיוֹט וֻמרַבַא לְמַלכוּ וְגֻברַיָא הָאִלֵין בְנֵי צְרוּיָה קְשַן מִנִי יְשַלֵים יְיָ לְעָבְדֵי בִשתָא כְבִשתֵיה׃