The Comprehensive Aramaic Lexicon

(1) 10:92 וֻכנַשוּ פְלִשתָאֵי יָת כָל מַשרְיָתְהוֹן לַאְפֵק וְיִשרָאֵל שָרַן בְעַיִן דִביִזרְעַאל׃
(1) 20:92 וְטוּרנֵי פְלִשתָאֵי עָבְרִין לְמָאוָן וֻלאַלפִין וְדָוִיד וְגֻברוֹהִי״וְגִיבָרוֹהִי#3#״ עָבְרִין בְבָתְרֵיתָא עִם אָכִיש׃
(1) 30:92 וַאְמַרוּ רַברְבֵי פְלִשתָאֵי <הְלָא#2#> מָא יְהוּדָאֵי הָאִלֵין וַאְמַר אָכִיש לְרַברְבֵי פְלִשתָאֵי הְלָא דֵין דָוִיד עַבדָא דְשָאוּל מַלכָא דְיִשרָאֵל דַהְוָה עִמִי דְנָן יוֹמִין אוֹ דְנָן שְנִין וְלָא אַשכַחִית בֵיה מִדָעַם בִיש מִיוֹמָא דְאִתפָרַש״דְאִתַפרַש#3#״ לְוָתִי עַד יוֹמָא הָדֵין׃
(1) 40:92 וֻרגִיזוּ״וֻרגֹזוּ#2#״ עְלוֹהִי רַברְבֵי פְלִשתָאֵי וַאְמַרוּ לֵיה רַברְבֵי פְלִשתָאֵי אְתֵיב יָת גֻברָא וִיתוּב לְאַתרֵיה דְמַנִיתֵיה״דְמַנִיתָהִי#2# תַמָן וְלָא יֵיחוֹת עִמַנָא בִקרָבָא וְלָא יְהֵי לַנָא לְסָטָן בִקרָבָא וֻבמָא יִתרְעֵי״יתידע#3#״ דֵין \לְוָת רִבוֹנֵיה ״לריבוניה#3#״ הְלָא בְרֵישֵי גֻברַיָא הָאִנוּן״האילין#3#״׃
(1) 50:92 הְלָא דֵין דָוִיד דִמשַמְעִין״דְמַשמְעִין#3#״ לֵיה בְחִנגַיָא לְמֵימַר קְטַל שָאוּל בְאַלפִין וְדָוִיד בְרִבְוָן״בְרִיבִבָן#3#״׃
(1) 60:92 וֻקרָא אָכִיש לְדָוִיד וַאְמַר לֵיה קַיָים הוּא יְיָ אְרֵי כָשַר אַת וְתָקֵין״וְטָב#3#״ בְעֵינַי מִפְקָך״מַפְקָך#3#״ וֻמֵיעְלָך עִמִי בְמַשרִיתָא אְרֵי לָא אַשכַחִית בָך מִדָעַם בִיש מִיוֹמָא דַאְתֵיתָא לְוָתִי עַד יוֹמָא הָדֵין וֻבעֵינֵי טוּרנַיָא לָא תָקֵין אַת׃
(1) 70:92 וֻכעַן תוּב וְאִיזֵיל בִשלָם וְלָא תַעְבֵיד בִיש בְעֵינֵי״קדמי#3#״ טוּרנֵי פְלִשתָאֵי׃

(1) 80:92 וַאְמַר דָוִיד לְאָכִיש אְרֵי מָא עְבַדִית וֻמָא אַשכַחתָא בְעַבדָך מִיוֹמָא דַהוֵיתִי מְשַמֵיש קֳדָמָך עַד יוֹמָא הָדֵין אְרֵי לָא אְהָך״איהך#3#״ וַאְגִיחַ קְרָבָא בְסָנְאֵי רִבוֹנִי מַלכָא׃

(1) 90:92 וַאְתֵיב אָכִיש וַאְמַר לְדָוִיד יַדַענָא אְרֵי תָקֵין אַת בְעֵינַי כְמַלאְכָא דַיְיָ בְרַם רַברְבֵי פְלִשתָאֵי אְמַרוּ״אמרין#3#״ לָא יִסַק עִמַנָא בִקרָבָא׃
(1) 01:92 וֻכעַן אַקדֵים בְצַפרָא וְעַבדֵי רִבוֹנָך דַאְתוֹ עִמָך וְתַקדְמוּן בְצַפרָא וְיִנהַר״וְיַנהַר#3#״וינהור#3#״ לְכוֹן וְתֵיזְלוּן״ותהכון#3#״׃
(1) 11:92 וְאַקדֵים דָוִיד הוּא וְגֻברוֹהִי לְמֵיזַל בְצַפרָא לִמתָב לַאְרַע פְלִשתָאֵי וֻפלִשתָאֵי סְלִיקוּ לְיִזרְעַאל׃