The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:32 וְחַוִאוּ לְדָוִיד לְמֵימַר הָא פְלִשתָאֵי מְגִיחִין קְרָבָא בִקעִילָה וְאִנוּן״והא אינון#3#״ בָזְזִין יָת אִדְרַיָא׃
(1) 20:32 וֻשאֵיל דָוִיד בְמֵימְרָא דַיְיָ לְמֵימַר הַאִיזֵיל וְאַקטוֹל״ואימחי#3#״ בִפלִשתָאֵי הָאִלֵין וַאְמַר יְיָ לְדָוִד אִיזֵיל וְתִקטוֹל בִפלִשתָאֵי וְתִפרוֹק יָת <יתבי#3#> קְעִילָה׃
(1) 30:32 וַאְמַרוּ גֻברֵי דָוִיד לֵיה הָא כַד״כיד#3#״ אְנַחנָא הָכָא \בְאַרעָא דְבֵית יְהוּדָה ״ביהודה#3#״ אְנַחנָא דָחְלִין וְאַף אְלָהֵין דְנֵיזֵיל לִקעִילָה לְסִדרֵי פְלִשתָאֵי׃
(1) 40:32 וְאוֹסֵיף עוֹד דָוִיד לְמִשאַל בְמֵימְרָא דַיְיָ וְקַבֵיל צְלוֹתֵיה יְיָ וַאְמַר קוּם חוֹת לִקעִילָה אְרֵי אְנָא \מָסַר יָת ״מְסַרִית#3#״ פְלִשתָאֵי בִידָך׃
(1) 50:32 וַאְזַל דָוִיד וְגֻברוֹהִי לִקעִילָה וַאְגִיחַ קְרָבָא בִפלִשתָאֵי וְדבַר יָת גֵיתֵיהוֹן וֻמחָא בְהוֹן מַחָא סַגִיאָה וֻפרַק דָוִד יָת יָתְבֵי קְעִילָה׃
(1) 60:32 וַהְוָה כַד עְרַק אַביָתָר בַר אְחִימַלַך לְוָת דָוִיד לִקעִילָה אֵיפוֹדָא אַחֵית בִידֵיה׃
(1) 70:32 וְאִתחַוַה״ואיתחואה#3#״ לְשָאוּל אְרֵי אְתָא דָוִיד לִקעִילָה וַאְמַר שָאוּל מְסַר יָתֵיה יְיָ בִידִי אְרֵי נִתמְסַר״אִתמְסַר#3#״ לְמֵיעַל בְקַרתָא דְלַה דַשִין וְעָבְרִין׃
(1) 80:32 וֻכנַש שָאוּל יָת כָל עַמָא לְאָגָחָא קְרָבָא לְמֵיחַת לִקעִילָה לִמצָר עַל דָוִיד וְעַל גֻברוֹהִי׃
(1) 90:32 וִידַע דָוִיד אְרֵי עְלוֹהִי שָאוּל כָמֵין <ית#3#> בִשתָא וַאְמַר לְאַביָתָר כָהְנָא קָרֵיב אֵיפוֹדָא׃
(1) 01:32 וַאְמַר דָוִיד יְיָ אְלָהָא דְיִשרָאֵל מִשמָע שְמַע עַבדָך אְרֵי בָעֵי שָאוּל לְמֵיעַל לִקעִילָה לְחַבָלָא לְקַרתָא בְדִילִי׃
(1) 11:32 הַסְבִירִין לְמִמסְרִי יָתְבֵי קְעִילָה בִידֵיה הַסְבִיר לְמֵיחַת שָאוּל כְמָא דִשמַע״דְשָמַע#3#״ עַבדָך יְיָ אְלָהָא דְיִשרָאֵל חַוִי כְעַן לְעַבדָך וַאְמַר יְיָ סְבִיר״סַבִיר#3#״ לְמֵיחַת׃
(1) 21:32 וַאְמַר דָוִיד הַסְבִירִין לְמִמסְרִי״לְמִמסַר#2#״ יָתְבֵי קְעִילָה יָתִי וְיָת גֻברַי בִידָא דְשָאוּל וַאְמַר יְיָ סְבִירִין לְמִמסַר׃
(1) 31:32 וְקָם דָוִיד וְגֻברוֹהִי כְשֵית מְאָה גֻברָא וֻנפַקוּ מִקְעִילָה וְהַלִיכוּ בַאְתַר דְכָשַר לְהַלָכָא וְלשָאוּל אִתחַוַה אְרֵי אִשתֵיזַב דָוִיד מִקְעִילָה וְאִתמְנַע מִלְמִפַק׃
(1) 41:32 וִיתֵיב דָוִיד בְמַדבְרָא בִמצָדָתָא וִיתֵיב בְטוּרָא בְמַדבְרָא דְזִיף וֻבעָהִי שָאוּל כָל יוֹמַיָא וְלָא מַסרֵיה יְיָ בִידֵיה׃
(1) 51:32 וַחְזָא דָוִיד אְרֵי נְפַק שָאוּל לְמִבעֵי לְמִקטְלֵיה וְדָוִיד בְמַדבְרָא דְזִיף בְחֻרשָא׃
(1) 61:32 וְקָם יְהוֹנָתָן בַר שָאוּל וַאְזַל לְוָת דָוִיד לְחֻרְשָא וְתַקֵיף יָת יְדֵיה בְמֵימְרָא דַיְיָ׃
(1) 71:32 וַאְמַר לֵיה לָא תִדחַל אְרֵי לָא תַשכְחִנָך יְדָא דְשָאוּל אַבָא וְאַת תִמלוֹך״תהי מלכא#3#״ עַל יִשרָאֵל וַאְנָא אַהוֵי״איהוי#3#״אהי#3#״ לָך לְתִניָן וְאַף שָאוּל אַבָא יָדַע כֵין׃
(1) 81:32 וֻגזַרוּ תַרוֵיהוֹן קְיָם קֳדָם יְיָ וִיתֵיב דָוִיד בְחֻרשָא וִיהוֹנָתָן אְזַל לְבֵיתֵיה״לאורחיה#3#״׃
(1) 91:32 וֻסלִיקוּ אְנָש זִיף לְוָת שָאוּל לְגִבעְתָא לְמֵימַר הְלָא דָוִיד מִטְמַר עִמַנָא בִמצָדָתָא בְחֻרשָא בְגִבעַת חְכִילָה דְמִדָרוֹם לִישִימוֹן״למדברא#3#״׃
(1) 02:32 וֻכעַן לְכָל רְעוּת נַפשָך מַלכָא לְמֵיחַת חוֹת \וַאְנַחנָא נִמסְרִנֵיה ״ועלנא למימסריה#3#״ בְיָד מַלכָא׃
(1) 12:32 וַאְמַר שָאוּל בְרִיכִין אַתוּן קֳדָם יְיָ אְרֵי חַסתוּן עְלָי׃
(1) 22:32 אִיזִילוּ כְעַן אַתקִינוּ״ואיתבררו#3#״ עוֹד וְדַעוּ וַחְזוֹ יָת אַתרֵיה דְשָרֵי בֵיה מַן חְזָהִי תַמָן אְרֵי אָמְרִין לִי״ליה#3#״ דְעָרֵים וְנָפֵיק הוּא׃
(1) 32:32 וַחְזוֹ וְדַעוּ״וידעו#3#״ מִכֹל מַטמוֹריָתָא דְיִטְמַר״דמטמר#3#״דאטמר#3#״ תַמָן וְתתוּבוּן לְוָתִי בִקשוֹט וַאְהָך עִמְכוֹן וִיהֵי״והוי#3#״ אִם אִיתוֹהִי בְאַרעָא וְאַבלוֹש״וַאְבַלֵיש#2#״ואיבלוש#3#״ יָתֵיה בְכָל אַלפַיָא דְבֵית יְהוּדָה׃
(1) 42:32 וְקָמוּ וַאְזַלוּ לְזִיף לִקדָם שָאוּל וְדָוִיד וְגֻברוֹהִי בְמַדבְרָא דְמָעוֹן בְמֵישְרָא דְמִדָרוֹם לִישִימוֹן״למדברא#3#״׃
(1) 52:32 וַאְזַל שָאוּל וְגֻברוֹהִי לְמִבעֵי וְחַוִיאוּ לְדָוִיד וֻנחַת לְכֵיפָא וִיתֵיב בְמַדבְרָא דְמָעוֹן וֻשמַע שָאוּל וֻרדַף בָתַר דָוִיד לְמַדבְרָא דְמָעוֹן׃
(1) 62:32 וַאְזַל שָאוּל מִסְטַר טוּרָא מִכָא וְדָוִיד וְגֻברוֹהִי מִסְטַר טוּרָא מִכָא וַהְוָה דָוִד מִתבְעֵית לְמֵיזַל מִן קֳדָם שָאוּל וְשָאוּל וְגֻברוֹהִי \כָמְנִין עַל דָוִיד ״מקפין לדוד#3#״ וְעַל גֻברוֹהִי לְמֵיחַדהוֹן׃
(1) 72:32 וְאִזגַדָא אְתָא לְוָת שָאוּל לְמֵימַר אוֹחִי וְאִיזֵיל אְרֵי אִתנְגִידוּ״אִתנְגַדוּ#2# פְלִשתָאֵי עַל אַרעָא׃

(1) 82:32 וְתָב שָאוּל מִלְמִרדַף בָתַר דָוִיד וַאְזַל לְקַדָמוּת פְלִשתָאֵי עַל כֵין קְרוֹ לְאַתרָא הַהוּא כֵיף פַלגָוָתָא אַתרָא דְאִתפְלֵיג בֵיה לִבָא דְמַלכָא <שאול#3#> לְמֵיזַל לְכָא וֻלכָא׃