The Comprehensive Aramaic Lexicon

(1) 10:22 וַאְזַל דָוִיד מִתַמָן וְאִשתֵיזַב״ואישתיזיב#3#״ לִמעָרַת עְדֻלָם וֻשמַעוּ אְחוֹהִי וְכָל בֵית אְבוּהִי וֻנחַתוּ לְוָתֵיה לְתַמָן׃
(1) 20:22 וְאִתכְנִישוּ לְוָתֵיה כָל גְבַר מְעָק״מעיק#3#״ רוּחַ וְכָל גְבַר דְלֵיה מָרֵי רְשוּ וְכָל גְבַר מָרִיר נְפַש וַהְוָה עְלֵיהוֹן לְרַבָא וַהְווֹ עִמֵיה כְאַרבָע מְאָה גֻברָא׃
(1) 30:22 וַאְזַל דָוִיד מִתַמָן לְמִצפְיָא דְמוֹאָב וַאְמַר לְמַלכָא דְמוֹאָב יִפוֹק כְעַן אַבָא וְאִמָא עִמְכוֹן עַד דְאִדַע מָא יַעְבֵיד לִי יְיָ׃
(1) 40:22 וְאַשרִינוּן קֳדָם מַלכָא דְמוֹאָב וִיתִיבוּ״והוו#3#״ עִמֵיה כָל יוֹמִין דַהְוָה דָוִיד מִטְמַר״טמיר#3#״ בִמצָדְתָא״בִמצָדַיָא#3#״׃
(1) 50:22 וַאְמַר גָד נְבִיָא לְדָוִיד לָא תִתֵיב בִמצָדַיָא״בִמצָדְתָא#2#״ \אֵיתַא וְאִיזֵיל ״איזיל ואיתא#3#״ לָך לְאַרעָא דְבֵית יְהוּדָה וַאְזַל דָוִיד וַאְתָא לְחֻרשָא דְחָרַת׃
(1) 60:22 וֻשמַע שָאוּל אְרֵי אִתיְדַע דָוִיד וְגֻברַיָא דְעִמֵיה וְשָאוּל יָתֵיב בְגִבעְתָא תְחוֹת אַשלָא״אֵישְלָא#3#״ בְרָמְתָא וֻמוֹרָנִיתֵיה בִידֵיה וְכָל עַבדוֹהִי קָיְמִין עִלָוֹהִי׃
(1) 70:22 וַאְמַר שָאוּל לְעַבדוֹהִי דְקָיְמִין עִלָוֹהִי שְמַעוּ כְעַן בְנֵי שִבטָא \דְבֵית בִניָמִין ״דבני בנימין#3#״ דבנימין#3#״ אַף לְכֻלְכוֹן יִתֵין בַר יִשַי חַקלִין וְכַרמִין <אַף#3#> לְכֻלְכוֹן יְמַנֵי רַבָנֵי אַלפֵי וְרַבָנֵי מַאוָתָא׃
(1) 80:22 אְרֵי מְרֵידתוּן כֻלְכוֹן עְלַי וְלֵית דִמחַוֵי״דְחַוִי#3#״דְחַוֵי#3#״ לִי כַד גְזַר קְיָם בְרִי עִם בַר יִשַי וְלֵית דְכָאֵיב לֵיה״לי#3#״ מִנְכוֹן עְלַי וֻמחַוֵי״ולא מחוי#3#״ לִי אְרֵי אְקֵים בְרִי יָת עַבדִי עְלַי לְכָמְנָא כְיוֹמָא הָדֵין׃
(1) 90:22 וַאְתֵיב דֹאֵג אְדוֹמָאָה וְהוּא מְמֻנַא עַל עַבדֵי שָאוּל וַאְמַר חְזֵיתִי יָת בַר יִשַי אְתָא לְנוֹב לְוָת אְחִימַלַך בַר אְחִיטוּב׃
(1) 01:22 וֻשאֵיל לֵיה בְמֵימְרָא דַיְיָ וֻזוָדִין יְהַב לֵיה וְיָת חַרבָא דְגָליָת פְלִשתָאָה יְהַב לֵיה׃
(1) 11:22 וֻשלַח מַלכָא לְמִקרֵי יָת אְחִימַלַך בַר אְחִיטוּב כָהְנָא וְיָת כָל בֵית אְבוּהִי כָהְנַיָא דִבנוֹב וַאְתוֹ כֻלְהוֹן לְוָת מַלכָא׃
(1) 21:22 וַאְמַר שָאוּל״מלכא#3#״ שְמַע כְעַן בַר אְחִיטוּב וַאְמַר הָאְנָא״הא#3#״ רִבוֹנִי׃
(1) 31:22 וַאְמַר לֵיה שָאוּל לְמָא מְרֵידתוּן עְלַי אַת וֻבַר יִשַי בְמִתְנָך לֵיה מָזוֹן וְחַרבָא וֻשאֵילת״ושאלית#3#״ לֵיה בְמֵימְרָא דַיְיָ לִמקָם עְלַי לְכָמְנָא כְיוֹמָא הָדֵין׃
(1) 41:22 וַאְתֵיב אְחִימַלַך יָת מַלכָא וַאְמַר וֻמַן״ומאן#3#״ בְכָל עַבדָך כְדָוִיד מְהֵימָן וְחַתנָא דְמַלכָא וְרָב עַל <כל#3#> מִשמַעתָך״שימושך#3#״ וְיַקִיר בְבֵיתָך׃
(1) 51:22 יוֹמָא דֵין שָרִיתִי לְמִשאַל לֵיה בְמֵימְרָא דַיְיָ חָס לִי לָא יְשַוֵי מַלכָא בְעַבדֵיה פִתגָמָא״עילתא#3#״ בְכָל בֵית אַבָא אְרֵי לָא יְדַע עַבדָך בְכָל דָא פִתגָם זְעֵיר אוֹ רָב׃

(1) 61:22 וַאְמַר מַלכָא מְמָת תְמוּת אְחִימַלַך אַת וְכָל בֵית אְבוּך׃

(1) 71:22 וַאְמַר מַלכָא לְרַהָטַיָא דְקָיְמִין עִלָוֹהִי אִסתְחַרוּ וְקַטִילוּ״וקטולו#3#״ כָהְנַיָא דַיְיָ אְרֵי אַף יַדהוֹן עִם דָוִיד וַאְרֵי יְדַעוּ אְרֵי עָרִיק הוּא וְלָא חַווֹ לִי וְלָא אְבוֹ עַבדֵי מַלכָא לְאוֹשָטָא יָת יַדהוֹן לְמִשלַט בְכָהְנַיָא דַיְיָ׃
(1) 81:22 וַאְמַר מַלכָא לְדוֹאֵג אִסתְחַר אַת״כְעַן#3#״ וֻשלוֹט״וֻשלִיט#3#״ בְכָהְנַיָא וְאִסתְחַר דוֹאֵג אְדוֹמָאָה וֻשלוֹט״וֻשלִיט#3#״ הוּא בְכָהְנַיָא וֻקטַל בְיוֹמָא הַהוּא תְמָנַן וְחַמשָא גֻברָא כָשְרִין לְמִלבַש אֵפוֹד דְבוּץ׃
(1) 91:22 וְיָת נוֹב קִריַת כָהְנַיָא מְחָא״קטל#3#״ לְפִתגָם דְחָרַב מִגְבַר וְעַד אִתָא מֵעוֹלֵים וְעַד יָנִיק וְתוֹר וַחְמָר וְאִמַר <מחא#3#> לְפִתגָם דְחָרַב׃
(1) 02:22 וְאִשתֵיזַב בְרָא חַד לַאְחִימַלַך בַר אְחִיטוּב וְשמֵיה אַביָתָר וַעְרַק בָתַר דָוִיד׃
(1) 12:22 וְחַוִי אַביָתָר לְדָוִד אְרֵי קְטַל שָאוּל יָת כָהְנַיָא דַיְיָ׃
(1) 22:22 וַאְמַר דָוִד לְאַביָתָר יָדַענָא בְיוֹמָא הַהוּא אְרֵי תַמָן דוֹאֵג אְדוֹמָאָה אְרֵי חַוָאָה יְחַוֵי לְשָאוּל וַאְנָא גְרַמִית לְאִסתַקָפָא״לְאִסתַפָקָא#3#״ בְכָל נְפַש <אנש#3#> בֵית אְבוּך׃
(1) 32:22 תִיב עִמִי לָא תִדחַל אְרֵי דְבָעֵי״דִיבעֵי#3#״ לְמִקטְלִי בָעֵי״בַעִי#3#״ לְמִקטְלָך אְרֵי נְטִיר אַת עִמִי׃