CAL CODE HELP CLICK HERE
click on the file description for more information

51008: TgJ 1S

click on a word for lexical analysis
Click on a red-colored coordinate for comments and/or translations of the line

previous chapter


(1) 10:81 וַהְוָה \כַד שֵיצִי ״כשיציותיה#3#״ לְמַלָלָא עִם שָאוּל וְנַפשָא דִיהוֹנָתָן אִתחַבַבַת״אתחברת#3#״ בְנַפשָא דְדָוִיד וְרַחְמֵיה יְהוֹנָתָן כְנַפשֵיה׃
(1) 20:81 וְדַברֵיה שָאוּל בְיוֹמָא הַהוּא וְלָא שַבקֵיה לִמתָב״למיזל#3#״ לְבֵית״בית#3#״לות#3#״ אְבוּהִי׃
(1) 30:81 וֻגזַר יְהוֹנָתָן וְדָוִד קְיָם בִדרָחֵים יָתֵיה כְנַפשֵיה׃
(1) 40:81 וֻשלַח״ואשלח#3#״ואישתלח#3#״ יְהוֹנָתָן יָת מְעִילָא דַעְלוֹהִי וְיַהבֵיה לְדָוִד וֻלבוּשוֹהִי וְעַד חַרבֵיה וְעַד קַשתֵיה וְעַד זְרָזֵיה׃
(1) 50:81 וֻנפַק דָוִד בָכֹל אְתַר \דְשָלַח לֵיה ״די ישלחיניה#3#״ שָאוּל מַצלַח וֻמַנְיֵיה שָאוּל עַל גֻברֵי עָבְדֵי קְרָבָא וֻשפַר בְעֵינֵי כָל עַמָא וְאַף בְעֵינֵי עַבדֵי שָאוּל׃
(1) 60:81 וַהְוָה בְמֵיעַלהוֹן״במיתיהון#3#״ כַד תָב דָוִיד מִלמִקטַל יָת פְלִשתָאָה וֻנפַקָא נְשַיָא מִכָל קִרוֵי יִשרָאֵל לְשַבָחָא בְחִנגַיָא לְקַדָמוּת שָאוּל מַלכָא בְתֻפִין בְחַדוָא וֻבצַלצְלִין׃
(1) 70:81 וַאְתִיבָא נְשַיָא דִמשַבְחָן וַאְמַרָא קְטַל שָאוּל בְאַלפִין וְדָוִד בְרִבְוָן׃
(1) 80:81 וֻתקֵיף לְשָאוּל לַחדָא וֻבאֵיש בְעֵינוֹהִי פִתגָמָא הָדֵין וַאְמַר יְהַבוּ לְדָוִד רִבְוָן וְלִי יְהַבוּ אַלפַיָא וֻמִכְעַן לָא אִשתְאַרַת לֵיה עוֹד אְלָהֵין מַלכוּתָא׃
(1) 90:81 וַהְוָה שָאוּל כָמֵין לְדָוִיד״ית דויד#3#״ מִיוֹמָא הַהוּא וֻלהַלאַה׃
(1) 01:81 וַהְוָה בְיוֹמָה דְבָתְרוֹהִי וֻשרָת רוּחַ בִישָא מִן קֳדָם יְיָ עַל שָאוּל וְאִשתַטִי בְגוֹ בֵיתָא וְדָוִיד מְנַגֵין בִידֵיה כְיוֹם בְיוֹם וֻמוֹרָנִיתָא בִידָא דְשָאוּל׃
(1) 11:81 וַאְרֵים שָאוּל יָת מוֹרָנִיתָא וַאְמַר אַמחֵינַה בְדָוִד וְאִברְזִנַה בְכֻתלָא וְאִסתְחַר״וַאְפַך#2#״ דָוִד מִן קֳדָמוֹהִי תַרתֵין״תרין#3#״ זִמנִין׃
(1) 21:81 וֻדחֵיל שָאוּל מִן קֳדָם דָוִיד אְרֵי הְוָה מֵימְרָא דַיְיָ בְסַעְדֵיה \וְיָת שָאוּל רַחֵיק ״ומעליוי שאול איסתלק#3#״׃
(1) 31:81 וְאַפנְיֵיה שָאוּל מִלְוָתֵיה וְמַנְיֵיה לֵיה רַב אַלפָא וֻנפַק וְעָל״ועאל#3#״ בְרֵיש״קדם#3#״ עַמָא׃
(1) 41:81 וַהְוָה דָוִיד לְכָל אוֹרחָתֵיה מַצלַח וֻמֵימְרָא דַיְיָ בְסַעְדֵיה׃
(1) 51:81 וַחְזָא שָאוּל דְהוּא״ארי הוא#3#״ מַצלַח לַחדָא וֻדחֵיל מִן קֳדָמוֹהִי׃
(1) 61:81 וְכָל יִשרָאֵל וִיהוּדָה רָחְמִין יָת דָוִד אְרֵי הוּא נָפֵיק וְעָלֵיל בְרֵישְהוֹן׃
(1) 71:81 וַאְמַר שָאוּל לְדָוִיד הָא בְרַתִי רַבְתָא מֵרַב יָתַה אַתֵין לָך לְאִתוּ״לאנתו#3#״ בְרַם הְוִי לִי לִגבַר״לגברא דחילא#3#״ עָבֵיד קְרָבִין וַאְגִיחַ קְרָבֵי עַמָא דַיְיָ וְשָאוּל אְמַר לָא תְהֵי יְדִי בֵיה וְיִתמְסַר בִידָא דִפלִשתָאֵי׃
(1) 81:81 וַאְמַר דָוִד לְשָאוּל מַן אְנָא וֻמַן חַיַי בְרַם זַרעִית אַבָא בְיִשרָאֵל אְרֵי אֵיהֵי חַתנָא לְמַלכָא׃
(1) 91:81 וַהְוָה בְעִדָן דִמטָא <זמן#3#> אִתיְהָבָא״למתן#3#״ דְמֵירַב״ית מירב#3#״ בַת שָאוּל לְדָוִד וְהִיא אִתיְהֵיבַת לְעַדרִיאֵל דְמִמְחוֹלָת לְאִתוּ״לאנתו#3#״׃
(5) 91:81 והוה קא סבר דקדושהא בטעות נינהו משום דמלוה הוא ואף מיכל מבתר דאינסבה ליה אפקא מיניה בלא גט משום דסבר דקדושהא נמי בטעות נינהו דבפחות משוה פרוטה קדשה ומאן דמקדיש בפחות משוה פרוטה לא קדיש ולא מידי ודוד לא אפסיד קליה מיניה דקא סבר דערליא טפי משוה פרוטה נינהו משום דחזו לכלביה דשאול ולשונריה׃
(1) 02:81 וֻרחֵימַת מִיכַל בַת שָאוּל יָת דָוִיד וְחַוִיאוּ לְשָאוּל וֻכשַר״וְכָשַר#3#״ושפר#3# פִתגָמָא בְעֵינוֹהִי׃
(1) 12:81 וַאְמַר שָאוּל אַתְנַה לֵיה וֻתהֵי לֵיה לְתַקלָא וְיִתמְסַר בִידָא דִפלִשתָאֵי וַאְמַר שָאוּל לְדָוִיד בַחְדָא מִן תַרתֵין״מתרין#3#״ תִתחַתֵן״תִתחַתַן#3#״ בִי יוֹמָא דֵין׃
(1) 22:81 וֻפַקֵיד שָאוּל יָת עַבדוֹהִי <למימר#3#> מַלִילוּ עִם דָוִיד בְרָז לְמֵימַר הָא אִתרְעִי בָך מַלכָא וְכָל עַבדוֹהִי רַחְמוּך וֻכעַן אִתחַתַן בְמַלכָא׃
(1) 32:81 וֻמַלִילוּ עַבדֵי שָאוּל קֳדָם דָוִד יָת <כל#3#> פִתגָמַיָא הָאִלֵין וַאְמַר דָוִיד הַזְעֵירָא בְעֵינֵיכוֹן לְאִתחַתָנָא בְמַלכָא וַאְנָא גְבַר מִסכֵין וְהִדיוֹט׃
(1) 42:81 וְחַוִיאוּ עַבדֵי שָאוּל לֵיה לְמֵימַר כְפִתגָמַיָא הָאִלֵין מַלֵיל דָוִד׃
(1) 52:81 וַאְמַר שָאוּל כְדֵין תֵימְרוּן לְדָוִד לָא רַעְוָא לְמַלכָא בְמֻהרִין אְלָהֵין בִמאָה עָרלָת פְלִשתָאֵי לְאִתפְרָעָא בְסָנְאֵי מַלכָא וְשָאוּל חַשֵיב לְמִמסַר יָת דָוִיד בִידָא דִפלִשתָאֵי׃
(1) 62:81 וְחַוִיאוּ עַבדוֹהִי לְדָוִיד יָת פִתגָמַיָא הָאִלֵין וֻכשַר פִתגָמָא בְעֵינֵי דָוִיד לְאִתחַתָנָא בְמַלכָא וְלָא שְלִימוּ יוֹמַיָא׃

(1) 72:81 וְקָם דָוִיד וַאְזַל הוּא וְגֻברוֹהִי וֻקטַל בִפלִשתָאֵי מָתַן גֻברָא וְאַיתִי״וְאֵיתִי#2#״ דָוִד יָת עָרלָתְהוֹן וְאַשלֵימִנוּן לְמַלכָא לְאִתחַתָנָא בְמַלכָא וִיהַב לֵיה שָאוּל יָת מִיכַל בְרַתֵיה לְאִתוּ״לאנתו#3#״׃

(1) 82:81 וַחְזָא שָאוּל וִידַע אְרֵי מֵימְרָא דַיְיָ בְסַעְדָא דְדָוִיד וֻמִיכַל בַת שָאוּל רְחֵימתֵיה׃
(1) 92:81 וְאוֹסֵיף שָאוּל לְמִדחַל מִן קֳדָם דָוִד עוֹד וַהְוָה שָאוּל בְעֵיל דְבָב לְדָוִד כָל יוֹמַיָא׃
(1) 03:81 וֻנפַקוּ רַברְבֵי פְלִשתָאֵי וַהְוָה בִזמַן מִפַקהוֹן אַצלַח דָוִיד מִכֹל עַבדֵי שָאוּל וֻסגִי שְמֵיה לַחדָא׃


next chapter