The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:80 וַהְוָה כַד סִיב שְמוּאֵל וֻמַנִי יָת בְנוֹהִי דַיָינִין עַל יִשרָאֵל׃
(1) 20:80 וַהְוָה שוֹם בְרֵיה בֻכרָא יוֹאֵל וְשוֹם תִניָנֵיה אְבִיָה דַיָנִין״נגודין#3#״ בִבאֵר שָבַע׃
(1) 30:80 וְלָא הַלִיכוּ בְנוֹהִי בְאוֹרחָתֵיה וְאִתפְנִיאוּ בָתַר מָמוֹן דִשקַר וְקַבִילוּ שוּחדָא וֻצלוֹ דִינָא׃
(1) 40:80 וְאִתכְנִישוּ״וְאִתכְנַשוּ#2#״ כָל סָבֵי יִשרָאֵל וַאְתוֹ לְוָת שְמוּאֵל לְרָמְתָא׃
(1) 50:80 וַאְמַרוּ לֵיה הָא אַת סַבתָא״סִיבתָא#2#״ וֻבנָך לָא הַלִיכוּ״הְלַכוּ#2#״ בְאוֹרחָתָך כְעַן מַנִי לַנָא מַלכָא לִמדִינַנָא״לִמדָנַנָא#2#״למידיננא#3#״ כְכָל עַמְמַיָא׃
(1) 60:80 וֻבאֵיש פִתגָמָא בְעֵינֵי שְמוּאֵל כַד אְמַרוּ מַנִי״הַב#3#״ לַנָא מַלכָא לִמדָנַנָא״לִמדִינַנָא#3#״למידיננא#3#״לִמדָן יָתַנָא#3#״ וְצַלִי שְמוּאֵל קֳדָם יְיָ׃
(1) 70:80 וַאְמַר יְיָ לִשמוּאֵל קַבֵיל לְמֵימַר עַמָא לְכָל דְיֵימְרוּן לָך אְרֵי לָא יָתָך רַחִיקוּ אְרֵי בְפֻלחָנִי קַצוּ מִלְמִהוֵי מַלכָא עְלֵיהוֹן׃
(1) 80:80 כְכָל עוּבָדַיָא דַעְבַדוּ מִיוֹמָא דְאַסֵיקִית יָתְהוֹן מִמִצרַיִם וְעַד יוֹמָא הָדֵין וֻשבַקוּ פֻלחָנִי וֻפלַחוּ לְטָעְוָת עַמְמַיָא כֵין אִנוּן עָבְדִין אַף לָך׃
(1) 90:80 וֻכעַן קַבֵיל לְמֵימַרהוֹן בְרַם אְרֵי אַסהָדָא תַסהֵיד בְהוֹן וֻתחַוֵי לְהוֹן נֻמסָא״נִימוֹסָא#3#״ דְמַלכָא דְיִמלוֹך עְלֵיהוֹן׃
(1) 01:80 וַאְמַר שְמוּאֵל יָת כָל פִתגָמַיָא דַיְיָ לְעַמָא דְשָאְלִין״דשאילו#3#״ מִנֵיה מַלכָא׃
(1) 11:80 וַאְמַר דֵין יְהֵי נֻמסָא״נִימוֹסָא#3#״ דְמַלכָא דְיִמלוֹך עְלֵיכוֹן יָת בְנֵיכוֹן יִדבָר וִימַנֵי לֵיה בִרתִכוֹהִי וֻבפָרָשוֹהִי וֻרדוּפִין״וְרָדוֹפִין#3#״ קֳדָם רְתִכוֹהִי׃
(1) 21:80 וֻלמַנָאָה לֵיה רַבָנֵי אַלפִין וְרַבָנֵי חַמשִין וְאִכָרַיָא לִמנָר נִירֵיה וֻלמִחצַד חְצָדֵיה וְאוּמָנַיָא לְמַעְבַד מָנֵי קְרָבֵיה וֻמָנֵי רְתִכוֹהִי״רתיכיה#3#״׃
(1) 31:80 וְיָת בְנָתְכוֹן יִדבַר לְשַמָשָן וֻלטַבָחָן וֻלאָפָאָן׃
(1) 41:80 וְיָת חַקלֵיכוֹן וְיָת כַרמֵיכוֹן וְזֵיתֵיכוֹן״וית זיתכון#3#״ טָבַיָא יִסַב וְיִתֵין לְעַבדוֹהִי׃
(1) 51:80 וְזַרעֵיכוֹן וְכַרמֵיכוֹן יִסַב חַד מִן עַסרָא וְיִתֵין״ויהב#3#״ לְרַברְבוֹהִי״לְרַברְבָנוֹהִי#3#״ וֻלעַבדוֹהִי׃
(1) 61:80 וְיָת עַבדֵיכוֹן וְיָת אַמהָתְכוֹן וְיָת עוּלֵימֵיכוֹן שַפִירַיָא וְיָת חְמָרֵיכוֹן יִדבָר לְמִהוֵי עָבְדִין יָת עְבִידְתֵיה׃
(1) 71:80 עָנְכוֹן יִסַב חַד מִן עַסרָא וְאַתוּן תְהוֹן לֵיה לְעַבדִין׃
(1) 81:80 וְתִצוְחוּן״וְתַצוְחוּן#3#״ בְעִדָנָא״בְיוֹמָא#2#״ הַהוּא מִן קֳדָם מַלכְכוֹן דְאִתרְעִיתוּן לְכוֹן וְלָא יְקַבֵיל יְיָ צְלוֹתְכוֹן״יתכון#3#״ בְעִדָנָא״בְיוֹמָא#2#״ הַהוּא׃
(1) 91:80 וְסָרִיבוּ עַמָא לְקַבָלָא לְמֵימַר״מן#3#״ שְמוּאֵל וַאְמַרוּ לָא אְלָהֵין מַלכָא יְהֵי עְלַנָא׃
(1) 02:80 וֻנהֵי״ונהוי#3#״וֻנהַך#3#״ אַף אְנַחנָא כְכָל עַמְמַיָא וְיִתפְרַע לַנָא מַלכַנָא וְיִפוֹק בְרֵישַיָא וֻנגִיַח״וִיגִיַח#2#״ יָת קְרָבַנָא׃
(1) 12:80 וֻשמַע שְמוּאֵל יָת כָל פִתגָמֵי עַמָא וְסַדַרִנוּן קֳדָם יְיָ׃

(1) 22:80 וַאְמַר יְיָ לִשמוּאֵל קַבֵיל לְמֵימַרהוֹן וְתַמלֵיך לְהוֹן מַלכָא וַאְמַר שְמוּאֵל לַאְנָשֵי יִשרָאֵל אִיזִילוּ גְבַר לְקַרתֵיה׃