(1) 10:90 וַהְוָה כַד שְמַעוּ כָל מַלכַיָא דִבעִברָא דְיַרדְנָא בְטוּרָא וֻבשָפֵילתָא וֻבכָל סְפַר יַמָא רַבָא דְלָקְֹבֵיל לִבנָן חִתָאֵי וַאְמוֹרָאֵי כְנַעְנָאֵי פְרִזָאֵי חִוָאֵי וִיבוּסָאֵי׃

(1) 20:90 וְאִתכְנַשוּ כַחדָא לְאָגָחָא קְרָבָא עִם יְהוֹשוּעַ וְעִם יִשׂרָאֵל סִיעָא חְדָא׃
(1) 30:90 וְיָתְבֵי גִבעוֹן שְמַעוּ יָת דַעְבַד יְהוֹשֻעַ לִירִיחוֹ וֻלעָי׃
(1) 40:90 וַעְבַדוּ אַף אִנוּן בְחָכמָה וַאְזַלוּ וְאִזדַוַדוּ וֻנסִיבוּ סַקִין בְלַן לַחְמָרֵיהוֹן וְזִקִין דַחמַר בְלַן וֻמבֻזְעִין וֻמצָרְרִין׃
(1) 50:90 וֻמסָנָן בְלַן וֻמרֻקְעִין בְרַגלֵיהוֹן וֻכסוּתָא בַליָא עְלֵיהוֹן וְכֹל לְחֵים זְוָדְהוֹן יַבִיש הְוָה כִיסָנִין״עיפושין#4#״׃
(1) 60:90 וַאְזַלוּ לְוָת יְהוֹשוּעַ לְמַשרִיתָא לְגִלגָלָא וַאְמַרוּ לֵיה וֻלאְנָש״ולאינשי#3#״ יִשׂרָאֵל מֵאְרַע רַחִיקָא אְתֵינָא וֻכעַן גְזַרוּ לַנָא קְיָם׃
(1) 70:90 וַאְמַר״ואמרו#3#״ אְנָש יִשׂרָאֵל לְחִוָאָה דִלמָא״מאים#3#״ בֵינַנָא״ביני#3#״ \אַתוּן יָתְבִין ״את יתיב#3#״ וְאֵיכְדֵין נִגזַר״איגזר#3#״ לְכוֹן״עמך#3#״ קְיָם׃
(1) 80:90 וַאְמַרוּ לִיהוֹשֻעַ עַבדָך אְנַחנָא וַאְמַר לְהוֹן יְהוֹשֻעַ מַן״מנן#3#״ אַתוּן וֻמנָן אְתֵיתוֹן׃
(1) 90:90 וַאְמַרוּ לֵיה מֵאְרַע רַחִיקָא לַחדָא אְתוֹ עַבדָך לִשמָא דַיְיָ אְלָהָך אְרֵי שְמַענָא יָת \שֵימַע גְבוּרְתֵיה ״שמא גְבוּרְתֵיה#3# ״שָמעֵיה#3#״ וְיָת כָל דַעְבַד בְמִצרָיִם׃
(1) 01:90 וְיָת כָל דַעְבַד לִתרֵין מַלכֵי אְמוֹרָאָה״אמוראי#3#״ דִבעִברָא דְיַרדְנָא לְסִיחוֹן מַלכָא דְחַשבוֹן וֻלעוֹג מַלכָא דְמַתנַן דִבעַשתָרוֹת׃
(1) 11:90 וַאְמַרוּ״ואמר#3#״ לַנָא סָבַנָא וְכָל יָתְבֵי אַרעַנָא״ארעא#3#״ לְמֵימַר סַבוּ עִמְכוֹן״בְיַדכוֹן#2#״ זְוָדִין לְאוֹרחָא וְאִיזִילוּ לְקַדָמוּתְהוֹן וְתֵימְרוּן לְהוֹן עַבדֵיכוֹן אְנַחנָא וֻכעַן גְזַרוּ לַנָא קְיָם׃
(1) 21:90 דֵין לַחמַנָא כִיד חַמִים אִזדַוַדנָא יָתֵיה מִבָתַנָא בְיוֹם מִפְקַנָא לְמֵיתֵי לְוָתְכוֹן וֻכעַן הָא יְבֵיש וַהְוָה כִיסָנִין״עיפושין#3#״׃
(1) 31:90 וְאִלֵין זִקִין דַחְמַר דִמלֵינָא כִד חְדַתִין וְהָא אִתבְזַעוּ וְאִלֵין תוֹתבַנָא וֻמסָנַנָא בְלִיאוּ מִסְגֵי אוֹרחָא לַחדָא׃
(1) 41:90 וְקַבִילוּ גֻברַיָא לְפִתגָמֵיהוֹן וְאֻלפָן מִן קְֹדָם יְיָ לָא תְבַעוּ׃
(1) 51:90 וַעְבַד לְהוֹן יְהוֹשֻעַ שְלָם וֻגזַר לְהוֹן קְיָם לְקַיָימוּתְהוֹן וְקַיִימוּ לְהוֹן רַברְבֵי כְנִשתָא׃
(1) 61:90 וַהוָה מִסוֹף תְלָתָא יוֹמִין בָתַר דִגזַרוּ לְהוֹן קְיָם וֻשמַעוּ אְרֵי קָרִיבִין אִנוּן לֵיה וֻבֵינֵיהוֹן אִנוּן יָתְבִין׃
(1) 71:90 וֻנטַלוּ בְנֵי יִשׂרָאֵל וַאְתוֹ״ועלו#3#״ לְקִרוֵיהוֹן בְיוֹמָא תְלִיתָאָה וְקִרוֵיהוֹן גִבעוֹן וֻכפִירָה״והכפירה#3#״ וֻבאֵרוֹת וְקִריַת יְעָרִים׃
(1) 81:90 וְלָא מְחוֹנוּן״קטילינון#3#״ בְנֵי יִשׂרָאֵל אְרֵי קַיִימוּ לְהוֹן רַברְבֵי כְנִשתָא בְמֵימְרָא דַיְיָ אְלָהָא דְיִשׂרָאֵל וְאִתרָעַמוּ כָל כְנִשתָא עַל רַברְבַיָא׃
(1) 91:90 וַאְמַרוּ כָל רַברְבַיָא לְכָל כְנִשתָא אְנַחנָא קַיֵמנָא לְהוֹן בְמֵימרָא דַיְיָ אְלָהָא דְיִשׂרָאֵל וֻכעַן לָא נִכוֹל לְאַנזָקָא״לְאָעָקָא#3#״ לְהוֹן״בהון#3#״׃
(1) 02:90 דָא נַעְבֵיד לְהוֹן וֻנקַיֵים יָתְהוֹן וְלָא יְהֵי עְלַנָא רֻגזָא עַל קְיָמָא דְקַיֵימנָא לְהוֹן׃
(1) 12:90 וַאְמַרוּ לְהוֹן רַברְבַיָא יֵיחוֹן וִיהוֹן״והוו#3#״ לָקְטִין״לָקְטֵי#2#״מלקטי#3#״ אָעִין וֻמָלַן מַיָא לְכָל כְנִשתָא כְמָא דְמַלִילוּ לְהוֹן״בהון#3#״ רַברְבַיָא׃
(1) 22:90 וֻקרָא לְהוֹן יְהוֹשוּעַ וֻמַלֵיל עִמְהוֹן לְמֵימַר לְמָא שַקַרתוּן בַנָא לְמֵימַר רַחִיקִין אְנַחנָא מִנְכוֹן לַחדָא וְאַתוּן בֵינַנָא יָתְבִין׃
(1) 32:90 וֻכעַן לִיטִין אַתוּן וְלָא יִפסְקוּן״יִפסַק#3#״ מִנְכוֹן עַבדִין וְלָקְטֵי״וְלָקְטִין#3#״לקטי#3#״מלקטין#3#״מלקטי#3#״ אָעִין וְמָלַן מַיָא לְבֵית מַקדְשָא דַאְלָהִי׃
(1) 42:90 וַאְתִיבוּ יָת יְהוֹשֻעַ וַאְמַרוּ אְרֵי חַוָאָה״אִתחַוָאָה#2#״ אִתחַוַה לְעַבדָך יָת דְפַקֵיד יְיָ אְלָהָך יָת מֹשַה עַבדֵיה לְמִתַן לְכוֹן יָת כָל אַרעָא וֻלשֵיצָאָה יָת כָל יָתְבֵי אַרעָא מִן קְֹדָמֵיכוֹן״מִן קְֹדָמֵיהוֹן#3#״ וֻדחֵילנָא לַחדָא לְנַפשָתַנָא״עַל נַפשָתַנָא#3#״ מִן קְֹדָמֵיכוֹן וַעְבַדנָא״ונעביד#3#״ יָת פִתגָמָא הָדֵין׃
(1) 52:90 וֻכעַן הָא אְנַחנָא מְסִירִין בִידָך \כְמָא דְתָקֵין וֻדכָשַר ״כשפר וכתקין#3# ״כמא דתקין וכמא דכשר#3#״ בְעֵינָך לְמַעְבַד לַנָא עְבֵיד׃
(1) 62:90 וַעְבַד לְהוֹן כֵין וְשֵיזֵיב יָתְהוֹן מִיַד בְנֵי יִשׂרָאֵל וְלָא קַטִילוּנוּן׃
(1) 72:90 וֻמסַרִינוּן״וֻמַנִינוּן#2#״ יְהוֹשֻעַ בְעִידָנָא״ביומא#3#״ הַהוּא״ההיא#3#״ לָקְטֵי״מלקטי#3#״ אָעִין וֻמָלַן מַיָא לִכנִשתָא וֻלמַדבְחָא דַיְיָ עַד יוֹמָא הָדֵין לְאַתרָא דְיִתרְעֵי״דאתרעי#3#״׃