(1) 30:20 וֻשלַח מַלכָא דִירִיחוֹ לְוָת רָחָב לְמֵימַר אַפִיקִי גֻברַיָא דַאְתוֹ״דעלין#3#״ לְוָתִיך דְעָלוּ לְבֵיתִיך אְרֵי לְאַלָלָא יָת כָל אַרעָא אְתוֹ׃

(1) 40:20 וֻדבַרַת אִיתְתָא יָת תְרֵין גֻברַיָא וְאַטמַרַתנוּן וַאְמַרַת בְקֻשטָא אְתוֹ לְוָתִי גֻברַיָא וְלָא יְדַעִית אֵי מְנָן אִנוּן׃
(1) 50:20 וַהְוָה עִדָן״בעידן#3#״ לְמֵיחַד תַרעָא בְקַבלָא וְגֻברַיָא נְפַקוּ לָא״ולא#3#״ יְדַעִית לְאָן אְזַלוּ גֻברַיָא רְדוּפוּ בִפרִיעַ בָתְרֵיהוֹן אְרֵי תַדבְקוּנוּנוּן׃
(1) 60:20 וְהִיא אַסֵיקַתנוּן לְאִיגָרָא וְאַטמַרַתנוּן בִטעוּנֵי כִתָנָא דִסדִירִין לַה עַל אִגָרָא׃
(1) 70:20 וְגֻברַיָא רְדַפוּ בָתְרֵיהוֹן אוֹרַח״בְאוֹרַח#3#״ יַרדְנָא עַל״עַד#3#״ מֵגָזָתָא״מגזרתא#3#״ וְתַרעָא״ותרעיא#3#״ אְחַדוּ בָתַר דִנפַקוּ רָדְפַיָא בָתְרֵיהוֹן׃
(1) 80:20 וְאִנוּן עַד לָא שְכִיבוּ וְהִיא סְלֵיקַת לְוָתְהוֹן לְאִיגָרָא׃
(1) 90:20 וַאְמַרַת לְגֻברַיָא יָדַענָא״ידעית#3#״ אְרֵי יְהַב יְיָ לְכוֹן יָת אַרעָא וַאְרֵי נְפַלַת אֵימַתכוֹן עְלַנָא וַאְרֵי אִתְבַרוּ כָל יָתְבֵי אַרעָא מִן קְֹדָמֵיכוֹן׃
(1) 01:20 אְרֵי שְמַענָא יָת דְיַבֵיש יְיָ יָת מֵי יַמָא דְסוּף מן קְֹדָמֵיכוֹן בְמִפַקכוֹן מִמִצרַיִם וְדַעְבַדתוּן לִתרֵין מַלכֵי אְמוֹרָאָה דִבעִברָא דְיַרדְנָא לְסִיחוֹן וֻלעוֹג דְגַמַרתוּן יָתְהוֹן
(1) 11:20 וֻשמַענָא וְאִתמְסִי לִבַנָא וְלָא אִשתְאַרַת עוֹד רוּחַ בַאְנָש מִן קְֹדָמֵיכוֹן אְרֵי יְיָ אְלָהְכוֹן הוּא אְלֹהִים דִשכִינְתֵיה בִשמַיָא מִלְעֵילָא וְשַלִיט עַל אַרעָא מִלְרַע׃
(1) 21:20 וֻכעַן קַיִימוּ כְעַן לִי בְמֵימְרָא דַיְיָ אְרֵי עְבַדִית עִמְכוֹן טֵיבוּ וְתַעבְדוּן אַף אַתוּן עִם בֵית אַבָא טֵיבוּ וְתִתְנוּן לִי אָת דִקשוֹט׃
(1) 31:20 וְתַחוֹן יָת אַבָא וְיָת אִמָא וְיָת אַחַי וְיָת אַחְוָתַי וְיָת כָל דִילְהוֹן וֻתשֵיזְבוּן יָת נַפשָתַנָא מִמוֹתָא׃
(1) 41:20 וַאְמַרוּ לַה גֻברַיָא נַפשָתַנָא מְסִירָן חְלָף נַפשָתְכוֹן לִממָת אִם לָא תְחַווֹן יָת פִתגָמַנָא דֵין וִיהֵי כַד יִתֵין יְיָ לַנָא יָת אַרעָא וְנַעְבֵיד עִמִיך טֵיבוּ וֻקשוֹט׃
(1) 51:20 וְשַלשֵילַתנוּן בַאְטוּנָא מִן חְרַכָא אְרֵי בֵיתַה בִכתַל שוּרָא וֻבשוּרָא הִיא יָתְבָא׃
(1) 61:20 וַאְמַרַת לְהוֹן לְטוּרָא אִיזִילוּ דִלמָא יְעָרְעוּן בְכוֹן רָדְפַיָא וְתִטַמרוּן תַמָן תְלָתָה יוֹמִין עַד דִיתוּבוּן רָדְפַיָא וֻבָתַר כֵין תְהָכוּן לְאוֹרַחכוֹן׃
(1) 71:20 וַאְמַרוּ לַה גֻברַיָא זַכָאִין אְנַחנָא מִמוֹמָתִיך הָדָא דְקַיֵימתְ עְלַנָא׃
(1) 81:20 הָא אְנַחנָא עָלִין בְאַרעָא יָת תוּרָא דְחוּט זְהוֹרִיתָא הָדֵין תִקטְרִין בַחְרַכָא דְשַלשֵילתִנָא בֵיה וְיָת אְבוּך וְיָת אִמִיך וְיָת אְחַך וְיָת כָל בֵית אְבוּך תִכנְשִין לְוָתִיך לְבֵיתָא
(1) 91:20 וִיהֵי כָל דְיִפוֹק בָר מִדַשֵי בֵיתִיך לְבָרָא חוֹבַת קְטוּלֵיה בְרֵישֵיה וַאְנַחנָא זַכָאִין וְכָל דִיהֵי עִמִיך בְבֵיתָא חוֹבַת קְטוּלֵיה בְרֵישַנָא אִם יַד אְנָש תְהֵי בֵיה׃
(1) 02:20 וְאִם תְחַווֹן יָת פִתגָמַנָא דֵין וֻנהֵי זַכָאִין מִמוֹמָתִיך דְקַיֵימתְ עְלַנָא׃
(1) 12:20 וַאְמַרַת כְפִתגָמֵיכוֹן כֵן הוּא וְשַלַחַתנוּן וַאְזַלוּ וֻקטַרַת יָת תוּרָא דִזהוֹרִיתָא בַחְרַכָא׃
(1) 22:20 וַאְזַלוּ וְעַלוּ לְטוּרָא וִיתִיבוּ תַמָן תְלָתָה יוֹמִין עַד דְתָבוּ רָדְפַיָא וֻבעוֹ רָדְפַיָא בְכָל אוֹרְחָא וְלָא אַשכַחוּ׃
(1) 32:20 וְתָבוּ תְרֵין גֻברַיָא וֻנחַתוּ מִטוּרָא״מִן טוּרָא#2#״ וַעְבַרוּ וַאְתוֹ לְוָת יְהוֹשֻעַ בַר נוּן וְאִשתַעִיאוּ לֵיה יָת כָל דְעָרַעָא יָתְהוֹן׃
(1) 42:20 וַאְמַרוּ לִיהוֹשֻעַ אְרֵי מְסַר יְיָ בִידַנָא יָת כָל אַרעָא וְאַף״וַאְרֵי#2#״ אִתְבַרוּ כָל יָתְבֵי אַרעָא מִן קְֹדָמַנָא׃