CAL CODE HELP CLICK HERE
click on the file description for more information

51005: TgO Dt

click on a word for lexical analysis
Click on a red-colored coordinate for comments and/or translations of the line

previous chapter


(1) 10:01 בְעִדָנָא הַהִיא אֲמַר יוי לִי פְסוֹל לָך תְרֵין לוּחֵי אַבנַיָא כְקַדמָאֵי וְסַק לִקדָמַי לְטוּרָא וְתַעֲבֵיד לָך אֲרוֹנָא דְאָעָא׃
(1) 20:01 וְאַכתוֹב עַל לוּחַיָא יָת פִתגָמַיָא דַהווֹ עַל לוּחַיָא קַדמָאֵי דְתַבַרתָא וֻתשַוֵינוּן בַאֲרוֹנָא׃
(1) 30:01 וַעֲבַדִית אֲרוֹנָא דְאָעֵי שִטִין וֻפסַלִית תְרֵין לוּחֵי אַבנַיָא כְקַדמָאֵי וֻסלֵיקִית לְטוּרָא וֻתרֵין לוּחַיָא בִידִי׃
(1) 40:01 וֻכתַב עַל לוּחַיָא כִכתָבָא קַדמָאָה יָת עַסרָא פִתגָמִין דְמַלֵיל יוי עִמְכוֹן בְטוּרָא מִגוֹ אִישָתָא בְיוֹמָא דִקהָלָא וִיהַבִינוּן יוי לִי׃
(1) 50:01 וְאִתפְנִיתִי וֻנחַתִית מִן טוּרָא וְשַוִיתִי יָת לוּחַיָא בַאֲרוֹנָא דַעֲבַדִית וַהווֹ תַמָן כְמָא דְפַקְדַנִי יוי׃
(1) 60:01 וֻבנֵי ישראל נְטַלוּ מִבְאֵרֹת בְנֵי יַעקָן לְמוֹסֵרָה תַמָן מִית אַהֲרֹן וְאִתקְבַר תַמָן וְשַמֵיש אַלעָזָר בְרֵיה תְחוֹתוֹהִי׃
(1) 70:01 מִתַמָן נְטַלוּ לְגֻדגוֹד וֻמִן גֻדגוֹד לְיָטבָת אֲרַע נָגדְיָא״נָגְדָא#3#״ נַחלִין דְמַיִן׃
(1) 80:01 בְעִדָנָא הַהוּא אַפרֵיש יוי יָת שִבטָא דְלֵוִי לְמִיטַל יָת אֲרוֹן קִיָמָא״קְיָמָא#3#״ דַיוי לִמקָם קדם יוי לְשַמָשוּתֵיה וֻלבָרָכָא בִשמֵיה עַד יוֹמָא הָדֵין׃
(1) 90:01 עַל כֵין לָא הֲוָה לְלֵוִי חוּלָק וְאַחסָנָא עִם אֲחוֹהִי יוי הוּא אַחסָנְתֵיה כְמָא דְמַלֵיל יוי אֲלָהָך לֵיה׃
(1) 01:01 וַאֲנָא הֲוֵיתִי קָאֵים בְטוּרָא כְיוֹמַיָא קַדמָאֵי אַרבְעִין יְמָמִין וְאַרבְעִין לֵילָוָן וְקַבֵיל יוי צְלוֹתִי אַף בְזִמנָא הַהוּא״הַהִיא#3#״ לָא אֲבָא יוי לְחַבָלוּתָך׃
(1) 11:01 וַאֲמַר יוי לִי קוּם אִיזֵיל לְמַטוּל קְדָם עַמָא וְיֵיעֲלוּן וְיֵירְתוּן יָת ארעא דְקַיֵימִית לַאֲבָהָתְהוֹן לְמִיתַן לְהוֹן׃
(1) 21:01 וֻכעַן ישראל מָא יוי אֲלָהָך תָבַע מִנָך אֲלָהֵין לְמִדחַל קדם״ית#3#״ יוי אֲלָהָך לִמהָך בְכֹל אוֹרחָן דְתָקְנָן קְדָמוֹהִי וֻלמִרחַם יָתֵיה וֻלמִפלַח קדם יוי אֲלָהָך בְכֹל לִבָך וֻבכָל נַפשָך׃
(1) 31:01 לְמִיטַר יָת פִיקוֹדַיָא דַיוי וְיָת קְיָמוֹהִי״קִיָמוֹהִי#3#״ דַאֲנָא מְפַקֵיד לָך יוֹמָא דֵין דְיִיטַב״דיוטב#3#״ לָך׃
(1) 41:01 הָא דַיוי אֲלָהָך שְמַיָא וֻשמֵי שְמַיָא ארעא וְכֹל דְבַה׃
(1) 51:01 לְחוֹד בַאֲבָהָתָך צְבִי״צָבֵי#3#״ יוי לְמִרחַם יָתְהוֹן וְאִתרְעִי בִבנֵיהוֹן בָתְרֵיהוֹן מִכָל עַמְמַיָא כְיוֹמָא הָדֵין׃
(1) 61:01 וְתִעדוֹן יָת טַפשוּת״טיפשות#3#״ לִבכוֹן וֻקדָלְכוֹן לָא תַקשוּן עוֹד׃

(1) 71:01 אֲרֵי יוי אֲלָהֲכוֹן הוּא אֲלָה דַיָנִין״אלהין#3#״ וֻמָרֵי מַלכִין אֲלָהָא רַבָא גִיבָרָא וֻדחִילָא דְלֵית קְדָמוֹהִי מִסַב אַפִין וְאַף לָא לְקַבָלָא שוּחדָא׃

(1) 81:01 עָבֵיד דִין יִתַם״יתים#3#״ וְאַרמְלָא וְרָחֵים גִיוֹרָא לְמִתַן לֵיה מָזוֹן וֻכסוּ׃
(1) 91:01 וְתִרחֲמוּן יָת גִיוֹרָא אֲרֵי דַיָירִין הֲוֵיתוֹן בארעא דמצרים׃
(1) 02:01 יָת יוי אֲלָהָך תִדחַל וֻקדָמוֹהִי תִפלַח וֻלדַחלְתֵיה תִתקָרַב״תתקריב#3#״ וֻבִשמֵיה תְקַיֵים׃
(1) 12:01 הוּא תוּשבַחתָך וְהוּא אֲלָהָך דַעֲבַד עִימָך יָת רַברְבָתָא וְיָת חַסִינָתָא הָאִלֵין דַחזַאָה עֵינָך׃
(1) 22:01 בְשִבעִין נַפשָן נְחַתוּ אֲבָהָתָך למצרים וֻכעַן שַויָך יוי אֲלָהָך כְכוֹכְבֵי שְמַיָא לִסגֵי׃


next chapter