(1) 80:70 אֲרֵי מִדְרָחֵים יוי יָתְכוֹן וֻמִדְנָטַר יָת קִיָמָא״קְיָמָא#3#״ דְקַיֵים לַאֲבָהָתְכוֹן אַפֵיק יוי יָתְכוֹן בְיַד תַקִיפָא וֻפַרקָך מִבֵית עַבדוּתָא מִידָא דפרעה מַלכָא דמצרים׃

(1) 90:70 וְתִידַע אֲרֵי יוי אֲלָהָך הוּא אֲלֹהִים אֲלָהָא מְהֵימְנָא נָטַר קִיָמָא״קְיָמָא#3#״ וְחִסדָא לְרָחֲמוֹהִי וֻלנָטְרֵי פִקוֹדוֹהִי לְאַלַף דָרִין׃
(1) 01:70 וֻמשַלֵים״וֻמשַלַם#3#״ לְסָנְאוֹהִי טָבוָן״טבן#3#״ דִאִינוּן עָבְדִין קְדָמוֹהִי בְחַיֵיהוֹן לְאוֹבֵידֵיהוֹן״לְאֵיבוֹדֵיהוֹן#3#״ לָא מְאַחַר עוֹבָד טָב לְסָנְאוֹהִי טָבוָן״טבן#3#״ דְאִינוּן עָבְדִין קְדָמוֹהִי בְחַיֵיהוֹן מְשַלֵים״מְשַלַם#3#״ לְהוֹן׃
(1) 11:70 וְתִיטַר יָת תַפקֵידתָא וְיָת קִיָמַיָא״קְיָמַיָא#3#״ וְיָת דִינַיָא דַאֲנָא מְפַקֵיד לָך יוֹמָא דֵין לְמַעֲבַדהוֹן׃
(1) 21:70 וִיהֵי חֲלָף דִתקַבְלוּן יָת דִינַיָא הָאִלֵין וְתִיטְרוּן וְתַעבְדוּן יָתְהוֹן וְיִטַר יוי אֲלָהָך יָת קִיָמָא״קְיָמָא#3#״ וְיָת חִסדָא דְקַיֵים לַאֲבָהָתָך׃
(1) 31:70 וְיִרחֲמִינָך וִיבָרְכִינָך וְיַסגֵינָך וִיבָרֵיך וַלדָא דִמעָך וְאִיבָא דְאַרעָך עִיבוּרָך״עְבוּרָך#3#״ וְחַמרָך וֻמִשחָך בַקרֵי תוֹרָך וְעַדרֵי עָנָך עַל ארעא דְקַיֵים לְאַבָהָתָך לְמִיתַן לָך׃
(1) 41:70 בְרִיך תְהֵי מִכֹל עַמְמַיָא לָא יְהֵי בָך עַקַר״עְקַר#3#״ וְעַקרָא וֻבִבעִירָך׃
(1) 51:70 וְיַעֲדֵי יוי מִינָך כֹל מַרעִין וְכֹל מַכתָשֵי מִצרַיִם בִישַיָא דִידַעתָא לָא יְשַוֵינוּן בָך וְיִתֵינֵינוּן בְכָל סָנְאָך׃
(1) 61:70 וֻתגַמַר יָת כֹל עַמְמַיָא דַיוי אֲלָהָך יָהֵיב לָך לָא תְחוּס עֵינָך עֲלֵיהוֹן וְלָא תִפלַח יָת טָעֲוָתְהוֹן אֲרֵי לְתַקלָא יְהוֹן לָך׃
(1) 71:70 אֲרֵי״דילמא#3#״ תֵימַר בְלִיבָך סַגִיאִין עַמְמַיָא הָאִלֵין מִנִי אֵיכְדֵין אִיכוֹל לְתָרָכוּתְהוֹן׃
(1) 81:70 לָא תִדחַל מִנְהוֹן אִידְכָרָא״מִדכָר#3#״ תִדכַר יָת דַעֲבַד יוי אֲלָהָך לְפַרעֹה וֻלכָל מִצרָאֵי׃
(1) 91:70 נִסִין רַברְבָן״רַברְבִין#3#״ דַחזַאָה עֵינָך וְאָתַיָא וֻמוֹפְתַיָא וִידָא תַקִיפְתָא וֻדרָעָא מְרָמְמָא״מרממתא#3#״ דְאַפְקָך״דפקדך#3#״ יוי אֲלָהָך כֵין יַעֲבֵיד יוי אֲלָהָך לְכֹל עַמְמַיָא דְאַת דְחֵיל מִן קְדָמֵיהוֹן׃
(1) 02:70 וְאַף יָת עָרָעִיתָא יְגָרֵי יוי אֲלָהָך בְהוֹן עַד דְיֵיבְדוּן דְאִשתְאַרוּ וֻדאִיטְמַרוּ מִן קְדָמָך׃
(1) 12:70 לָא תִיתְבַר מִן קְדָמֵיהוֹן אֲרֵי יוי אֲלָהָך שְכִינְתֵיה בֵינָך אֲלָהָא רַבָא וֻדחִילָא׃
(1) 22:70 וִיתָרֵיך יוי אֲלָהָך יָת עַמְמַיָא הָאִלֵין מִן קְדָמָך זְעֵיר זְעֵיר לָא תִיכוֹל לְשֵיצָיוּתְהוֹן בִפרִיַע דִלמָא תִסגֵי עֲלָך חַיַת״חיות#3#״ בָרָא׃
(1) 32:70 וְיִמסַרִינוּן יוי אֲלָהָך קְדָמָך וִישַגֵישִינוּן שִיגוּש רַב עַד דְיִשתיֵצוֹן׃
(1) 42:70 וְיִמסַר מַלכֵיהוֹן בִידָך וְתוֹבֵיד יָת שֹמְהוֹן״שוּמְהוֹן#3#״ מִתְחוֹת שְמַיָא לָא יִתעַתַד אֲנָש קְדָמָך עַד דִתשֵיצֵי יָתְהוֹן׃
(1) 52:70 צַלמֵי״צילמי#3#״ טָעֲוָתְהוֹן תוֹקְדוּן״תֵיקְדוּן#3#״ בְנוּרָא לָא תַחמֵיד״תחַמֵיד#3#״ כַספָא וְדַהבָא דַעֲלֵיהוֹן וְתִסַב לָך דִלמָא תִיתְקֵיל״תִתַקֵיל#3#״ בֵיה אֲרֵי מְרַחַק״מְרֻחַק#3#״ קדם יוי אֲלָהָך הוּא׃
(1) 62:70 וְלָא תַעֵיל דִמרַחַק״דִמרֻחַק#3#״ לְבֵיתָך וֻתהֵי חִרמָא״חַרמָא#3#״ כְוָתֵיה שַקָצָא תְשַקְצִינֵיה וְרַחָקָא תְרַחֲקִיהֵיה אֲרֵי חִרמָא״חַרמָא#3#״ הוּא׃