The Comprehensive Aramaic Lexicon

CAL CODE HELP CLICK HERE

click on the file description for more information

click on a word for lexical analysis
Click on a red-colored coordinate for comments and/or translations of the line

previous chapter

(1) 10:40 וֻכעַן ישראל שְמַע לִקיָמַיָיא וֻלדִינַיָיא דַאֲנָא מַלֵיף״מאליף#3#״ יָתְכוֹן לְמַעֲבַד בְדִיל דְתֵיחוֹן וְתֵיעֲלוּן וְתֵירְתוּן יָת ארעא דַיוי אֲלָהָא דַאֲבָהָתְכוֹן יָהֵיב לְכוֹן׃
(1) 20:40 לָא תוֹסְפוּן״תֵיסְפוּן#3#״ עַל פִתגָמָא דַאֲנָא מְפַקֵיד יָתְכוֹן וְלָא תִמנְעוּן מִנֵיה לְמִטַר יָת פִקוֹדַיָא דַיוי אֲלָהֲכוֹן דַאֲנָא מְפַקֵיד יָתְכוֹן׃
(1) 30:40 עֵינֵיכוֹן חֲזַאָה יָת דַעֲבַד יוי בְפָלְחֵי בַעֲלָא פְעוֹר אֲרֵי כֹל גַברָא״גוּברָא#3#״ דְהַלֵיך בָתַר בַעלָא פְעוֹר שֵיצִיֵה יוי אֲלָהָך מִבֵינָך׃
(1) 40:40 וְאַתוּן דְאִידְבֵיקתוּן״דאיתדבקתון#3#״ בְדַחלְתָא דַיוי אֲלָהֲכוֹן קַיָימִין כוּלְכוֹן יוֹמָא דֵין׃
(1) 50:40 חֲזוֹ דְאַלֵיפיִת יָתְכוֹן קְיָמִין״קִיָמִין#3#״ וְדִינִין כְמָא דְפַקְדַנִי יוי אֲלָהִי לְמַעֲבַד כֵין בְגוֹ אַרעָא דְאַתוּן עָלִין לְתַמָן לְמֵירְתַה׃
(1) 60:40 וְתִיטְרוּן וְתַעבְדוּן אֲרֵי הִיא חוּכמַתכוֹן״חָכמַתכוֹן#3#״ וְסוּכלְתָנוּתְכוֹן לְעֵינֵי עַמְמַיָא דְיִשמְעוּן יָת כֹל קִיָמַיָא״קְיָמַיָא#3#״ הָאִלֵין וְיֵימְרוּן לְחוֹד עַם חַכִים וְסוּכלְתָן עַמָא רַבָא הָדֵין׃
(1) 70:40 אֲרֵי מַן עַם רַב דְלֵיה אֲלָה קָרִיב לֵיה לְקַבָלָא צְלוֹתֵיה בְעִידָן עָקְתֵיה כַיוי אֲלָהַנָא בְכֹל עִידָן דַאֲנַחנָא מְצַלַן קְדָמוֹהִי׃
(1) 80:40 וֻמַן עַם רַב דְלֵיה קִיָמִין״קְיָמִין#3#״ וְדִינִין קַשִיטִין כְכֹל אוֹרָיתָא הָדָא דַאֲנָא יָהֵיב קְדָמֵיכוֹן״קוּדָמֵיכוֹן#3#״ יוֹמָא דֵין׃
(1) 90:40 לְחוֹד אִסתַמַר״אִסתְמַר#3#״ לָך וְטַר נַפשָך לַחדָא דִלמָא תִתנְשֵי יָת פִתגָמַיָא דַחזַאָה עֵינָך וְדִלמָא יְעִידוֹן מִלִבָך כֹל יוֹמֵי חַייָך וֻתהוֹדַעִינוּן לִבנָך וְלִבנֵי בְנָך׃
(1) 01:40 יוֹמָא דְקַמתָא קְדָם יוי אֲלָהָך בְחוֹרֵב כַד אֲמַר יוי לִי כְנוֹש״אכניש#3#״ קְדָמַי יָת עַמָא וְאַשמַעִינוּן יָת פִתגָמַי דְיֵילְפוּן לְמִדחַל קְדָמַי כֹל יוֹמַיָא דְאִנוּן קַייָמִין עַל ארעא וְיָת בְנֵיהוֹן יַלְפוֹן״יאלפון#3#״׃
(1) 11:40 וֻקרֵיבתוּן וְקַמתוּן בְשִפוֹלֵי טוּרָא וְטוּרָא בָעַר בְאִישָתָא עַד צֵית שְמַיָא חֲשוֹכָא עֲנָנָא וַאֲמִיטְתָא׃
(1) 21:40 וֻמַלֵיל יוי עִמְכוֹן מִגוֹ אִישָתָא קָל פִתגָמִין אַתוּן שָמְעִין וֻדמוּ לֵיתֵיכוֹן חָזַן אֲלָהֵין קָלָא׃
(1) 31:40 וְחַוִי לְכוֹן יָת קִיָמֵיה״קְיָמֵיה#3#״ דְפַקֵיד יָתְכוֹן לְמַעֲבַד עַסרָה פִתגָמִין וֻכתַבִינוּן עַל תְרֵין לוּחֵי אַבנַיָא׃
(1) 41:40 וְיָתִי פַקֵיד יוי בְעִדָנָא הַהוּא לְאַלָפָא יָתְכוֹן קִיָמִין״קְיָמִין#3#״ וְדִינִין לְמַעֲבַדכוֹן יָתְהוֹן בארעא דְאַתוּן עָבְרִין לְתַמָן לְמֵירְתַה׃
(1) 51:40 וְתִסתַמרוּן״ותסטמרון#3#״ לַחדָא לְנַפשָתְכוֹן אֲרֵי לָא חֲזֵיתוֹן כֹל דְמוּ בְיוֹמָא דְמַלֵיל יוי עִמְכוֹן בְחוֹרֵב מִגוֹ אִישָתָא׃
(1) 61:40 דִלמָא תְחַבְלוּן וְתַעבְדוּן לְכוֹן צַלמָא״צילמא#3#״ דְמוּת כֹל צוּרָא דְמוּת דְכַר אוֹ נוּקבָא׃
(1) 71:40 דְמוּת כֹל בְעִירָא דִבאַרעָא דְמוּת כֹל צִיפַר גַפָא״גדפא#3#״ דְפָרַח \״דתיעוף#3#״ בְאַוֵיר רְקִיַע שְמַיָא׃
(1) 81:40 דְמוּת כֹל רִחשָא דבארעא דְמוּת כֹל נוּנֵי דִבמַיָא מִלְרַע לארעא׃
(1) 91:40 וְדִלמָא תִזקוֹף״תִזקוּף#3#״ עֵינָך לִשמַיָא וְתִחזֵי יָת שִמשָא וְיָת סֵיהֲרָא וְיָת כוֹכְבַיָא כֹל חֵילֵי שְמַיָא וְתִטעֵי וְתִסגוֹד לְהוֹן וְתִפלַחִינִין דְזָמֵין יוי אֲלָהָך יָתְהוֹן לְכֹל עַמְמַיָא דִתחוֹת כָל שְמַיָא׃
(1) 02:40 וְיָתְכוֹן קָרֵיב יוי לְדַחלְתֵיה וְאַפֵיק יָתְכוֹן מִכוּרָא דְבַרזְלָא״דפרזלא#3#״ ממצרים לְמִהוֵי לֵיה לְעַם אַחסָנָא כְיוֹמָא הָדֵין׃
(1) 12:40 וֻמִן קדם יוי הֲוָה רְגַז עֲלַי עַל פִתגָמֵיכוֹן וְקַיֵים בְדִיל דְלָא לְמִעבְרִי יָת יַרדְנָא וֻבדִיל דְלָא לְמֵיעַל לארעא טָבְתָא דַיוי אֲלָהָך יָהֵיב לָך אַחסָנָא׃
(1) 22:40 אֲרֵי אֲנָא מָאִית בארעא הָדָא לֵית אֲנָא עָבַר יָת יַרדְנָא וְאַתוּן עָבְרִין וְתֵירְתוּן יָת ארעא טָבְתָא הָדָא׃
(1) 32:40 אִסתְמַרוּ״איסטמרו#3#״ לְכוֹן דִלמָא תִתנְשוֹן״תנשון#3#״ יָת דַחַלתָא״קִיָמָא#3#״ דַיוי אֲלָהֲכוֹן דִגזַר עִמְכוֹן וְתַעבְדוּן לְכוֹן צַלַם״צֵילַם#3#״ דְמוּת כוֹלָא דְפַקְדָך יוי אֲלָהָך׃
(1) 42:40 אֲרֵי יוי אֲלָהָך מֵימְרֵיה אִישָא אָכְלָא הוּא אֵל קַנָא׃
(1) 52:40 אֲרֵי תֵילְדוּן״תולדון#3#״ בְנִין וֻבנֵי בְנִין וְתִתעַתְקוּן בארעא וֻתחַבְלוּן וְתַעבְדוּן צַלַם״צֵילַם#3#״ דְמוּת כוֹלָא וְתַעבְדוּן דְבִיש קדם יוי אֲלָהָך לְאַרגָזָא קְדָמוֹהִי׃
(1) 62:40 אַסהֵידִית בְכוֹן יוֹמָא דֵין יָת שְמַיָא וְיָת אַרעָא אֲרֵי מֵיבָד תֵיבְדוּן בִפרִיַע מֵעַל ארעא דְאַתוּן עָבְרִין יָת יַרדְנָא לְתַמָן לְמֵירְתַה לָא תֵירְכוּן״תורכון#3#״ יוֹמִין עֲלַה אֲרֵי אִשתֵיצָאָה תִשתֵיצוֹן׃
(1) 72:40 וִיבַדַר יוי יָתְכוֹן בֵינֵי עַמְמַיָא וְתִשתְאַרוּן עַם דְמִניָן בְעַמְמַיָא דִידַבַר״דאגלי#3#״ יוי יָתְכוֹן לְתַמָן׃
(1) 82:40 וְתִפלְחוּן תַמָן לְעַמְמַיָא פָלְחֵי טָעֲוָתָא עוֹבָד יְדֵי אֲנָשָא אָעָא וְאַבנָא דְלָא חָזַן וְלָא שָמְעִין וְלָא אָכְלִין וְלָא מְרִיחִין׃
(1) 92:40 וְתִתבַע מִתַמָן יָת דַחַלתָא דַיוי אֲלָהָך וְתַשכַח אֲרֵי תִבעֵי״תתבע#3#״ מִן קְדָמוֹהִי בְכֹל לִיבָך וֻבכָל נַפשָך׃
(1) 03:40 כַד תֵיעוֹק לָך וְיַשכְחוּנָך״ויערעונך#3#״ כֹל פִתגָמַיָא הָאִלֵין בְסוֹף יוֹמַיָא ותתוּב לְדַחַלתָא״לְדַחלְתָא#3#״ דַיוי אֲלָהָך וֻתקַבֵיל לְמֵימְרֵיה׃
(1) 13:40 אֲרֵי אֲלָהָא רַחמָנָא יוי אֲלָהָך לא יִשבְקֵינָך״ירטשינך#3#״ וְלָא יְחַבְלִינָך וְלָא יִתנְשֵי״ינשי#3#״ יָת קִיָמָא״קְיָמָא#3#״ דַאֲבָהָתָך דְקַיֵים לְהוֹן׃
(1) 23:40 אֲרֵי שְאַל כְעַן לְיוֹמַיָא קַדמָאֵי דַהווֹ קְדָמָך לְמִן יוֹמָא דִברָא יוי אָדָם עַל ארעא וֻלמִסִיָפֵי שְמַיָא וְעַד סִיָפֵי״סְיָפֵי#3#״ שְמַיָא הַהֲוָה כְפִתגָמָא רַבָא הָדֵין אוֹ הֲאִשתְמָע דִכוָתֵיה׃
(1) 33:40 הַשְמַע עַמָא קָל מֵימְרָא דַיוי דִמַלֵיל מִגוֹ אִישָתָא כְמָא דִשמַעתָא אַת וְאִתקַיַים׃
(1) 43:40 אוֹ נִסִין עֲבַד יוי לְאִתגְלָאָה לְמִפרַק לֵיה עַם מִגוֹ עַם בְנִסִין בְאָתִין וֻבמוֹפְתִין וְבִקרָבָא וֻבִידָא תַקִיפְתָא וֻבִדרָעָא מְרָמְמָא וֻבחִזָנִין״וֻבחַזוָנִין#3#״ רַברְבִין כְכֹל דַעֲבַד לְכוֹן יוי אֲלָהֲכוֹן במצרים לְעֵינֵיכוֹן׃
(1) 53:40 אַת אִתחַזִיתָא״אִתַחזִיתָא#3#״ לְמִידַע אֲרֵי יוי הוּא אֲלֹהִים לֵית עוֹד בָר מִנֵיה׃
(1) 63:40 מִן שְמַיָא אַשמְעָך יָת קָל מֵימְרֵיה לְאַלָפוּתָך וְעַל ארעא אַחזִיָך יָת אִישָתֵיה רַבְתָא וֻפִתגָמוֹהִי שְמַעתָא מִגוֹ אִישָתָא׃
(1) 73:40 וֻחלָף אֲרֵי רָחֵים יָת אֲבָהָתָך וְאִתרְעִי בִבנֵיהוֹן בָתְרֵיהוֹן וְאַפְקָך בְמֵימְרֵיה בְחֵילֵיה רַבָא מִמִצרָיִם׃
(1) 83:40 לְתָרָכָא עַמְמִין רַברְבִין וְתַקִיפִין מִינָך מִן קְדָמָך לְאַעָלוּתָך לְמִתַן לָך יָת אֲרַעהוֹן אַחסָנָא כְיוֹמָא הָדֵין׃
(1) 93:40 וְתִידַע יוֹמָא דֵין וְתָתֵיב לְלִיבָך אֲרֵי יוי הוּא אֲלֹהִים דִשכִינְתֵיה בִשמַיָא מִלְעֵילָא וְשַלִיט עַל ארעא מִלְרַע לֵית עוֹד׃
(1) 04:40 וְתִיטַר יָת קְיָמוֹהִי״קִיָמוֹהִי#3#״ וְיָת פִקוֹדוֹהִי דַאֲנָא מְפַקֵיד לָך יוֹמָא דֵין דְיִיטַב לָך וְלִבנָך בָתְרָך וֻבדִיל דְתוֹרֵיך״דתאריך#3#״ יוֹמִין עַל ארעא דַיוי אֲלָהָך יָהֵיב לָך כֹל יוֹמַיָא׃
(1) 14:40 בְכֵין אַפרֵיש מֹשַה תְלָת קִרוִין בְעִברָא דְיַרדְנָא מַדנַח שִמשָא׃
(1) 24:40 לְמִיעִירַק״למערוק#3#״ לְתַמָן קָטוֹלָא דְיִקטוֹל יָת חַברֵיה בְלָא מַדְעֵיה וְהוּא לָא סָנֵי״שׂנא#3#״ לֵיה מֵאִתמָלִי וֻמִדְקַמוֹהִי״ומדקדמוהי#3#״ וְיִעִירוֹק לַחדָא מִן קִרוַיָא הָאִלֵין וְיִתקַיַים׃
(1) 34:40 יָת בַצַר בְמַדבְרָא בְאַרַע מֵישְרָא לְשֵיבַט רְאוּבֵן וְיָת רָאמוֹת בְגִלעָד לְשֵיבַט גָד וְיָת גוֹלָן בְמַתנַן לְשִבטָא דמנשה׃
(1) 44:40 וְדָא אוֹרָיתָא דִסדַר״דְסַדַר#3#״ מֹשַה קְדָם בְנֵי יִשרָאֵל׃
(1) 54:40 אִלֵין סָהִדוָתָא וֻקיָמַיָא וְדִינַיָא דְמַלֵיל מֹשַה עִם בְנֵי ישראל בְמִפַקהוֹן מִמִצרָיִם׃

(1) 64:40 בְעִברָא דְיַרדְנָא בְחִילְתָא לִקבֵיל״לָקבֵיל#3#״ בֵית פְעוֹר בְאְרַע״בְאַרַע#3#״ סִיחוֹן מַלכָא אְמוֹרָאָה דְיָתֵיב בְחַשבוֹן דִמחָא״דקטל#3#״ מֹשַה וֻבנֵי ישראל בְמִפַקהוֹן מִמִצרָיִם׃

(1) 74:40 וִירִיתוּ יָת אַרעֵיה וְיָת אֲרַע עוֹג מַלכָא דְמַתנַן תְרֵין מַלכֵי אֲמוֹרָאָה דִבעִברָא דְיַרדְנָא מַדנַח שִמשָא׃
(1) 84:40 מֵעֲרוֹעֵר דְעַל כֵיף נַחלָא דְאַרנוֹן וְעַד טוּרָא דְסִאוֹן הוּא חַרמוֹן׃
(1) 94:40 וְכֹל מֵישְרָא עִברָא דְיַרדְנָא מַדִנחָא״מַדנְחָא#3#״ וְעַד יַמָא דְמֵישְרָא תְחוֹת מַשפַך״מִשפַך#3#״ מֵירָמְתָא׃