The Comprehensive Aramaic Lexicon

(1) 10:60 וַאְמַר יוי לְמֹשַה כְעַן תִחזֵי דְאַעְבֵיד לְפַרעֹה אְרֵי בְיַד תַקִיפָא יְשַלַחִינוּן וֻביַד תַקִיפָא יְתָרֵיכִינוּן מֵאַרעֵיה׃
(1) 20:60 וֻמַלֵיל יוי עִם מֹשַה וַאְמַר לֵיה אְנָא יוי׃
(1) 30:60 וְאִתגְלִיתִי לְאברהם ליצחק וֻליעקב בְאֵל שַדָי וֻשמִי יוי לָא הוֹדַעִית״אודעית#3#״ לְהוֹן׃
(1) 40:60 וְאַף אְקֵימִית יָת קִיָמִי״קְיָמִי#3#״ עִמְהוֹן לְמִתַן לְהוֹן יָת ארעא דִכנַעַן יָת אְרַע תוֹתָבוּתְהוֹן דְאִתוֹתַבוּ בַה׃
(1) 50:60 וְאַף קְדָמַי שְמִיַע יָת קְבִילַת בְנֵי יִשרָאֵל דְמִצרָאֵי מַפלְחִין״מפילחין#3#״ בְהוֹן וֻדכִירנָא יָת קִיָמִי״קְיָמִי#3#״׃
(1) 60:60 בְכֵין אֵימַר לִבנֵי יִשרָאֵל אְנָא יוי וְאַפֵיק יָתְכוֹן מִגוֹ דְחוֹק פוּלחַן מִצרָאֵי וַאְשֵיזֵיב יָתְכוֹן מִפוּלחָנְהוֹן וְאִפרוֹק יָתְכוֹן בִדרָע מְרָמַם וֻבדִינִין רַברְבִין׃
(1) 70:60 וַאְקָרֵיב יָתְכוֹן קְדָמַי לְעַם וְאִהוֵי״וְאַהוֵי#3#״ואהא#3#״ לְכוֹן לַאְלָה וְתִידְעוּן אְרֵי אְנָא יוי אְלָהְכוֹן דְאַפֵיק יָתְכוֹן מִגוֹ דְחוֹק פוּלחַן מִצרָאֵי׃
(1) 80:60 וַאְעֵיל יָתְכוֹן לְארעא דְקַיֵימִית בְמֵימְרִי לְמִתַן יָתַה לאברהם ליצחק וליעקב וְאִיתֵין יָתַה לְכוֹן יְרוּתָא אְנָא יוי׃
(1) 90:60 וֻמַלֵיל מֹשַה כֵין עִם בְנֵי ישראל וְלָא קַבִילוּ מִן מֹשַה מֵעְיָק רוּחַ וֻמִפוּלחָנָא דַהוָה״דהות#3#״ קְשֵי״קשיא#3#״ עְלֵיהוֹן׃
(1) 01:60 וֻמַלֵיל יוי עִם מֹשַה לְמֵימַר׃

(1) 11:60 עוֹל מַלֵיל עִם פַרעֹה מַלכָא דמצרים וִישַלַח יָת בְנֵי ישראל מֵאַרעֵיה׃

(1) 21:60 וֻמַלֵיל מֹשַה קדם יוי לְמֵימַר הָא בְנֵי ישראל לָא קַבִילוּ מִנִי וְאֵיכְדֵין יְקַבֵיל מִנִי פרעה וַאְנָא יַקִיר מַמלַל׃
(1) 31:60 וֻמַלֵיל יוי עִם משה ולאהרן וֻפַקֵידִינוּן לְוָת״על#3#״ בְנֵי ישראל וֻלוָת״ועל#3#״ פרעה מַלכָא דמצרים לְאַפָקָא יָת בְנֵי ישראל מארעא דמצרים׃
(1) 41:60 אִלֵין רֵישֵי בֵית אְבָהָתְהוֹן בְנֵי רְאוּבֵין בוּכרָא דְישראל חְנוֹך וֻפַלוּא חַצרֹן וְכַרמִי אִלֵין זַרעְיָת רְאוּבֵן׃
(1) 51:60 וֻבנֵי שמעון יְמואל וימין ואהד ויכין וצחר ושאול בַר כְנַעְנֵיתָא אִלֵין זַרעְיָת שִמעוֹן׃
(1) 61:60 וְאִלֵין שְמָהָת בְנֵי לֵוִי לְתוֹלְדָתְהוֹן גֵרְשוֹן וֻקהָת וֻמרָרִי וֻשנֵי חַיֵי לֵוִי מְאָה וֻתלָתִין וֻשבַע שְנִין׃
(1) 71:60 בני גרשון לבני ושמעי לזרעיתהון׃
(1) 81:60 וֻבנֵי קְהָת עַמרָם ויצהר וחברון ועוזיאל וֻשנֵי חַיֵי קְהָת מְאָה וֻתלָתִין וֻתלָת שְנִין׃
(1) 91:60 וֻבנֵי מְרָרִי מַחלִי וְמוּשִי אִלֵין זַרעְיָת לֵוִי״לֵיוָאֵי#3#״ לְתוֹלְדָתְהוֹן׃
(1) 02:60 וֻנסֵיב״ודבר#3#״ עַמרָם יָת יוֹכַבַד אַחַת״אְחָת#3#״ אְבוּהִי לֵיה לְאִיתוּ״לאנתו#3#״ וִילֵידַת לֵיה יָת אהרן וְיָת משה וֻשנֵי חַיֵי עַמרָם מְאָה וֻתלָתִין וֻשבַע שְנִין׃
(1) 12:60 ובני יצהר קרח ונפג וזכרי׃
(1) 22:60 וֻבני עזיאל מישאל ואלצפן וסתרי׃
(1) 32:60 וֻנסֵיב אהרן יָת אְלִישַבַע בַת עַמִינָדָב אְחָתֵיה דְנַחשוֹן לֵיה לְאִיתוּ״לאנתו#3#״ וִילֵידַת לֵיה יָת נָדָב וְיָת אְבִיהוּא יָת אלעזר וְיָת אִיתָמָר׃
(1) 42:60 וֻבנֵי קֹרַח אסיר ואלקנה ואביאסף אִלֵין זַרעְיָת קֹרַח׃
(1) 52:60 ואלעזר בַר אהרן נְסֵיב לֵיה מִבְנָת פוּטִיאָל לֵיה לְאִיתוּ״לאנתו#3#״ וִילֵידַת לֵיה יָת פִנחָס אִלֵין רֵישֵי אְבָהָת לֵיוָאֵי לְזַרעְיָתְהוֹן׃
(1) 62:60 הוּא אהרן ומשה דַאְמַר יוי לְהוֹן אַפִיקוּ יָת בְנֵי ישראל מארעא דמצרים עַל חֵילֵיהוֹן׃
(1) 72:60 אִנוּן דִממַלְלִין עִם פַרעֹה מַלכָא דמצרים לְאַפָקָא יָת בְנֵי ישראל ממצרים הוּא מֹשַה וְאַהְרֹן׃
(1) 82:60 וַהְוָה בְיוֹמָא דְמַלֵיל יוי עִם מֹשַה בארעא דְמִצרָיִם׃
(1) 92:60 וֻמַלֵיל יוי עִם מֹשַה לְמֵימַר אְנָא יוי מַלֵיל עִם פַרעֹה מַלכָא דמצרים יָת כֹל דַאְנָא מְמַלֵיל עִימָך״לך#3#״׃
(1) 03:60 וַאְמַר מֹשַה קדם יוי הָאְנָא יַקִיר מַמלַל וְאֵיכְדֵין יְקַבֵיל מִנִי פַרעֹה׃