The Comprehensive Aramaic Lexicon

(1) 10:20 וַאְזַל גֻברָא מִדְבֵית לֵוִי וֻנסֵיב יָת בַת לֵוִי׃
(1) 20:20 וְעַדִיאַת אִיתְתָא וִילֵידַת בַר וַחזָת יָתֵיה אְרֵי טָב הוּא וְאַטמַרתֵיה תְלָתָה יַרחִין׃
(1) 30:20 וְלָא יְכֵילַת עוֹד לְאַטמָרוּתֵיה וֻנסֵיבַת לֵיה תֵיבוֹתָא דְגוֹמָא״דְגוֹמַא#3#״ וַחפָתַה בְחֵימָרָא וֻבזִפתָא וְשַוִיאַת בַר״בַה#2#״ יָת רָביָא וְשַוִיתַה בְיַעְרָא עַל כֵיף נַהרָא׃
(1) 40:20 וְאִתעַתַדַת אְחָתֵיה מֵרַחִיק לְמִידַע מָא יִתעְבֵיד לֵיה׃
(1) 50:20 וֻנחַתַת בַת פַרעֹה לְמִסחֵי עַל נַהרָא וְעוּלֵימָתַהָא מְהַלְכָן עַל כֵיף נַהרָא וַחזָת יָת תֵיבוֹתָא בְגוֹ יַעְרָא וְאוֹשֵיטַת יָת אַמְתַה וֻנסֵיבתַה׃
(1) 60:20 וֻפתַחַת וַחזָת יָת רָביָא וְהָא עוּלֵימָא בָכֵי וְחַסַת עְלוֹהִי וַאְמַרַת מִבְנֵי יְהוּדָאֵי הוּא דֵין׃
(1) 70:20 וַאְמַרַת אְחָתֵיה לְבַת פַרעֹה הַאֵיזֵיל וְאַקרֵי״וְאִקרֵי#2#״ לִיך אִיתְתָא מֵינִקתָא מִן יְהוּדַיָתָא וְתֵינִיק״וְתוֹנִיק#3#״ לִיך יָת רָביָא׃
(1) 80:20 וַאְמַרַת לַה בַת פַרעֹה אִיזִילִי וַאְזַלַת עוּלֵימְתָא וֻקרָת \יָת אִמֵיה״לאימיה#3#״ דְרָביָא׃
(1) 90:20 וַאְמַרַת לַה בַת פַרעֹה הַלִיכִי״אובילי#3#״ יָת רָביָא הָדֵין וְאוֹנִיקִיהוּ״ואונקיהי#3#״ לִי וַאְנָא אַתֵין יָת אַגרִיך וֻנסֵיבַת אִיתְתָא <ית#3#> רָביָא וְאוֹנִיקְתֵיה׃
(1) 01:20 וֻרבָא רָביָא וְאֵיתִיתֵיה לְבַת פַרעֹה וַהְוָה לַה לְבַר וֻקרָת שְמֵיה מֹשַה וַאְמַרַת אְרֵי מִן מַיָא שְחַלתֵיה׃
(1) 11:20 וַהְוָה בְיוֹמַיָא הָאִינוּן וֻרבָא מֹשַה וֻנפַק לְוָת אְחוֹהִי וַחזָא בְפוּלחָנְהוֹן וַחזָא גְבַר מִצרַי מָחֵי לִגבַר יְהוּדַי מֵאְחוֹהִי׃
(1) 21:20 וְאִתפְנִי לְכָא וֻלכָא וַחזָא אְרֵי לֵית אְנָש״גבר#3#״ וֻמחָא יָת מִצרָאָה וְטַמרֵיה״ואטמריה#3#״ בְחָלָא׃
(1) 31:20 וֻנפַק בְיוֹמָא תִניָנָא וְהָא תְרֵין גֻברִין יְהוּדָאִין נָצַן וַאְמַר לְחַייָבָא לְמָא אַת מָחֵי לְחַברָך׃
(1) 41:20 וַאְמַר מַן שַויָך לִגבַר רָב״רַב#3#״ וְדַיָין עְלַנָא הַלמִקטְלִי אַת אָמַר כְמָא דְקטַלתָא יָת מִצרָאָה וֻדחֵיל מֹשַה וַאְמַר בְקוּשטָא אִתיְדַע פִתגָמָא׃
(1) 51:20 וֻשמַע פַרעֹה יָת פִתגָמָא הָדֵין וֻבעָא לְמִקטַל יָת מֹשַה וַעְרַק מֹשַה מִן קְדָם פַרעֹה וִיתֵיב בְאַרעָא דְמִדיָן וִיתֵיב עַל בֵירָא׃
(1) 61:20 וֻלרַבָא דְמִדיָן שְבַע בְנָן \וַאְתַאָה וֻדלַאָה וֻמלַאָה ״ואתאן ודלאן ומליאן#3#״ יָת רָטַיָא״רהטיא#3#״ לְאַשקָאָה יָת עָנָא דַאְבוּהוֹן״דאבוהין#3#״׃
(1) 71:20 וַאְתוֹ רָעַיָא וֻטרַדוּנִין וְקַם מֹשַה וֻפרַקִינִין וְאַשקִי יָת עָנְהוֹן״ענהין#3#״׃
(1) 81:20 וְאַתָאָה לְוָת רְעוּאֵל אְבוּהוֹן״אבוהין#3#״ וַאְמַר מָדֵין אוֹחִיתִין לְמֵיתֵי יוֹמָא דֵין׃
(1) 91:20 וַאְמַרָא גֻברָא מִצרָאָה שֵיזְבַנָא מִידָא דְרָעַיָא וְאַף מִדלָא דְלָא לַנָא וְאַשקִי יָת עָנָא׃
(1) 02:20 וַאְמַר לִבנָתֵיה וְאָן הוּא לְמָא דְנָן״דין#3#״ שְבַקתִין יָת גֻברָא קִריַן״קְרַן#3#״ לֵיה וְיֵיכוֹל לַחמָא׃
(1) 12:20 וֻצבִי מֹשַה לְמִתַב עִם גֻברָא וִיהַב יָת צִפֹרָה בְרַתֵיה לְמֹשַה׃
(1) 22:20 וִילֵידַת בַר וֻקרָא יָת שְמֵיה גֵרְשֵם״גֵרְשוֹם#3#״ אְרֵי <אְמַר#3#> דַיָיר הְוֵיתִי בְאַרַע נוּכרָאָה׃

(1) 32:20 וַהוָה בְיוֹמַיָא סַגִיאַיָה הָאִינוּן וֻמִית מַלכָא דְמִצרַיִם וְאִתאַנַחוּ בְנֵי יִשרָאֵל מִן פוּלחָנָא דַהוָה קְשֵי״קשי#3#״ עְלֵיהוֹן וֻזעִיקוּ וֻסלֵיקַת קְבִילַתהוֹן לִקדָם יוי מִן פוּלחָנָא׃

(1) 42:20 וֻשמִיַע קדם יוי יָת קְבִילַתהוֹן וֻדכִיר יוי יָת קִיָמֵיה דְעִם אַברָהָם דְעִם יִצחַק וֻדעִם יַעְקֹב׃
(1) 52:20 וֻגלֵי קְדָם יוי שִעבוּדָא דִבנֵי יִשרָאֵל וַאְמַר בְמֵימְרֵיה לְמִפרַקהוֹן יוי׃