The Comprehensive Aramaic Lexicon

(1) 10:10 וְאִלֵין שְמָהָת בְנֵי יִשרָאֵל דְעָלוּ לְמִצרָיִם עִם יַעְקֹב גְבַר וַאְנָש בֵיתֵיה עָלוּ׃
(1) 20:10 רְאוּבֵן שִמעוֹן לֵוִי וִיהוּדָה׃
(1) 30:10 יִששָכָר זְבוּלוּן וֻבִניָמִין׃
(1) 40:10 דָן וְנַפתָלִי גָד וְאָשֵר׃
(1) 50:10 וַהוַאָה״והוה#3#״ כֹל נַפשָתָא נָפְקֵי יִרכָא דְיַעְקֹב שִבעִין נַפשָן״נפש#3#״ וְיוֹסֵף״עם יוסף#3#״ דַהוָה בְמִצרָיִם׃
(1) 60:10 וֻמִית יוֹסֵף וְכֹל אְחוֹהִי וְכֹל דָרָא הַהוּא׃
(1) 70:10 וֻבנֵי יִשרָאֵל נְפִישוּ וְאִתיַלַדוּ״ואיתילידו#3#״ וֻסגִיוּ וֻתקִיפוּ לַחדָא לַחדָא וְאִתמְלִיאַת אַרעָא מִנְהוֹן׃
(1) 80:10 וְקָם מַלכָא חְדַתָא עַל מִצרָיִם דְלָא מְקַיֵים גְזֵירַת יוֹסֵף׃
(1) 90:10 וַאְמַר לְעַמֵיה הָא עַמָא בְנֵי יִשרָאֵל סָגַן וְתָקְפִין״ותקיפין#3#״ מִנַנָא׃
(1) 01:10 הַבוּ נִתחַכַם לְהוֹן דִלמָא יִסגוֹן וִיהֵי אְרֵי יְעָרְעִינַנָא״תערעינני#3#״ קְרָב וְיִתוֹסְפוּן אַף אִינוּן עַל סָנְאַנָא״בעלי דבבנא#3#״ וִיגִיחוּן בַנָא קְרָב וְיִסקוּן מִן אַרעָא׃
(1) 11:10 וֻמַנִיוּ״וֻמַנִיאוּ#3#״ עְלֵיהוֹן שִלטוֹנִין מַבאְשִין בְדִיל לְעַנוֹאֵיהוֹן בְפוּלחָנְהוֹן וֻבנוֹ קִרוֵי בֵית אוֹצְרֵי לְפַרעֹה יָת פִיתוֹם וְיָת רַעמְסֵס׃
(1) 21:10 וֻכמָא דְמעַנַן לְהוֹן״יתהון#3#״ כֵין סָגַן וְכֵין תָקְפִין וְעַקַת לְמִצרָאֵי מִן קְדָם בְנֵי יִשרָאֵל׃
(1) 31:10 וֻאַפלַחוּ מִצרָאֵי יָת בְנֵי יִשרָאֵל בְקַשיוּ׃
(1) 41:10 וְאַמַרוּ״ואמררו#3#״ יָת חַיֵיהוֹן בְפוּלחָנָא קַשיָא בְטִינָא וֻבלִבנֵי״ובליבנין#3#״ וֻבכֹל פוּלחָנָא בְחַקלָא יָת כֹל פוּלחָנְהוֹן דְאַפלַחוּ בְהוֹן בְקַשיוּ׃
(1) 51:10 וַאְמַר מַלכָא דְמִצרַיִם לַחָיָתָא יְהוּדַיָתָא דְשֵם״דְשוֹם#3#״ חְדָא שִפרָה וְשוֹם תִניֵיתָא פוּעָה׃
(1) 61:10 וַאְמַר כַד תִהוְיָן מְיַלְדָן יָת יְהוּדַיָתָא וְתִחזְיָן עַל מַתבְרָא אִם בְרָא הוּא וְתִקטְלָן יָתֵיה וְאִם בְרַתָא הִיא תְקַיְימִינַה׃
(1) 71:10 וֻדחִילָא חָיָתָא מִן קדם יוי וְלָא עְבַדָא כְמָא דְמַלֵיל עִמְהוֹן מַלכָא דְמִצרָיִם וְקַיִימָא יָת בְנַיָא׃

(1) 81:10 וֻקרָא מַלכָא דְמִצרַיִם לְחָיָתָא וַאְמַר לְהוֹן״להין#3#״ מָדֵין עְבַדתִין פִתגָמָא הָדֵין וְקַיֵימתִין יָת בְנַיָא׃

(1) 91:10 וַאְמַרָא חָיָתָא לְפַרעֹה אְרֵי לָא כִנשַיָא מִצרַיָתָא יְהוּדַיָתָא אְרֵי חַכִימָן אִינִין עַד לָא עְלָא״עַלַת#3#״ לְוָתְהוֹן״לותהין#3#״ חָיָתָא וְיָלְדָן״וילידן#3#״׃
(1) 02:10 וְאוֹטֵיב יוי לְחָיָתָא וֻסגִי עַמָא וֻתקִיפוּ לַחדָא׃
(1) 12:10 וַהְוָה כַד דְחִילָא חָיָתָא מִן קדם יוי וַעְבַד לְהוֹן בָתִין׃
(1) 22:10 וֻפַקֵיד פַרעֹה לְכֹל עַמֵיה לְמֵימַר כֹל {בְרָו}<בְרָא> דְיִתִילֵיד לִיהוּדָאֵי בְנַהרָא תִרמוֹנֵיה וְכֹל בְרַתָא תְקַיְמוּן׃