The Comprehensive Aramaic Lexicon

(1) 10:62 וַהֲוָה כַפנָא בארעא בָר מִכַפנָא קַדמָאָה דַהוָה בְיוֹמֵי אברָהָם וַאֲזַל יִצחָק לְוָת אֲבִימַלַך מַלכָא דִפלִשתָאֵי לִגרָר׃
(1) 20:62 וְאִתגְלִי לֵיה יוי וַאֲמַר לָא תֵיחוֹת לְמִצרַיִם שְרִי בארעא דְאֵימַר לָך׃
(1) 30:62 דוּר בארעא הָדָא וִיהֵי מֵימְרִי בְסַעֲדָך וַאֲבָרְכִינָך אֲרֵי לָך וְלִבנָך אַתֵין יָת כֹל אַרעָתָא הָאִלֵין וַאֲקַיֵים יָת קְיָמָא דְקַיֵימִית לאברהם אֲבוּך׃
(1) 40:62 וְאַסגֵי יָת בְנָך כְכוֹכְבֵי שְמַיָא וְאִיתֵין לִבנָך יָת כֹל אַרעָתָא הָאִלֵין וְיִתבָרְכוּן בְדִיל בְנָך כֹל עַמְמֵי ארעא׃
(1) 50:62 חֲלָף דְקַבֵיל אברהם לְמֵימְרִי/במימרי#3#/ וֻנטַר מַטְרַת מֵימְרִי פִקוֹדַי קְיָמַי וְאוֹרָיָתִי׃
(1) 60:62 וִיתֵיב יִצחָק בִגרָר׃
(1) 70:62 וֻשאִילוּ אֲנָשֵי אַתרָא \עַל עֵיסַק אִיתְתֵיה /לאיתתיה#3#/ וַאֲמַר אֲחָת הִיא אֲרֵי דְחֵיל לְמֵימַר אִיתְתִי דִלמָא יִקטְלוּנַנִי אֲנָשֵי אַתרָא עַל רִבקָה אֲרֵי שַפִירַת חֵיזוּ הִיא׃
(1) 80:62 וַהֲוָה כַד סְגִיאוּ לֵיה תַמָן יוֹמַיָא וְאִסתַכִי אֲבִימַלַך מַלכָא דִפלִשתָאֵי מִן חֲרַכָא וַחזָא וְהָא יִצחָק מְחָאִיך עִים/ית#3#/ רִבקָה אִיתְתֵיה׃
(1) 90:62 וֻקרָא אֲבִימַלַך ליצחק וַאֲמַר בְרַם הָא אִיתְתָך הִיא וְאֵיכְדֵין אֲמַרת אֲחָת הִיא וַאֲמַר לֵיה יִצחָק אֲרֵי אֲמַרִית דִלמָא אִתקְטִיל/אימות#3#/ עֲלַה׃
(1) 01:62 וַאֲמַר אִבִימַלַך מָא דָא עֲבַדת לַנָא כִזעֵיר פוֹן שְכֵיב דִמיַחַד/חד דמיתאחד#3#/ בְעַמָא יָת/עִם#3#/ אִיתְתָך וְאֵיתִיתָא/ותהא מייתי#3#/ עֲלַנָא חוֹבָא׃
(1) 11:62 וֻפַקֵיד אֲבִימַלַך יָת כֹל עַמָא לְמֵימַר דְיַנזֵיק לְגַברָא/בגברא#3#/ הָדֵין וֻלאִיתְתֵיה/ובאיתתיה#3#/ אִתקְטָלָא יִתקְטִיל׃
(1) 21:62 וֻזרַע יִצחָק בארעא הַהִיא/ההוא#3#/ וְאַשכַח בְשַתָא הַהִיא עַל חַד מְאָה בִדשַעֲרוּהִי/בשערוהי#3#/ וֻבָרְכֵיה יוי׃
(1) 31:62 וֻרבָא גֻברָא אָזֵיל סָגֵי וֻרָבֵי עַד דִרבָא לַחדָא׃
(1) 41:62 וַהֲוָה לֵיה גֵיתֵי עָנָא וְגֵיתֵי תוֹרֵי וַעֲבוּדָה/וֻפֻלחָנָא#3#/ סַגִי וְקַנִיוּ בֵיה פְלִשתָאֵי׃
(1) 51:62 וְכֹל בֵירֵי דַחפַרוּ עַבדֵי אֲבוּהִי בְיוֹמֵי אברהם אֲבוּהִי טָמוּנִין פְלִשתָאֵי וֻמלוֹנִין עַפרָא׃
(1) 61:62 וַאֲמַר אֲבִימַלַך לְיִצחָק אִיזֵיל מֵעִמַנָא/מלותנא#3#/ אֲרֵי תַקֵיפַת מִנַנָא לַחדָא׃
(1) 71:62 וַאֲזַל מִתַמָן יִצחָק וֻשרָא בְנַחלָא דִגרָר וִיתֵיב תַמָן׃
(1) 81:62 וְתָב יִצחָק וַחפַר יָת בֵירֵי דְמַיָא דַחפַרוּ בְיוֹמֵי אַברָהָם אֲבוּהִי וְטָמוּנִין פְלִשתָאֵי בָתַר דְמִית אברהם וֻקרָא לְהוֹן שְמָהָן כִשמָהָן \דַהוָה קָרֵי /דִקרוֹ#3#/די קרא#3#/ לְהוֹן אֲבוּהִי׃
(1) 91:62 וַחפַרוּ עַבדֵי יִצחָק בְנַחלָא וְאַשכַחוּ תַמָן בֵיר דְמַיִין נָבְעִין׃
(1) 02:62 וֻנצוֹ רָעֲוָתָא דִגרָר עִם רָעֲוָתָא דְיִצחָק לְמֵימַר דִילַנָא מַיָא וֻקרָא שְמַה דְבֵירָא עֵיסַק אֲרֵי אִתעַסַקוּ עִימֵיה׃
(1) 12:62 וַחפַרוּ בֵיר אוּחרִי וֻנצוֹ אַף עֲלַה וֻקרָא שְמַה שִׂטנָה׃
(1) 22:62 וְאִסתַלַק מִתַמָן וַחפַר בֵיר אוּחרִי וְלָא נְצוֹ עֲלַה וֻקרָא שְמַה רְחֹבוֹת וַאֲמַר אֲרֵי כְעַן אַפתִי יוי לַנָא וְיַפְשִינַנָא/וְנִפוֹש#3#/ בארעא׃
(1) 32:62 וֻסלֵיק מִתַמָן לִבאֵר שָבַע׃

(1) 42:62 וְאִתגְלִי לֵיה יוי בְלֵיליָא הַהוּא וַאֲמַר אֲנָא אֲלָהֵיה דְאברהם אֲבוּך לָא תִדחַל אֲרֵי בְסַעֲדָך מֵימְרִי וַאֲבָרְכִינָך וְאַסגֵי יָת בְנָך בְדִיל אברהם עַבדִי׃

(1) 52:62 וֻבנָא תַמָן מַדבְחָא וְצַלִי בִשמָא דַיוי וֻפרַסֵיה תַמָן לְמַשכְנֵיה וֻכרוֹ תַמָן עַבדֵי יִצחָק בֵירָא׃
(1) 62:62 וַאֲבִימַלַך אֲתָא/אזל#3#/ לְוָתֵיה מִגרָר וְסִיעַת רָחֲמוֹהִי/מִרָחְמוֹהִי#3#/ וְפִיכֹל רַב חֵילֵיה׃
(1) 72:62 וַאֲמַר לְהוֹן יִצחָק מָדֵין אֲתֵיתוֹן לְוָתִי וְאַתוּן סְנֵיתוֹן יָתִי וְשַלַחתוּנִי מִלְוָתְכוֹן׃
(1) 82:62 וַאֲמַרוּ מִחזָא חֲזֵינָא אֲרֵי הֲוָה מֵימְרָא דַיוי בְסַעֲדָך וַאֲמַרנָא תִתקַייַם כְעַן מוֹמָתָא דַהוָת בֵין אֲבָהָתַנָא בֵינַנָא וֻבֵינָך וְנִגזַר קְיָם עִמָך׃
(1) 92:62 אִם תַעֲבֵיד עִימַנָא בִישָא כְמָא דְלָא אַנזֵיקנָך וֻכמָא דַעֲבַדנָא עִימָך לְחוֹד טָב וְשַלַחנָך בִשלָם אַת כְעַן בְרִיכָא דַיוי׃
(1) 03:62 וַעֲבַד לְהוֹן מִשתִיָא וַאֲכַלוּ וֻשתִיוּ׃
(1) 13:62 וְאַקדִימוּ בְצַפרָא וְקַיִימוּ גְבַר לַאֲחוּהִי וְשַלַחִינוּן יצחק וַאֲזַלוּ מִלְוָתֵיה בִשלָם׃
(1) 23:62 וַהֲוָה בְיוֹמָא הַהוּא וַאֲתוֹ עַבדֵי יִצחָק וְחַוִיאוּ לֵיה עַל עֵיסַק בֵירָא דַחפַרוּ וַאֲמַרוּ לֵיה אַשכַחנָא מַיָא׃
(1) 33:62 וֻקרָא יָתַה שִבעָה עַל כֵין שְמַה דְקַרתָא בְאֵר שָבַע עַד יוֹמָא הָדֵין׃
(1) 43:62 וַהֲוָה עֵשָׂו בַר אַרבְעִין שְנִין וֻנסֵיב אִיתְתָא יָת יְהוּדִית בַת בְאֵירִי חִיתָאָה וְיָת בָשְמַת בַת אֵילוֹן חִתָאָה׃
(1) 53:62 וַהוַאָה מְסָרְבָן וֻמַרגְזָן עַל מֵימַר יִצחָק וְרִבקָה׃