The Comprehensive Aramaic Lexicon

10:5	הוי דכיר יהוה מה דאיתגזר למהוי לנא אסתכל מן שמיא וחזי ית כסופנא׃
20:5	אחסנתנא אתהפכת״אתהפיכת#3#״אתהפיכאת#3#״ לחלונאי״לחילונאין#3#״ ביתנא לעמין״לעממין#5#״ נוכראין׃
30:5	הוינא מתילין ליתמין דלית להון אבא אמהתנא כארמלן דאזלו גבריהון״גובריהון#4#״ בקירוי״לקירוי#3#״ ימא ומספקא להון אם״אין#4#״ אינון קיימין׃
40:5	מימנא בכספא שתינא קיסנא בדמין ייתון׃
50:5	על פירקת״פריקת#3#״פרוקת#3# צוורנא אטעננא״איטעננא#4#״ כד הוינא אזלין בשביתא חמא נבוכדנצר רשיעא סרכיא דבני ישראל דאזלין ריקנין פקיד לחייטא ספרי אוריתא ולמעבד מנהון גואלקאן ומליאו יתהון מן פרידא די על ספר פרת וטען״וטענו#3#״ יתהון על צווריהון בהיא״ובההיא#4#״ זימנא לעינא לא הות ניחא לנא׃
60:5	מצרים יהבנא סטר״סעד#3#״ לאתפרנסא תמן ולאתור למסבע לחמא׃
70:5	אבהתנא חבו וליתהון״וליתיהון#4#״ בעלמא ונחנא בתריהון עוייתהון סוברנא׃
80:5	בנוי דחם דאיתיהיבו עבדין לבנוי דשם אינון שליטו בנא פריק לית מידהון׃
90:5	בנפשנא״בסכנת נפשנא#4#״ נייתי לחם פרנסותנא מן קדם קטול דחרבא דאתי מן סטר מדברא׃
01:5	משכנא היך תנורא אתקדרו מן קדם מפח כפנא׃
11:5	נשיא דהוו נסיבן לגבר בציון אתעניאו מן רומאי ובתולתא בקירוי יהודה מן כשדאי׃
21:5	רברבנין בידיהון אצטליבו אפי סביא לא סברו׃
31:5	רובין ריחיא נטלו וטליא בצליבת קיסא תקלו׃
41:5	סביא מתרע סנהדרין אתבטילו״אתבטלו#4#״ ורובין מן בית זמריהון׃
51:5	בטיל חדות ליבבנא אתהפיך לאבלא חינוגנא״חינגנא#3#״׃
61:5	נפלת כלילא דרישנא ווי לנא ארום חבנא׃
71:5	על דין בית מוקדשא דאצטדי״דאיתצדי#3#״ הוה חליש״חלש#4#״ לבבנא ועל אילין עמא״עמנא#3#״ בית ישראל דאזלו בגלותא מתמן הוו חשיכן עיננא׃
81:5	על טורא דציון דהוא צדי תעלין הליכו ביה׃
91:5	את הוא יהוה לעלם בית מותבך בשמי מרומא כורסי יקרך לדרי דריא׃
02:5	למה לעלמין תשליננא תשבקיננא לאוריכות״לאורכות#3#״ יומין׃
12:5	אתיב יהוה יתנא לותך וניתוב בתיובתא שלימתא תחדת יומנא לטב כזמן יומיא טביא דהוו מלקדמין׃
22:5	ארום אלהן מיקץ תיקוץ בנא רגיזתא״רגזתא#3#״ עלנא עד לחדא׃