The Comprehensive Aramaic Lexicon

10:3	אנא גברא \דחזא ענויא ״דחזינא עניא#3#״ בחוטרא דרדי ברוגזיה׃
20:3	יתי דבר ואוביל לחשוכא ולא לאנהורא״לנהורא#3#״׃
30:3	ברם בי יתוב יגלגל עלי מחתיה כל יומא׃
40:3	עתק בסרי ממכתשין ומשכי מן מחתא תבר גרמי׃
50:3	בנה עלי כרכומין ואקף קרתא ועקר רישי עממיא ושלחי אינון׃
60:3	בבית ייסורין״איסורין#3#״ דחשוכא״וחשוכא#3#״ יתיבני כמיתין דאזלין לעלמא אוחרן׃
70:3	סגר בתרי״בתאי#3#״ בגין דלא אפוק מן טריקא יקר על ריגלוי״ריגליי#3#״ כבלין דנחשא׃
80:3	אף ארום אצוח ואצלי אסתתים״אסתתם#3#״ בית צלותי׃
90:3	סגר אורחי במרמירין״במרמרין#4#״ פסילן שבילי סרב׃
01:3	דיבא מכמן הוא לי אריא \דמיטמר בכבישא ״ומנטר בטומרא בכיבשא#3#״׃
11:3	אורחי סרב ושסעני שויני צדו׃
21:3	מתח קשתיה ועתדני היך פלגליסא לגירא׃
31:3	אעיל בכיליותי״בכוליתי#3#״ גירי תיקיה׃
41:3	הויתי חוכא לכל פריצי עמי ומזמרן״ומזמרין#3#״ עלי כל יומא׃
51:3	אשביעני מרירת״מרירות#3#״ חיון ארווני״ארוויני#5#״ גידא״בנידא#3#״׃
61:3	וריצץ בפרידן שיני כן יתי בקיטמא׃
71:3	וקצת מלמשאל שלם״בשלמא#5#״ נפשי אנשיתי טיבותא׃
81:3	ואמרית הובד תוקפי וטובא״ומובי#4#״ דהויתי אוריך מן קדם יהוה׃
91:3	אדכר ענוי נפשי ומה דאמרירו בי סנאי ואשקיו יתי גידין ורישי חיון׃
02:3	מידכר תדכר ותצלי עלי נפשי על סיגופא׃
12:3	דא נחמתא אתיב על לבי בגין כן אוריך׃
22:3	טיבותא דיהוה ארום לא פסקו ארום לא אתמניעו רחמוהי׃
32:3	ניסין חדתין מרחיש״מרחיק#3#״ בצפריא סגיאה היא הימנותך׃
42:3	חולקי יהוה אמרית נפשי על כין אוריך ליה׃
52:3	טוב יהוה לסוברין״לסברין#5#״ לפורקניה לנפשא דתבע אולפניה׃
62:3	טב לאורכא ולמשתק עד דמטי״דתמטי#3#״כדו דתמטי#3#״ פורקנא דיהוה׃
72:3	טב הוא לגברא ארום יאלף נפשיה לסוברא ניר פיקודיא בטליותיה׃
82:3	יתיב בלחודוהי וישתוק ויסבול יסורין דאתין עלוהי בגין יחודא דשמא דיהוה דמשתלחין לאתפרעא מיניה על חובא קלילא דחב בעלמא הדין עד כדו דיחוס עלוהי ויטלינון מיניה ויקבל אפי״אפיה#3#״אגר#3#״ שלים לעלמא דאתי׃
92:3	יתן בעפרא פומיה וישתטח קדם ריבוניה מאים אית סבר׃
03:3	יושיט למחי ליה בגין דחלתא דיהוה יסבע קלנא״בקלנא#4#״׃
13:3	ארום לא ישלי יהוה לעובדוי״לעבדוי#5#״ לעלם לממסרינון בידא דסנאיהון׃
23:3	ארום אלהן ברישא יתבר ובתר כן יתוב וירחים לצדיקיא כסגיאות טיבותיה׃
33:3	ארום מן בגלל דלא עני גבר ית נפשיה ואעדי זחוחא מליביה בגין כן גרם לאסתקפא תברא בבני אנשא׃
43:3	למככא ולכבשא תחות <לאכסא#3#> ריגלוי כל אסירי ארעא׃
53:3	ולמצלי דין גבר מסכן כל קביל אפי עילאה׃
63:3	לסרבא אנש מסכן במצותיה איפשר דמן קדם יהוה לא יתגלי״איתגלי#5#״׃
73:3	מן הוא אנש דאמר והות בישתא מתעבדא״דמתעבדא#3#״ בעלמא אלהן מן בגלל דעבדו מה דלא אתפקדו מן פומא דיהוה׃
83:3	מפי״מפום#4#״ אלהא לא תפוק בישתא אלהן על ברת קלא רמיזא בגין חטופין דאיתמליאת ארעא ובעידן דבעי למיגזר טובא בעלמא מן פום קודשא״קודשיה#4#״ נפקא׃
93:3	מה ממון ישכח אנש דיחוב על יומי חיוהי גברא רשיעא על חובוי׃
04:3	נבלוש״נבליש#3#״ אורחנא ונבקר ונתוב בתיובתא קדם יהוה׃
14:3	נטול לבבנא בריר ונרמי חטוף וגזילן ידנא וניתוב קדם יהוה אלהנא דשכינתיה״דמדור שכינתיה#3#״ בשמי מרומא׃
24:3	נחנא מרדנא סרבנא ומן בגלל דלא הדרנא לותך אנת לא שבקת׃
34:3	טללתא עלנא ברגז״ברגוז#3#״ ורדפתנא בגלותא קטלתא ולא חסתא׃
44:3	טללתא שמיא בענני יקרא דילך מן בגלל דלא תעיבר לוותך צלותנא׃
54:3	טלטולין״טילטולין#4#״ ורטושין״ורטישין#5#״ שויתא יתנא ביני״בנו#3#״ עממיא׃
64:3	פתחו עלנא פומהון כל בעלי דבבנא למגזר עלנא \גזירין בישין ״גזירן בישן#3#״׃
74:3	ואימתא וזיעא הוה״הות#4#״ לנא מנהון רתיתא ותברא׃
84:3	היך יבלין דמיא זלגת״זלגן#3#״זלגא#3#״ עיני דמען״דמעין#4#״ על תברא״תבירא#3#״ דכינשת עמי׃
94:3	עיני זלגת דמען ולא תשתוק מלמבכי מדלית פאיג עקתי וממלל תנחומין לי׃
05:3	עד כדו״כדון#3#״ דיסתכי ויחזי עולבני יהוה מן שמיא׃
15:3	בכותא דעיני אסתקפת למרע נפשי על חורבן פילכי דעמי וניוול בנתא דירושלם קרתי׃
25:3	כמנא כמנו לי היך כצפרא״ציפרא#5#״ בעלי דבבי על מגן׃
35:3	עברו״גמרו#5#״ בגובא חיי ורגימו אבנא בי׃
45:3	שטו״שאטו#4#״ מיא על רישי אמרית במימרי אתגזרית מן עלמא׃
55:3	צליתי לשמך יהוה מן גוב ארעיתא׃
65:3	צלותי קבילתא בזמנא ההיא וכען לא תכסי אודנך מלקבלא צלותי לארווחותני בגין בעותי׃
75:3	קריבתא מלאכא לשזבותי״לשזבותני#3#״לשיזבתני#3#״ ביום״ביומא#5#״ דצליתי לך אמרת במימרך לא תדחל׃
85:3	נציתא יהוה לעבדין״לעבדי#4#״ מצותא לנפשי פריקתא מן ידיהון חיי׃
95:3	חזיתא יהוה סרוך דסריכו לי דון דיני׃
06:3	גלי קדמך כל נקמתהון כל מזימתהון עלי׃
16:3	שמיע קדמך כסופיהון יהוה כל מזימתהון עלי׃
26:3	סיפות קמין״קיימין#3#״ עלי והגיונהון״ולהיגינהון#3#״ולהיגיותהון#3#״ולהגיותהון#3#״ עלי כל יומא׃
36:3	מותביהון״מותבנהון#3#״ וזקיפתהון אסתכל אנא זמריהון׃
46:3	תתיב להון גמולא בישא יהוה כעובדי ידיהון׃
56:3	תתן להון תבירות״חפיפות#3#״ לבא \ושלאהותך שלהי ״ושלהאותך ישלהי#3#״ להון׃
66:3	תדלוקינון״תדליקינון#5#״ ברוגזא ותשיצינון מתחות שמי מרומא דיהוה׃

next chapter