The Comprehensive Aramaic Lexicon

10:2	איכדין יקוץ יהוה בתקוף רוגזיה ית כנישתא דציון טלק משמיא״מן שמיא#3#״ לארעא תושבחתא דישראל ולא דכיר בית מוקדשה דהוה גלוגדקא דריגלוהי״דרגלוי#3#״ ולא חס עלוהי ביום תקוף רוגזיה׃
20:2	שיצי יהוה ולא חס ית כל עידית יעקב״בית יעקב#3#״ פגר ברוגזיה כרכי כנישתא דבית יהודה אמטי לארעא אפיס \מלכותא דחס ״קציץ דהס#3#״ רברבנהא׃
30:2	קיצץ בתקוף רגז ית כל יקריה דישראל ארתע לאחורא יד ימיניה ולא סייע לעמיה מן קדם בעיל דבבא ואדליק בבית יעקב כאשתא דמשלהבא״דמצלהבא#3#״ אכלת חזור חזור׃
40:2	מתח קשתיה ורגם עלי גירין כבעיל דבבא אתעתד על יד ימיניה דנבוכדנצר וסייעיה כאילו הוה״הוא#5#״ מעיק לעמיה בית ישראל וקטל כל עולים וכל דמרגגין לחזו עינא במשכן כנישתא דציון שדא כביעור״כבעור#5#״ אשא״דאשא#3#״ רוגזיה׃
50:2	הוה יהוה דמי כבעיל דבבא״לבעיל דבבא#4#״ שיצי ישראל שיצי כל ברניתהא״בירנייתהא#3#״פלטורהא#3#״ חביל כל קירוי פציחהא״פצחהא#5#״ ואסגי בכנישתא דבית יהודה אבילותא ואנינותא׃
60:2	ושרש כגינתא בית מוקדשיה חבל״חביל#4#״ אתר מזומן לכפרא על עמיה אנשי יהוה בציון חדות יומא טבא ושבתא ושנא״וסני#3#״ורחק#3#״ בתקוף רוגזיה מלכא וכהניא״וכהנא#5#״ רבא׃
70:2	אשלי יהוה מדבחיה בעט מקדשיה מסר ביד בעיל דבבא שורי בירנייתא״בירנייתהא#4#״ קלא יהבו בבית מוקדשא דיהוה כקל עמא בית ישראל דמצליין בגויה ביומא דפסחא׃
80:2	חשב״חשיב#4#״ יהוה לחבלא שור כנישתא דציון סאט משקולתא ולא אתיב ידיה מלשיצאה ואביל מקפנא ושורא כחדא אתפגרו׃
90:2	טמעו״טבעו#3#״ בארעא תרעהא על די נכסו חזירא ואובילו מן דמיה עילויהון הוביד ותבר מזוזתהא מלכהא ורברבנהא גלו ביני עממיא על דלא נטרו פתגמי אורייתא כאילולא״כאילו לא#4#״ קבילו יתה בטורא דסיני אף נביאהא אתמנע מנהון רוח נבואת קודשא ולא אתאמר להון פתגם נבואתא מן קדם יהוה׃
01:2	יתבין על ארעא שתקין סבי כנישתא דציון אסיקו אפר מקלה על רישיהון קמארו״קמרו#3#״ סקין על בסריהון אחיתו לעפרא דארעא רישיהון בתולתא דירושלם׃
11:2	ספקו״ספו#3#״ בדמען עיני אידגארן״אידגארו#5#״אדגרו#3#״ מעי אתשד לארעא כבדי על תבר כנשתא דעמי כדו דצחו עולימיא״עולימא#4#״ וינקיא״וינוקא#4#״ בפתאות״בפתאוות#4#״ קרתא״קרייתא#4#״׃
21:2	לאמהון אמרין רוביא דישראל אן עיבור וחמר כד הוו צחיין כקטיל חרבא מן צחותא בפתאוות קירייתא כד יתשד״איתשד#5#״ נפשהון מן כפנא לגו עטיף אמהון׃
31:2	מה אסהיד בך״ביך#3#״ ומה אהי מדמה״מדמי#4#״ לך״ליך#4#״ כנישתא דירושלם מה אחביר״איחבר#4# לך אהי מנחם ליך בתולתא דכנישתא דציון ארום סגי תבריך כסגיאות תבר גללי ימא רבא בעידן נחשוליה ומן הוא אסיא״אסא#4#״ די יסי יתיך מן מרעיך״מרעיתך#4#״׃
41:2	נביאי שקרא די בינך הינון <הוו#4#> אתנביאו ליך שקרא ולית משש לנבואתהון ולא פרסימו ית פורענותא דעתיד למיתי עליך בגלל חוביך לאהדרותך בתיובתא אלהן נבאו״נביאו#4#״ ליך נבואת מגן ומילי טעותא׃
51:2	שפקו עליך ידיהון כל עברי אורחא שריקו״שרקו#4#״ בספותהון וטלטילו ברישיהון על כנישתא דירושלם אמרו בפומהון הדא היא קרתא דהוו אמרין אבהתן <גוי וסביא#4#> דמלקדמין דהיא גמירת נואי ושופרא חדוה לכל יתבי ארעא׃
61:2	פתחו עליך פומהון כל בעלי דבביך שרקו בספותהון ועסיאו בשיניהון ואמרו שיצינא ברם דין יומא דהוינא״דהוינן#3#״ <מ>מתינן אשכחנא חזינא׃
71:2	עבד יהוה מה דחשיב גמר מימר פומיה די פקיד למשה נביא מן יומין קדמאין דאי לא נטרין בני ישראל ית פיקודיא דיהוה עתיד לאתפרע״לאתפרעא#3#״ מנהון פגר ולא חס ואחדי עליך בעלי דבבא ארום״ארים#5#״ יקר מעיקיך׃
81:2	צוח לבהון <דישראל#4#> קדם יהוה דרחים״די ירחים#5#״ עליהון שורא <דקרתא#3#> יקרא דציון זלגי״זלוגי#3#״זליגי#3#״ כנחלא דמעין ימם״יממא#3#״ וליליא לא תתנון״תתני#5#״ תנחומין לצערין לפייגא צלותא די לך״ליך#4#״ ולא תשתוק״תשבק#3#״ עינך״בבת עיניך#3#״בת עיניך#3#״ מלמדמע׃
91:2	קומי כנישתא דישראל שריא״דשריא#5#״ בגלותא עסוקי במשנה בליליא ארום שכינתא דיהוה שריא לקבליך ובפתגמי אוריתא בשירוי שפרפרא שדיאי היך מיא עקמומית ליביך והדרי בתיובתא וצליאי בבית כנשתא״בבי כנשתא#3#״ כל קבל אפי יהוה טולי לותיה בצלו ידיך על נפשת עולימיך דצחין בכפנא בריש כל מחוזין׃
02:2	חזי יהוה ותהי מסתכל מן שמיא \למן אסתקיפתא ״למאן אסתקפתא#4#״ כדנן אם חזי לבנתא״לבנאתא#3#״ דישראל למיכל <בכפנא#4#> פירי בטניהון עולימיא רגיגתא״רגיגין#3#״רגיגיא#3#״ דהוו מלפפין״מתלפפין#3#״ בסדינין דמילתין ענת מידת דינא וכן אמרת אם חזי למקטל בבית מוקדשא דיהוה כהנא״כהניא#4#״ ונבייא כמה דקטלתון ית זכריה \בר עדו ״בר יהוידע#5#״ כהנא רבא ונבייא מהימן בבית מוקדשא דיהוה ביומא דכפוריא על דאוכח יתכון דלא תעבדון דביש קדם יהוה׃
12:2	דמכו על ארעא דמחוזין״במחוזין#3#״ עולימיא וסביא דהוו רגילין למשכוב על כרין דמילת ועל ערסין דשן דפיל בתולתי ורוני נפלו קטילין בחרבא קטלתא ביום רוגזך נכסתא ולא חסתא׃
22:2	תהי קרי חירותא לעמך בית ישראל על יד משיחא היכמה דעבדת על יד משה ואהרן \ביומא דפסחא דאתכנשון עולימי חזור חזור ״ביומא דנפקו ממצרים ואתכנשון עולימוי#3#״ויתכנשון עולימוי#5#״ מן כל אתר דאתבדרו תמן \ביומא תקיף ״ביום תקוף#3#״ רוגזך יהוה ולא הוה בהון שיזבא ושארא דלפיפית בסדינין ודרביתי בתפנוקי מלכין בעלי דבבי שיציאונון׃

next chapter