H The Comprehensive Aramaic Lexicon

CAL CODE HELP CLICK HERE
click on the file description for more information

81015: TgEsth2sup (Targum Sheni Larger Supplements)

click on a word for lexical analysis
Click on a red-colored coordinate for comments and/or translations of the line

previous chapter


41:50 2sm 11rap ואמרת ליה זרש אתתיה וכ[ו]להון רחמוי מה היא הימנותיה דמרדכי דמתילין הינון באבנא אבנא נפל על ברנשה ותברא ליה ברנש נפיל על אבנא והוא מתביר א׳ם המן לה לאתתיה אילו א[י]בד[י]ת כולה ממוני לית אנא אזיל עד דמוביד יתיה ואמר לרחמוי מה אתון ענין ענון רחמוי וא׳ם ליה לא תשמע לה אלא עביד קיסא דאריך נ׳ אמין והוה המן [אז]יל ובעי קר[י]תא דאריכא חמשין אמין ולא אשכח אלא חדא דהוות בביתיה דאייתי יתה פרשנדתא בריה מן קידרוניא דהיא קרדוס מטול דשליטא הוה תמן בריה דהמן וחזא לקריתא תמן והיא הות מן תיבותא דנ[ח] ועקר יתה המן מן ב[י]תיה מטול דתתקים ביה לווטא דדריוש דכת׳ ואנש [די יה]שנא דנא יתנסח אע מן ביתיה וזקיף ו׳ג ושפר פיתג[מא קדמוי] דהמן ועבד צ[לי]בא לגרמיה [א]תקין יתיה ושכלליה משחי[ בת קלא צוחת וא]מרת מה יאי ושפיר לך הן צלי[בא]׃
41:50 6sm 11rap דהוה מן יומ׳ דזמינת אסתר ית המן לשירות׳ איתעקו בני ישר׳ ואמרין דין לדין הדין מסאנינן בכל יומ׳ ויומ׳ דתיבעי אסתר מן מלכ׳ דנקטליה והיא מזמנא ליה לשירותא בהא שעתא שפכו דבית יעקב כולון לבהון ואתרחיצו על אבוהון דבשמיא וכן אמרין קדמוי עני יתן עני כל מעיקיא היך דתלין עיני עבדוי למריהון והיך עיני אמתא לריבונתה כדין תליין עיננא עלך עד עידן דתתגלי ות{ת}פ<ר>וק יתנא דהא סנאה ובעיל דבב׳ מגדף ואמר מן אינון יהודאי בכין שמע בקל צלותהון ועבד בעותהו׳ ביה בליליא מטול דבכל זימנא דפריק יתהון מן בעלי דבבהון בליליא פריק יתון מפרעה ומסנחריב מן כל דקמו עליהון׃
41:50 1sm 11rap והוה מיומא די זמינת אסתר ית המן לשירותא איתעקו בני ישראל ואמרין דין לדין הדין מסאנינן בכל יומא ויומא דתיבעי אסתר מן מלכא למיקטל ית המן והוא מזמנא ליה לשירותא ביה שעתא שפכו דבית ישראל כולהון ליבהון ואיתרחיצו על אבוהון בשמיא וכן אמרו קדמוי עני יתן עני כל מעיקיא דהיך דתליין עבדוי למריהון והיך עיני אמתא לריבונתה כך תליין עיננא עלך עד עידן דתתגלי ותפרוק יתן דהא שנאה ובעלי דבבא מגדף ואמ׳ מן אינון יהודאין בכן בכל צלותהון ועבד בעותהון ביה בליליא מטול דבכל זמנא דפריק יתהון מבעלי דבביהון בליליא בליליא פריק יתהון מפרעה ומסנחריב ומן כל דקמו עליהון׃
41:50 7sm 11rap והוה מיומא דזמינת אסת׳ ית המן לשירותא איתקעו בני ישראל ואמרין דין לדין הדין מסאנינן דתבעי אסת׳ מן מלכא למקטל ית המן והיא מזמנא ליה בשירותא ביה שעתא שפכו דבית ישר׳ כולהון לבהון ואתרחיצו על אבוהון דבשמיא וכן אמרו קדמוי עני יתן עני כל מעיקיא דהיך תליין עבדוי למריהון והיך אמתא לריבונתא כן תליין עיננא עלך עד עידן דתתגלי ותפרוק יתן דהא סנאה ובעיל דבבא מגדף וא׳ מאן בכל צלותהון ועבד בעותהון ביה בליליא מטול דבכל זימנא דפריק יתהון מבעלי דבביהון בליליא פריק יתהון מפרעה ומסנחריב ומן כל דקמו עליהון׃
41:50 4sm 11rap דהוה מן יומא דזמינת אסתר ית המן לשירותא אתעקו בני ישראל ואמרין דין לדין הדין מסאכינן בכל יומא ויומא דתיבעי אסתר מן מלכא דניקטליה והיא מזמנא ליה לשירותא בהא שעתא שפכו דבית יעקב כולון לבהון ואתרחיצו על אבוהון די בשמיא וכן אמרין קדמוי עני יתן עני כל מעיקיא היך דתלין עיני עבדין למריהון והיך עיני אמתא לרבונתה כדין תליין עיננא עלך עד עידן דתתגלי ותפרוק יתנא דהא סנאה ובעיל דבבא מגדף ואמר מן אינון יהודאי בכין שמע בקל צלותהון ועבד בעותהון ביה בליליא מטול די בכל זימנא דפריק יתהון מן בעלי דבביהון בליליא פריק יתון מפרעה ומסנחריב מן כל דקמו עליהון׃

next chapter