H The Comprehensive Aramaic Lexicon

CAL CODE HELP CLICK HERE
click on the file description for more information

81011: TgChron1 13

click on a word for lexical analysis
Click on a red-colored coordinate for comments and/or translations of the line

previous


10:31 1 ואתיעט דוד עם רבני אלפיא ומאוותא לכל סרכן׃
20:31 1 ואמר דוד לכל קהלא דישראל אין קדמיכון שפיר ומן קדם ה׳ אלהנא אית רעוא נתוקף ונשדר מטול אחנא דאשתיירון בכל ארעתא דישראל ועמהון כהניא ולואי בקרוי פרוויליהון ויתכנשון לותנא׃
30:31 1 ונחזור ית ארונא דאלהנא לותנא ארום לא תבענא יתיה ביומי שאול׃
40:31 1 ואמרו כל קהלא למעבד כדין ארום תקין פתגמא קדם כל עמא׃
50:31 1 וכנש דוד ית כל ישראל מן נילוס דמצרים ועד מעל{ו}<ן> לאנטוכיה לאעלא ית ארונא דה׳ מקרית יערים׃
60:31 1 וסליק דוד וכל ישראל לבעל לקרית יערים די ביהודה לאסקא מן תמן ית ארונא דה׳ הוא ה׳ דשכנתיה שריא עיל מן כרובי׳ דאתקרי שמיה עלוהי׃
70:31 1 ואחיתו ית ארונא דה׳ בעגלתא חדתא מן בית אבינד׳ ועזא ואחיו מדברין בעגלתא׃
80:31 1 ודוד וכל ישראל משבחין קדם ה׳ בכל תוקפא בשירין ובכנרין ובנבלין ובתפין ובצלצלין ובחצצרתא׃
90:31 1 ואתו עד אתר מתקן ואושיט עזא ית ידיה למיחד ית ארונא ארום מרגוהי תורייה׃
01:31 1 ותקיף רוגזא דה׳ בעז׳ ומחהי מטול דאושיט ידיה על ארונא ומית תמן קדם ה׳׃
11:31 1 ותקף לדוד ארום תרע ה׳ תורעתא בעז׳ וקרא לאתרא ההוא אתר דמית ביה עזא עד יומא הדין׃
21:31 1 ודחיל דוד מן קדם ה׳ ביומא ההוא למימר איכדין אעיל לותי ית ארונא דה׳׃
31:31 1 ולא אפני דוד ית ארונא לותיה לקרתא דדוד ואפנייה לבית עבד אדם גתאה׃
41:31 1 ואשתהי ארונא דה׳ לות עבד אדום בביתיה תלתא ירחין ובריך מימרא דה׳ ית עבד אדום בבנין ובני בנין דאתעברת אתתיה ותמניא כלתיה וילידן תמניא תמניא בכריסא חד עד דאשתכחו ביני אבהן ובנין ביום חד תמנין וחד וית כל די ליה בריך ואסגי עד לחדא׃

next