H The Comprehensive Aramaic Lexicon

CAL CODE HELP CLICK HERE
click on the file description for more information

81011: TgChron1 10

click on a word for lexical analysis
Click on a red-colored coordinate for comments and/or translations of the line

previous


10:01 1 ופלשתאי אגחו קרבא בישראל ואפכו אנש ישראל מן קדם פלשתאי ונפלו קטילין דחרבא בטורא דגלבוע׃
20:01 1 ואדביקו פלשתאי בתר שאול ובתר בנוהי ומחו פלשתאי ית יהונתן וית אבינדב וית מלכישוע בני שאול׃
30:01 1 ותקיפו עבדי קרבא על שאול ואשכחוהי קשתיא דאומנין מיגד בקשתא ודחיל מן קשתייא׃
40:01 1 ואמר שאול לנטיל זינוי שלוף סייפך וקטולני בה דלמא ייתון ערליא אליין ויתלעבון בי ולא צבה נטיל זיניה ארום הוה דחיל לחדא ונסיב שאול ית סייפא ואתרמא עלה׃
50:01 1 וחזא נטיל זיניה ארום מית שאול ואתרמא אוף הוא על סייפא ומית׃
60:01 1 ומית שאול ותלת בנוי וכל אנש ביתיה דהוו תמן כחדה מיתו׃
70:01 1 וחמון כל אנש ישראל די במישרא ארום אפכו וארום מיתו שאול ובנוי ושבקו קרוהון ואפכו ואתו פלשתאי ויתיבו בהום׃
80:01 1 והוה ביומא אחרן ואתו פלשתאי לערטלא ית קטיליא ואשכחו ית שאול וית תלתא בנוי קטילין רמן על טורא דגלבוע׃
90:01 1 וחלצוהי ואתיזו ית רישיה וית זיינוי ושדרו בארע פלשתא׳ חזור חזור למבשרא ית בית טעוותהון וית עמא׃
01:01 1 ושויאו ית זיינוי בית טעוותהון וית גולגלתי׳ זקפו על זיקפא קביל טעות דגון׃
11:01 1 ושמעו כל אנשי יבש גלעד ית כל מה דעבדו פלשתאי לשאול׃
21:01 1 וקמו כל גבר ג<י>בר ונטלו ית גושמא דשאול וית גושמי בנוי ואייתאונון ליבש וקברו ית גרמיהון תחות בוטמא דיבש וצמו שובעא יומין׃
31:01 1 ומית שאול מטול שקריה דשקר במימרא דה׳ מטול פתגמא דה׳ דלא נטר באגחותיה קרבא בדבית עמלק ואוף דשאיל בבידין למתבע מנהון אולפנא׃
41:01 1 ולא תבע אולפנא מן קדם ה׳ באוריא ותומי׳ על דיקטל כהניא די בנוב וקטליה ה׳ וסקף ית מלכותא לדוד בר ישי׃

next