The Comprehensive Aramaic Lexicon

]1[10:82	ארום אית לסימא מפקנא ואתר לדהבא מסננין׃
]1[20:82	פרזלא מן עפרא יתנסב ואבנא יתיך כרכומא״נחשא#2#״׃
]1[30:82	סוף שוי לחשוכא ולכל סופא הוא מפשפש אבנין מפולמן \דמן תמן ״דמתמן#1٠2#״ נפק חשוך וטולי וטולי מותא׃
]1[40:82	תקף נחלא מן אתר דמזלח״דמיזדלח#1#״ מרזיבא דמתנשיין מן למעבד ברגלא אזדקפו מן בני נשא אטלטלו׃
]1[50:82	ארעא דמנה נפיק מזונה ולרע מנה גיהנם דצינת תלגיה מתהפיך דכמת אשתא׃ {ת׳א} ארעא דסדום דמינה הוה נפיק לחמא ועל דחבת איתהפיך דכמת אישא׃
]1[60:82	דגינתא דעדן אתר דשבזיזא אבניהא״אבנהא#1#״ ועפרותין״ועפרוריין#1#״ דדהבן ליה׃
]1[70:82	שביל אילן חיי דלא חכמיה סמאל דפרח היך עופא ולא סקרתיה עינא דחוה׃ {ל׳א} אורח אילן חייא לא חכמתיה עופא ולא סקרתיתיה עין טרפיתא׃
]2[70:82	{ל׳א} אורחא דלא חכמיה עופיא ולא סקרתיה עין טופיתה׃
]1[80:82	לא הליכו בה בני דאדם ולא סטא עלוהי חיויא׃ {ל׳א} לא טיילו בה בנייא דאריוון ולא זאר עילוי ליונא״ליתא#2#״׃
]1[90:82	בשמיר אושיט ידיה הפך מן עיקריהון טוריא״טווריא#1#״׃
]1[01:82	בטינרין נהרין בזע וכל איקרא חמת עיניה׃
]1[11:82	מן זלחי קלילי נהריא זריז מן חרכא ותעלומאה מפיק נהורא׃
]1[21:82	וחכמתא מן האן תשכח״תשתכח#1٠2#״ והאן דין אתר ביונתא׃
]1[31:82	לא ידע בר נש עלויה ולא תשתכח בארעא זידנין דמחטיין בחייהון׃
]1[41:82	תהומא אמר לא גבי היא וימא אמר לית עמי״בהדי#2#״׃
]1[51:82	לא יתיהב דהב סנין חלופהא ולא ייתקל סימא פירוגה׃
]1[61:82	לא תשתלחוף בפיטלון דמן אופיר בבירולין יקיר ושבזיזא׃
]1[71:82	לא יעלינה דהבא ואספלידא״ואיספקלירא#1#״ ופירוגא מאני אובריזון״אובריזין#1#״׃ {ת׳א} לא יסדרנה גבר עתיר בדהב וזכוכיתא״וזגוגיתא#1#״ אין לא יהיב חלופה מאני דהבא סנינא׃ {ת׳א} לית איפשר דתשתכח בקילותא״בזילותא#1#״ אלהן ביוקרא היך דהבא ומאן דלא ינטורנה אזלא״אכלא#1#״ ומתברא היך ז<ג>וגיתא ופירוג אגרא לעלמא דאתי מאני פזוזייא׃
]1[81:82	סנדלנין״סנדלכין#1#״ ופירוצין״ובירוצין#1#״ובירורין#1#״ובדורין#1# לא ידכר ונגדא דחכמתא מן מרגליין׃
]1[91:82	לא יעלינה מרגלא ירקא דאתי מן כוש בפיטלון דכי לא תשתלחיף׃
]1[02:82	וחכמתא מן האן תיתי והאן דין אתר ביונתא׃
]1[12:82	וכסייא מן מחמיהון דכל דחי ומן כנופא״עופא#1٠2#״ דשמיא אטמרא׃
]1[22:82	בית אובדנא ומלאך מותא אמרו במיתיהבא לישראל במשמענא שמענא שמועתא׃
]1[32:82	אלהא אתביין אורחה והוא חכים״ידע#2#״ ית אתרה׃
]1[42:82	ארום \״הוא#1٠2#״ לסייפי ארעא יסתכל תחות כל שמיא יחמי׃
]1[52:82	למעבד לרוחא מתקלא ומיא סכים״אתקן#1#״ במשחתא׃
]1[62:82	במעבדיה למטרא קיימא גזירתא ומהלך לחזיזי דרהטין בקליא׃
]1[72:82	הידין״בכין#1#״ חמייה ואשתעיה עם מלאכי שירותא אתקנה ולחוד פשפיש יתה׃
]1[82:82	ואמר לבר נשא הא דחלתא דייי היא חכמתא ולמעדי מן ביש ביונתא׃

next chapter