H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:931 לשבחא על יד דוד תושבחתא יהוה פשפשתני וידעת׃
200:931 את קדמך גלי אותבותי למיעסק באוריתא ואוקימותי למיזל״למיעל#1#״ בקרבא איתביינת לחברותי בכנישתך מן עם רחיק׃
300:931 כדון בהליכותי״במיזלי#1#״ באורחא וברבעותי למעסק באוריתא איתעבדת חילוני וכל אורחותי אסכינתא׃
400:931 וכד״ארום#1#״ לית ממלל בלישני \״דשקר#1#״ הא יהוה ידעת מחשבת \לבי כולא ״כל גושמי#1#״׃
500:931 מאחוראי ומאפי אעיקתא יתי וגרית עלי מחתא דידך׃
600:931 \מכסיא למידע ״פרישא מנדעא#1#״ מיני איתקפת״איזדקפת#1#״ לא איכול לה׃
700:931 אן״האן#1#״ אזיל מן קדם זעפך והאן מן קדמך איפוך׃
800:931 אין אסק לשמיא תמן אנת״את#1#״ ואימוך לשיול הא תמן מימרך׃
900:931 אזקוף ציצין דקריץ אשרי בסופי ימא״מערבא#1#״׃
010:931 לחוד תמן אידך תדבר יתי ותחדינני ימינך׃
110:931 ואמרית ברם חושך \דמחברבר עלי וליליא קביל אמטולתי ״קבלא עלי ברם ליליא מנהר עלי#1#״׃
210:931 לחוד חשוכא לא יחשיך מן מימרך וליליא היך יומא ינהיר היך חשוכא היך נהורא שויין׃
310:931 ארום אנת״את#1#״ קניתא כולייתי אישתיית לי בכריסא דאמי״דאומי#1#״׃
410:931 אודינך מטול דדחילן \״עבדתא#1#״ פרישית פרישן עובדיך ונפשי חכמא לחדא׃
510:931 לא אתכסא גרמי מינך די אתעבידית בטומרא אצטיירית בכריסא דאמא״דאומי#1#״׃
610:931 גושמי חמיין עיינך ועל ספר דכרנך כולהון יומי מכתבן ביומא דאתברי עלמא מן שירויא איתבריין כולהון ביריתא \״בשיתא יומין#1#״ ולית בחד חד \״יומא#1#״ ביניהון׃
710:931 ולי״וקדמי#1#״ כמה יקירין \״אינון#1#״ רחמייך צדיקיא אלהא \״וכמה#1#״ איתחיילו רבניהון׃
810:931 אימנינון בעלמא הדין יתיר מן חלא יסגעון אתערית בעלמא דאתי ועד כדון אנא גבך׃
910:931 אין תקטול אלהא לרשיעא וגברין דחייבין דין דקטול יזורון מיני׃
020:931 די יימון בשמך על ניכלא משתבעין על מגן בעלי דבבך׃
120:931 הלא מסנאך יהוה אנא סני וכד קיימין לקובלך אנא מגרג״מרגג#1#״׃
220:931 עד שיציאות סניתא סניתינון לבעלי דבבין הויין לי׃
320:931 חקרני״פשפש יתי#1#״ אלהא וידע רעיוני בחון יתי וידע הירהורי׃
420:931 וחמי אין אורח דטעין בי ודבר
520:931 יתי
420:931 באורח תריצי עלמא׃

next chapter