H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:811 שבחו קדם יהוה ארום טב ארום לעלם טוביה׃
200:811 יימרון כדון ישראל ארום לעלם טוביה׃
300:811 יימרון כדון בית אהרן ארום לעלם טוביה׃
400:811 יימרון כדון דחליא דיהוה ארום לעלם טוביה׃
500:811 מן עקתא קריתי יה״אלהא#1#״ קביל צלותי בפתאוא יה״אלהא#1#״׃
600:811 מימרא דיהוה בסעדי לא אדחל מה יעבד לי בר נש׃
700:811 מימרא דיהוה למסעדא יתי ואנא איחמי פורענותא בסנאי׃
800:811 טב למתרחצא במימרא דיהוה מן למירחץ בבר נש׃
900:811 טב למתרחצא במימרא דיהוה מן למירחץ ברברביא׃
010:811 כל עממיא חזרו״אקפון#1#״ יתי בשום מימרא דיהוה רחיצית ארום אתושינון׃
110:811 אקפון לי אף חזרו יתי בשום מימרא דיהוה רחיצית ארום אתושינון״אתושישינון#1#״׃
210:811 אקפון לי היך זיבורייתא״דבורייתא#1#״ דלקון היך אשתא בכובין בשום מימרא דיהוה רחיצית ארום אתושינון״אתושישינון#1#״׃
310:811 מדחי״מדחא#1#״ דחיית יתי \״חובי#1#״ למינפל ומימרא דיהוה סייעני׃
410:811 תוקפי ותושבחתי דחיל על כל עלמא״עממיא#1#״ יהוה אמר במימריה והוה לי לפריק׃
510:811 קל תושבחתא ופורק{ר}<נ>א במשכנהון דצדיקי ימינא דיהוה עבדת חילא׃
610:811 ימינא דיהוה מרממא ימינא דיהוה עבדת חילא׃
710:811 לא אימות ארום איחי ואישתעי עובדי אלהא׃
810:811 מכסנא אכסנני יה ולמותא לא מסר יתי׃
910:811 פתחו לי מעלני קרתא דצידקא אעול בהון אשבח יה״אלהא#1#״׃
020:811 דין מעלנא דבית מקדשא דיהוה צדיקיא ייעלון ביה׃
120:811 אהודי קדמך״קומך#1#״ ארום קבלתא צלותי והוית לי לפריק׃
220:811 טליא שביקו ארדיכליא הות ביני בניא דישי וזכה לאתמנאה למליך ושולטן׃
320:811 מן קדם יהוה הות דא אמרו ארדיכליא היא פרישא קדמנא אמרו בנוי דישי׃
420:811 דין יומא עבד יהוה אמרו ארדיכליא נדוץ ונחדי ביה אמרו בנוי דישי׃
520:811 בבעו מינך יהוה \״פרוק#1#״ כדון אמרו ארדיכליא בבעו מינך יהוה אצלח כדון אמרו ישי ואנתתיה׃
620:811 בריך דאתי בשום מימרא דיהוה אמרו ארדיכלי יברכון יתכון מן בית מקדשא דיהוה אמר דוד׃
720:811 אלהא יהוה אנהר לנא אמרו שבטיא דבית יהודה כפיתו טליא לניכסת חגא בשושלוון עד די תקרבוניה ותדון אדמיה בקרנת מדבחא אמר שמואל נבייא׃
820:811 אלהי את ואודי קדמך״קומך#1#״ אלהי אשבחינך אמר דוד׃
920:811 מתיב שמואל ואמר שבחו כנישתא דישראל אודו קדם יהוה ארום טב ארום לעלם טוביה׃

next chapter