H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:511 לא מטולתנא יהוה לא מטול זכוותנא ארום לשמך הב איקרא מטול טובך ומטול קושטך׃
200:511 למא יימרון עממיא אן״האן#1#״ השתא אלההון׃
300:511 ואלהנא מדוריה בשמיא כל די יצבי עבד׃
400:511 טעותהון \״דעממיא#1#״ דכספא ודהבא עובד ידוי בר נש׃
500:511 פומא להון ולא ממללין עיינין להון ולא חמיין׃
600:511 אודנין להון ולא שמעין נחירי להון ולא מריחין׃
700:511 ידהון ולא ממשמשין ריגלהון ולא מה<ל>כין לא מרננין בעינקהון׃
800:511 דיכמתהון יהון עובדיהון כל די מתרחיץ עליהון׃
900:511 ישראל רחיץ במימרא דיהוה סעידהון ותריסיהון הוא׃
010:511 דבית אהרן רחיצו במימרא דיהוה סעידהון ותריסיהון הוא׃
110:511 דחליא דיהוה רחיצו במימרא דיהוה סעידהון ותריסיהון הוא׃
210:511 מימרא דיהוה דכר יתנא לטב יברך יברך ית בית ישראל יברך ית בית אהרן׃
310:511 יברך דחליא דיהוה זעיריא עם רברביא׃
410:511 יוסיף מימרא דיהוה עילויכון עילויכון ועילוי בניכון׃
510:511 בריכין אתון מן קדם יהוה עבד שמיא וארעא׃
610:511 שמי שמיא לשכינת יקרא דיהוה וארעא יהב לבני נשא׃
710:511 לא מיתיא משבחין שמא דיהוה ולא כל נחותי בית קבורת אדמתא׃
810:511 ואנחנא נברך יה מן השתא ועד עלמא הללויה״שבחו אלהא#1#״׃

next chapter