H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:701 שבחו קדם יהוה ארום טב ארום לעלם טוביה׃
200:701 יימרון פריקיא דיהוה די פרקינון מן יד מעיקא׃
300:701 ומארעתא כנשינון ממדינחא וממערבא מציפונא ומן ימא סטר דרומא׃
400:701 על עמא דבית ישראל איתנבי ואמר עמא בית ישראל טעו במדברא בצדי אורחא קרתא דמיתבא לא אשכחו׃
500:701 \כפינין לחוד צהינין ״כפנין לחוד צהיין#1#״ נפשתהון תשתלהיא׃
600:701 וצלו קדם יהוה כד עיק להון ממעקתהון \פצא יתהון״פצאינון#1#״׃
700:701 ודברינון״והוליכינון#1#״ בארחא תריצתא למיזל לירושלם קרתא דמיתבא׃
800:701 יהודון קדם יהוה מטול חסדיה ומישתען פרישותיה לבני נשא׃
900:701 ארום אשבע נפש סריקא ונפשא כפינא מלי טובא׃
010:701 על צדקיהו ורברבני ישראל את{בנ}<נב>י ואמר צדקיהו ורברבני ישראל דגלו בבבל ויתיבו בחשוכא וטולא דמותא והוו אסירין בסיגוף שירי פרזלא׃
110:701 ארום סריבו על מימריה דאלהא ומלכת עילאה רחיקו׃
210:701 ותבר בליעותא לבהון אתקילו ולית דסעיד׃
310:701 וצלו קדם יהוה בדעיק להון ממעיקתהון פרקינון׃
410:701 אפיקינון מחשוכא וטולא דמותא ושלשלותהון״ושושלוותהון#1#״ יתרע׃
510:701 יהודון קדם יהוה מטול חסדיה ומשתען פרישותיה לבני נשא׃
610:701 ארום תבר דשי נחשא ועברי פרזלא קציץ׃
710:701 על חזקיה מלך שבטא דבית יהודה אתנבי ואמר חזקיהו מליך דבית יהודה דסריב למיסב אתתא אסתגיף היך שטין דמאורח מרדיהון ומעוייתהון מסתגיפין׃
810:701 כל מיכלא״אוכלא#1#״ תרחיק נפשהון ומטיין עד מעלני מותא׃
910:701 וצלו קדם יהוה כד עיק להון ממעיקתהון יפרקינון׃
020:701 ישדר״שדי#1#״ פתגמי אסותיה ויסי יתהון וישזיב מלחבלותהון׃
120:701 יהודון קדם יהוה מטול חסדיה ומשתען פרישותיה לבני נשא׃
220:701 ויכסון נכסי״נכסת#1#״ תודתא וישתעון עובדוי בדיצתא׃
320:701 על מלחיא דיונה בר אמיתי איתנבי ואמר מלחיא נחותי ימא באלפיא עבדי פולחנא במיין סגיעין׃
420:701 הינון חמון עובדיא דיהוה ופרישותיה במצולתא׃
520:701 ואמר במימריה ואקים זעפא ועלעולא ואתרוממו גללוי׃
620:701 סלקין צית שמיא נחתין עמקי תהומיא נפשתהון בבישא״בבישותא#1#״ תתמוגג׃
720:701 ירתתון ינועון״ויטעון#1#״ היך רוויא דחמר וכל חוכמתהון מסתלעמא׃
820:701 וצלו קדם יהוה כד עיק להון וממעיקתהון יפיק יתהון׃
920:701 יקים עלעולא לשתיקותא וישתקון״ושתקן#1#״ גלליהון׃
030:701 וחדון ארום שתקין ודברינון למחוז רעייתהון״רעותהון#1#״׃
130:701 יהודון קדם יהוה מטול חסדיה ומשתען פרישותיה לבני נשא׃
230:701 ומרוממין יתיה בכנשת עמא בית ישראל ובסנהדרין דחכימיא ישבחון יתיה׃
330:701 על דרא דיואל בר פתואל אתנבי ואמר כד מרדו בית ישראל ביומי דיואל נבייא אייתי בצורתא בעלמא שווי נהרוותא היך מדברא ומפקנות מיא היך צהותא׃
430:701 ארעא דישראל דעבדא פירי צדא היך סדום דאתהפיכת מן בישות יתבין בה׃
530:701 כד תבו לאוריתא שוי מדברא היך אריתא דמיא וארע ציהייא״צדיא#1#״ למפקנות מיא׃
630:701 ואשרי תמן כפינים ואתקינו קרתא מייתבא׃
730:701 וזרעו חקלין ונציבו״ונסיבו#1#״ כרמיא ועבדו פרי אבא׃
830:701 ובריכינון ויסגון״וסגו#1#״ לחדא ובעיריהון לא יזעיר׃
930:701 וכד חבו אזערו ואתמסכנו מן אניק בישתא ודבונא׃
040:701 שדי בסרנותא על רברבניא ואטעיאונון״ואתעינון#1#״ בלמא דלא אורחא׃
140:701 וכד תבו לאוריתא שגיב חשוכא ממסכינותא ושוי היך עני גניסיא׃
240:701 יחמון תריציא ויחדון וכל״ועל#1#״ מרי שקרא שוורת פומה ואתחסמת׃
340:701 מן חכימא וינטור אילין ויתבוננון״ויתביינון#1#״ חסדייא דיהוה׃

next chapter