H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:601 הללויה״שבחו אלהא#1#״ אודו קדם יהוה ארום טב ארום לעלם טוביה׃
200:601 מן ייכול למללא גבורתא דיהוה ירשי לאשמעא לכולהון תושבחתיה׃
300:601 טובהון דנטרי דינא עבדי צדקתא בכל עידן׃
400:601 דכר יתי יהוה ברעוא טבא עם עמך אדכר לי בפורקנך׃
500:601 למיחמי בטובת בחירייך למיחדי בחדות עמך לאשתבחא עם אחסנתך׃
600:601 חבנא עם אבהתנא עותנא ארשענא׃
700:601 אבהתנא במצרים לא אשכילו פרישותך לא דכרו ית סוגעי טובך וסריבו על מימרך על ימא בימא דסוף׃
800:601 ופרקינון בגלל שמיה לאודעא ית גבורתיה׃
900:601 ונזף בימא דסוף ואתנגיב והליכינון בתהומיא היך כבמדברא׃
010:601 ופרקינון מיד סנאה ופרק יתהון מן יד בעלי דבבא׃
110:601 וחפון מיא מעיקיהון חד מנהון לא אשתאר׃
210:601 והימינו בשום מימריה שבחו תושבחתיה׃
310:601 סרהיבו אתנשיאו עובדוי לא אסתברו״איסתחרון#1#״ למלכתיה׃
410:601 \ושיילו שאלתא ״ורגיגו ריגגא#1#״ ונסיאו אלהא באתר צדו״צהי#1#״׃
510:601 ויהב להון שילותהון ושדר פתרנותא בנפשהון׃
610:601 וטננו למשה במשריתא לאהרן קדישא דיהוה׃
710:601 אתפתחת ארעא ובלעת דתן וחפת על סיעת אבירם׃
810:601 ודלקת אישתא בסיעתהון להבותא תשלהיב רשיעיא׃
910:601 עבדו עגלא בחורב וסגידו למתכא׃
020:601 ופרגון ית איקר ריבוניהון בדמות תור דאכיל עסבא ומזדהם׃
120:601 אתנשיאו אלהא פרקהון דעבד רברבן במצרים׃
220:601 פרישן בארעא דחם דחילן על ימא דסוף׃
320:601 ואמר במימריה לשיציותהון אילמלי משה בחיריה דקם ואתקף בצלו קדמוי לאתבא חמתיה מלחבלא׃
420:601 ואתרחיקת נפשהון בארעא ריגגא״רגיגה#1#״ לא המינו בפתגמיה׃
520:601 ואתרעמו במשכנהון לא קבילו במימרא דיהוה׃
620:601 וארים ידיה בשבועה מטולהון למרמי יתהון קטילין במדברא׃
720:601 ולאגלאה זרעהון בעמיא״בעממיא#1#״ ולבדרותהון בארעתא׃
820:601 ואדביקו בטעות פעור ואכלו נכסי״נכסת#1#״ מיתיא׃
920:601 וארגיזו קדמוי בעובדיהון ותקפת בהון מותנא׃
030:601 וקם פינחס וצלי ואתכליית מותנא׃
130:601 ואתחשבת ליה לזכו לדר ודר עד עלמא׃
230:601 וארגיזו על מי מצותא ובאיש למשה בגללהון׃
330:601 ארום סריבו על רוח קודשיה ופריש בסיפוותיה׃
430:601 לא שיציאו ית עמיא״עממיא#1#״ די אמר יהוה להון׃
530:601 ואתערביבו בעמיא״בעממיא#1#״ ואליפו ית עובדיהון׃
630:601 ופלחו ית טעותהון והוו להון לתקלא׃
730:601 ודבחו ית בניהון וית בנתיהון למזיקיא׃
830:601 ושדו אדם זכאי דמי״אדם#1#״ בניהון ובנתהון די דבחו לטעות כנענאי ואיטנפת ארעא בחובין דקטול׃
930:601 וטמיאו״וסאיבו#1#״ בעובדיהון וטעו במעללהון׃
040:601 ותקיף רוגזא דיהוה בעמיה ורחיק \״מימריה#1#״ ית אחסנתיה׃
140:601 ומסרינון ביד עמיא״עממיא#1#״ ושליטו בהון סנאיהון׃
240:601 ודחקינון בעלי דבביהון ואתכניעו״אכבישו#1#״ תחות ידהון׃
340:601 זמנין סגיעין יפצי אינון והינון יסרבון ליה במלכתהון ואתמכיאו בחוביהון׃
440:601 וחמא כד עיק להון כד שמע״שמיע קדמוי#1#״ ית צלותיהון׃
540:601 ודכיר להון קיימיה ותב מן רוגזיה כסוגעי חסדוי״טבוותיה#1#״׃
640:601 ויהב יתהון לרחמין באנפי כל דשבו יתהון׃
740:601 פרוק יתנא יהוה אלהנא וכנוש יתן מביני עממיא לאודאה בשום קודשך לאשתבחא בתושבחתך׃
840:601 בריך שמא דיהוה אלהא דישראל מן עלמא הדין ועד עלמא דאתי ויימר כל עמא אמן הללויה״שבחו אלהא#1#״׃

next chapter