H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:301 על יד דוד איתאמר בנבואה בריכי נפשי ית שמא דיהוה וכל בני גווי \״ית#1#״ שמא דקודשיה׃
200:301 בריכי נפשי ית שמא דיהוה ולא תתנשי ית כל חיסולוי דעבד לאימיך״לאומיך#1#״ תדיין באתר ביונתא׃
300:301 דשביק לכל עוייכי דמסי לכל מרעייכי׃
400:301 דפריק מגהנם חייכי דאכליל יתייכי חסדא ורחמי׃
500:301 דמסבע בטובא יומי סיבותייכי ולעלמא דאתי תחדת היך נשרא דכולאה טליותייכי׃
600:301 עביד צידקתא יהוה ודינין לכל טלומין׃
700:301 גלי אורחתיה למשה לבני ישראל עובדוי׃
800:301 רחמנא וחננא יהוה מרחיק רגז ומסגי למעבד טבון״טבוואן#1#״ וקשוט׃
900:301 לא לעלמין ינצי ולא לעלם ינטור דבבו׃
010:301 לא כחובנא עבד לנא ולא כעויתנא שלים לנא׃
110:301 ארום היך״היכמה#1#״ גביהין שמיא מעילוי ארעא הכדין גבר טוביה על דחלוי׃
210:301 היך״הי כמה#1#״ דרחיק מדינחא מן מערבא הכדין ארחיק מיננא ית סורחננא׃
310:301 היך״הי כמה#1#״ די רחים״חייס#1#״ אבא על בניא הכדין רחים״חייס#1#״ יהוה על דחלוי״דדחלין מיניה#1#״׃
410:301 ארום \הוא ידע ״קדמוהי גלי#1#״ יצרנא בישא דמחטי״דמתעי#1#״ יתנא דכיר קדמוי ארום מן עפרא אנחנא׃
510:301 בר נש היך עסבא יומיה היך ניצא דחקלא הכדין יניץ׃
610:301 ארום זעפא נתבת ביה וליתוי ולא אישתמודעיה תוב אתריה׃
710:301 וחיסדא דיהוה מן עלמא הדין ועד עלמא דאתי על דחלוי וצדקתיה לבני בנין׃
810:301 לנטרי קיימיה ולדכרי פיקודוי למעבדהון׃
910:301 יהוה בשמי מרומא אתקין כורסיה ומלכותיה בכולא שלטא״שליטא#1#״׃
020:301 בריכו שמא דיהוה מלאכוי דמתגברין בחילא עבדי מילוליה למשמע קל מילוליה׃
120:301 בריכו שמא דיהוה כל חילוי משומשנוי דעבדי רעותיה׃
220:301 בריכו שמא דיהוה כל עובדוי בכל אתר שולטניה בריכי נפשי ית שמא דיהוה׃

next chapter