|
|
CAL CODE HELP CLICK HERE |
|
|
CAL CODE HELP CLICK HERE |
click on a word for lexical analysis
Click on a red-colored coordinate for comments and/or translations of the line
| 100:101 | על יד דוד תושבחתא אין חסדא את גמיל עמי אין דינא את עבד עמי על כולא אשבח קדמך יהוה אזמר׃ |
| 200:101 | אמר אלהא אשכלינך באורח שלים אימתי תיעול לוותי אמר דוד אתהלך בשלימות לבבי בגו בית אולפני׃ |
| 300:101 | לא אשוי ללבי״לקביל עיני#1#״ מלתא דרשיעא עבדי בישין ושטין״וסטיין#1#״ מן פיקודיא סניתי לא ידבקון בי׃ |
| 400:101 | ליבא עוקמנא יעדי מיני יצרא בישא לא אדע׃ |
| 500:101 | דמישתעי לישן תליתאי על חבריה יתיה אמגר״אגמר#1#״ וילקי בצירעתא דאזיל בגסות עיינין עימיה לא אדור בעלמא׃ |
| 600:101 | עיני בקשיטי ארעא למיתב במחיצת צדיקי דאזל באורחא שלים הוא יקום עם שמשי׃ |
| 700:101 | לא יתיב״יתיתיב#1#״ במצע בית מוקדשי עביד נכילו די ממלל שיקרין לית ליה רשו לאתכונא קבל עייני׃ |
| 800:101 | לעלמא דאתי דאמתיל לנהור צפריא אמגר״אגמר#1#״ כל רשיעי ארעא לשיצאה מן ירושלם קרתא דיהוה כל עבדי שקר׃ |
