H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:090 צלותא דצלי משה נבייא דיהוה כד חבו עמא בית ישראל במדברא עני וכן אמר יהוה דמדור בית שכינתך בשמיא את הויתא לנא סעיד בכל דר ודר׃
200:090 כד איתגלי קדמך דעמך עתידין למחוב אתקינתא תתובא עד דלא טוריא איתנטלו ואיתבריאת ארעא ויתבי תבל ומן עלמא הדין עד עלמא דאתי את הוא אלהא׃
300:090 תתיב בר נש על חוביה עד מותא ואמרת תובו בני נשא׃
400:090 ארום אלף שנין \בעינך מתחשבין קדמך ״חשיבין קומך#1#״ היך יומא דאיתמלי ארום יעיבר והיך מטרת ליליא׃
500:090 ואין לא תייבין תיתי עליהון מותא היך דמכין יהון ולעלמא דאתי היך עסבא דמיתפרכא יתחלפון׃ \״{ת׳׳א} אשקיתון כס דלווט היך רוי בשנתיה הוון#1#״׃
600:090 דמיין עובדיהון היך עסבא די בצפרא יניץ ויסגי לרמשא מתמולל ומתיבש מן חורבא׃
700:090 ארום אשתיצנא מן תוקפך ומן רגזך״חמתך#1#״ איתבהלנא׃
800:090 שויתא חובנא לקובלך עויית טליותנא קביל נהור אפייך׃
900:090 ארום כל יומנא איתפניאו קדמך״#1#״ ברוגזך שיצינא יומי חיינא היך הבל פומא דסתווא׃
010:090 יומי שנ{ו}תנא בעלמא הדין שובעין שנין מתאלמין ואין בגבורתא תמנן שנין וסוגעיהון ליאות ושקר לחייביא ארום עדו בסרהוביא וטייסין לצפרא״לעפרא#1#״׃
110:090 מן הוא דידע לאתבא עושנא דתוקפך אלהין צדיקיא דדחלין מינך משדכין רוגזך׃
210:090 למימני יומנא מן יתכוון להודע ברם נבייא דלביה מבע״מבני#1#״ חוכמתא׃
310:090 תוב יהוה עד אימתי תסגפיננא ותוב מן בישתא די מלילתא למעבד לעבדך״לעמך#1#״׃
410:090 שבע יתנא לעלמא דמתיל לצפרא טובך ונרנן ונחדי בכולהון יומנא׃
510:090 שמח יתנא היך יומין דסגיפתנא היך שניא דחמינא בישתא׃
610:090 יתחמי לעבדך עובדי ניסך ושיבהורך על בניהון׃
710:090 ויהי בסימותא דגן עדן מן קדם יהוה \״אלהנא ועובדי ידנא יצלחון אתקין פתגמי אוריתא#1#״ עלנא ועובדי ידנא מיניה יתקנן׃

next chapter