H The Comprehensive Aramaic Lexicon

CAL CODE HELP CLICK HERE
click on the file description for more information

81002: TgPs (Targum Psalms)

click on a word for lexical analysis
Click on a red-colored coordinate for comments and/or translations of the line

previous chapter


100:370 תושבחתא על ידיה דאסף ברם טב לישראל אלהא לברירי ליבא׃
200:370 ואנא כזעיר \״פון#1#״ אתמוטטא ריגלי כלמא דאזדעזעא איסתוורי׃
300:370 ארום טננית במתלעביא בעידן די שלם רשיעיא אחמי׃
400:370 ארום ליתיהון תווהין ומצטערין מטול״על#1#״ יום מיתתיהון איתבעיין מחשבתהון ופטים ואלים לבהון׃
500:370 בליעות גברין דמתעסקין באוריתא ליתיהון לעיין ועם בני נשא צדיקי דסבלין ייסורי״איסורי#1#״ לא״ליתיהון#1#״ מתכתשין׃
600:370 לכך״בגין#1#״ כן עטרתנון גיוותנותא כלילא דמשוין ברישיהון מן חטוף דילהון׃
700:370 שנא מן שמנא״שויתא דמות#1#״ פרצופיהון עברו חוטביהון״רוטביהון#1#״ חפורת״חפו על לוחי#1#״ ליבא׃
800:370 יתמקמקון מן פיטמא״רוטבא#1#״ וימללון לאבאשא ולטלומא מן רום לבהון ימללון׃
900:370 שויאו בקדישי שמיא פומהון ולישנהון מצלהבא בקדישי״בצדיקי#1#״ ארעא׃
010:370 בכן״בגין כן#1#״ \תאיב על עמיא דיהוה למלכותהון ״על דייי#1#״ וימחונון במרזופין ודמעין \״היך#1#״ סגיעין מחתין להון׃
110:370 ויימרון הכדין ידע אלהא ואית מנדעא בעילאה׃
210:370 הא אילין רשיעיא דיתבין בשלותא בעלמא הדין״#1#״ אדביקו נכסין קנו חילא׃
310:370 ברם לסריקותא זכית לבבי״לבי#1#״ ושזבית בברירו ידי׃
410:370 והויתי כתיש כל יומא ומכסנותי לצפרירי׃
510:370 אין אמרית אישתעי דמכמתהון״דכסתחין#1#״ הא על דר בנייך ארשעית׃
610:370 וחשבית למידע ית דא ליעות הוא בעיני׃
710:370 עד זמן פורקנא דאיתי \לות מקדשי״לבית מקדשא#1#״ אלהא אתבין לסופיהון׃
810:370 ברם בקבליא שויתא להון רמיתנון לשהוותא״לשחותא#1#״׃
910:370 הכדין הוו לצדו כשעתא כלו״#1#״ אישתיצון \״שלימו#1#״ מן איתרגשון״איתרוגשן#1#״׃
020:370 היך חילמא מן גבר \״רוי#1#״ דמיתער יהוה ליום דינא רבא באתעריתהון מן בית קבורתהון ברגז דמותהון תבסר׃
120:370 ארום יחוש לבי וכולייתי בערן כאשא׃
220:370 ואנא שטיא ולא אידע היך בעירי איתחשבית גבך׃
320:370 ואנא תדירא עימך״גבך#1#״ אוחדתא ביד ימיני׃
420:370 במלכתך תדברינני \״בעלמא הדין#1#״ ובתר שלים איקריה דאמרת עלי לאייתאה תסבנני׃
520:370 מן כוותך דילי בשמיא אלא את ועימך״ובהדך#1#״ חברא לא צביתי בארעא׃
620:370 אשתיצא גושמי ולבבי תקיפא דבחין לבבי וחולקי אלהא לעלמא׃
720:370 ארום הא רשיעיא די מתרחקין מינך יאבדון שיציתא כל דטעי מן בתר דחלתך׃
820:370 ואנא למיקרב ביהוה לי טב שוית ביהוה אלהים רוחצני למישתעיא לצדיקיא כולהון פיקודי שליחותך׃

next chapter